Y-Mathiơ 25:1 - Klei Aê Diê Blŭ 2015

¹ “Hlăk anăn ƀuôn ala mtao adiê srăng jing msĕ si phung pluh čô mniê êra hrông djă pui kđen nao bi tuôm hŏng sa čô êkei dôk mô̆.

Y-Mathiơ 25:1 Iomraidhean Croise

Klei Bi Êdah 19:7

Brei drei mơak leh anăn hơ̆k, leh anăn brei klei guh kơang kơ Ñu, kyuadah klei bi kuôl ung mô̆ kơ Êđai Biăp truh leh, leh anăn Mô̆ Ñu mprăp gơ̆ pô leh.

Klei Bi Êdah 21:9

Leh anăn sa čô hlăm phung kjuh čô dĭng buăl jăk djă kjuh boh êlŭ bŏ hŏng kjuh klei bi knap knhal tuč hriê kơ kâo leh anăn lač, “Hriê bĕ, kâo srăng ktrâo kơ ih mniê srăng dôk ung jing mô̆ kơ Êđai Biăp.”

Klei Bi Êdah 21:2

Leh anăn kâo ƀuh ƀuôn doh jăk, ƀuôn Yêrusalem mrâo, trŭn mơ̆ng adiê mơ̆ng Aê Diê, mprăp mkra leh msĕ si sa čô mniê čiăng bi tuôm hŏng ung ñu srăng dôk.

Y-Yôhan 3:29

Hlăm klei bi kuôl, mniê dôk ung jing pô pioh kơ êkei dôk mô̆; ƀiădah mah jiăng êkei anăn dôk giăm leh anăn hmư̆ gơ̆, mâo klei mơak êjai hmư̆ asăp êkei dôk mô̆. Snăn yơh klei hơ̆k mơak kâo bŏ dlai.

Y-Mathiơ 13:24

Yêsu mtô kơ diñu klei bi hriêng mkăn, lač, “Ƀuôn ala mtao adiê dưi bi hmô hŏng sa čô êkei rah mjeh jăk hlăm hma ñu,

Y-Êsai 54:5

Kyuadah Pô Hrih ih jing ung ih, Yêhôwa kơ phung kahan jing anăn Ñu; leh anăn Pô Doh Jăk Israel jing Pô Bi Tui ih, arăng pia Ñu Aê Diê kơ jih lăn ala.

Klei Bi Êdah 14:4

Phung anăn yơh amâo tuôm bi čhŏ digơ̆ pô hŏng mniê ôh, kyuadah digơ̆ jing phung hrông. Digơ̆ yơh tui hlue Êđai Biăp tar ƀar ti anôk Ñu nao. Aê Diê bi tui digơ̆ leh mơ̆ng phung mnuih jing boh hlâo hlang kơ Aê Diê leh anăn kơ Êđai Biăp.

Y-Tit 2:13

êjai dôk guôn klei drei čang hmăng jăk mơak, klei bi êdah klei guh kơang Aê Diê prŏng leh anăn Pô Bi Mtlaih drei, Yêsu Krist.

Y-Mathiơ 22:2

“Ƀuôn ala mtao adiê jing msĕ si sa čô mtao mkra klei ƀơ̆ng huă bi kuôl ung mô̆ kơ anak êkei ñu.

II Y-Timôthê 4:8

Mơ̆ng anei kơ anăp mâo đuôn mtao klei kpă ênô pioh leh kơ kâo. Khua Yang, khua phat kđi kpă, srăng brei đuôn anăn kơ kâo hlăm Hruê anăn, leh anăn amâo djŏ knŏng kơ kâo ôh, ƀiădah msĕ mơh wăt kơ jih jang phung khăp leh kơ klei Ñu srăng lŏ hriê.

Y-Mathiơ 3:2

“Kmhal hĕ bĕ kơ klei soh diih, kyuadah ƀuôn ala mtao adiê giăm truh leh.”

Y-Đaniel 2:44

Hlăm ênuk phung mtao anăn, Aê Diê hlăm adiê srăng mdơ̆ng sa boh ƀuôn ala mtao amâo srăng tuôm rai luč ôh, kăn klei kiă kriê anăn srăng lĕ kơ găp djuê mkăn rei, ƀiădah ƀuôn ala mtao Aê Diê srăng bi mčah leh anăn bi rai jih jang ƀuôn ala mtao anei, leh anăn ñu srăng dôk nanao hlŏng lar.

