Y-Mathiơ 24:8 - Klei Aê Diê Blŭ 2015

⁸ Jih jang klei anăn jing knŏng klei mphŭn dơ̆ng kơ klei ruă kkiêng.

Y-Mathiơ 24:8 Iomraidhean Croise

Y-Êsai 10:4

Diñu knŏng dưi buôn ti krah phung mnă, amâodah lĕ buh mbĭt hŏng phung djiê. Wăt jih klei anăn dưn, klei Ñu ngêñ amâo đuĕ ôh, ƀiădah kngan Ñu ăt dôk yơr ngă nanao.

Y-Êsai 9:12

Phung Siri ti ngŏ leh anăn phung Philistin ti yŭ srăng ha ƀăng êgei lun ƀơ̆ng phung Israel. Wăt jih klei anăn dưn, klei Ñu ngêñ amâo đuĕ ôh, ƀiădah kngan Ñu ăt dôk yơr ngă nanao.

Y-Êsai 9:17

Kyuanăn Khua Yang amâo mơak ôh hŏng phung êkei hlăk ai diñu, kăn Ñu pap rei kơ phung anak êrĭt leh anăn phung mniê djiê ung diñu. Kyuadah grăp čô jing phung amâo thâo mpŭ kơ Aê Diê ôh, leh anăn phung ngă ƀai, leh anăn jih jang ƀăng êgei blŭ klei mluk. Wăt jih klei anăn dưn, klei Ñu ngêñ amâo đuĕ ôh, ƀiădah kngan Ñu ăt dôk yơr ngă nanao.

Y-Êsai 9:21

Phung Manasê kĕ ƀơ̆ng phung Êphraim phung Êphraim kĕ ƀơ̆ng phung Manasê, leh anăn mđrăm mbĭt diñu ngă kơ phung Yuđa. Wăt jih klei anăn dưn, klei Ñu ngêñ amâo đuĕ ôh, ƀiădah kngan Ñu