I Kôrantô 11:2

Kâo bi mni kơ diih kyuadah diih hdơr kơ kâo hlăm jih jang klei, leh anăn tui gưt klei kâo mtô leh kơ diih.

Y-Mathiơ 20:1

“Ƀuôn ala mtao adiê jing msĕ si sa čô khua sang nao aguah ưm čiăng mưn phung mă bruă hlăm đang boh kriăk ƀâo ñu.

Y-Mathiơ 13:47

“Msĕ mơh ƀuôn ala mtao adiê jing msĕ si sa blah jal arăng dlăm hlăm êa ksĭ djŏ djăp mta kan.

Klei Mmuñ Hđăp 45:14

Arăng atăt ñu ti anăp mtao hơô čhiăm ao siam; phung mniê êra hrông găp ñu êbat ti tluôn ñu.

Y-Mathiơ 13:38

hma jing lăn ala, mjeh jăk jing phung anak ƀuôn ala mtao, rơ̆k jhat jing phung anak pô jhat,

Klei Mmuñ Siam Hĭn 5:8

Kâo mtă kơ diih, Ơ phung anak mniê ƀuôn Yêrusalem, tơdah diih ƀuh pô kâo khăp, hưn brei kơ ñu kâo hwăt leh kyua klei kâo khăp đei.

Klei Bi Êdah 4:5

Mơ̆ng jhưng mtao anăn kbiă kmlă, asăp blŭ, leh anăn grăm. Ti anăp jhưng mtao mâo kjuh boh pui kđen trơ̆ng, jing kjuh čô yang mngăt Aê Diê.

II Kôrantô 11:2

Kâo mâo klei trih kơ diih msĕ si klei Aê Diê trih. Kyuadah kâo bi čuôp leh diih hŏng Krist msĕ si sa čô mniê êra hrông doh kơ knŏng sa čô sa čô ung.

Y-Mathiơ 9:15

Yêsu lač kơ diñu, “Dưi mơ̆ phung arăng jak kơ klei huă mnăm bi kuôl ung mô̆ kơŭ kyăm êjai êkei dôk mô̆ dôk mbĭt hŏng diñu? Hruê srăng truh tơdah arăng mă êkei dôk mô̆ mơ̆ng diñu, hlăk anăn diñu srăng kăm ƀơ̆ng huă.

Y-Mathiơ 5:16

Msĕ mơh brei klei mngač diih mtrang ti anăp mnuih, čiăng kơ diñu dưi ƀuh bruă jăk diih ngă leh anăn diñu mpŭ mni kơ Ama diih hlăm adiê.”

Bruă Phung Khua Ƀĭng Kna 20:8

Mâo lu pui kđen hlăm adŭ tal dlông anôk hmei bi kƀĭn.

Y-Mathiơ 13:31

Yêsu lŏ blŭ klei bi hriêng mkăn kơ digơ̆, lač, “Ƀuôn ala mtao adiê jing msĕ si sa asăr djam bei hat sa čô mnuih mă leh anăn rah hlăm hma ñu.

Klei Mmuñ Siam Hĭn 5:16

Klei ñu blŭ jing mơak hĭn hmư̆, leh anăn arăng khăp snăk kơ ñu. Anăn yơh jing pô kâo khăp leh anăn mah jiăng kâo, Ơ phung anak mniê ƀuôn Yêrusalem.

Klei Mmuñ Siam Hĭn 1:3

êa mñak ih ƀâo mngưi, anăn ih jing msĕ si êa ƀâo mngưi arăng trôč; kyuanăn yơh phung mniê êra hrông khăp kơ ih.

Y-Mathiơ 25:7

Snăn jih jang phung mniê êra hrông kgŭ pĭt leh anăn mkra pui kđen diñu.

Y-Yôhan 18:3

Snăn Y-Yuđas atăt sa phung kahan Rôm mbĭt hŏng đa đa phung kahan kiă mơ̆ng phung knơ̆ng khua ngă yang leh anăn phung Pharisi, nao tinăn djă pui kđen, pui kƀong, leh anăn mnơ̆ng bi blah.

Klei Bi Êdah 8:10

Dĭng buăl jăk tal tlâo ayŭ ki ñu, leh anăn sa asăr mtŭ prŏng trơ̆ng msĕ si sa ƀĕ pui kƀong lĕ mơ̆ng adiê ti sa kdrêč hlăm tlâo êa krông leh anăn akŏ êa.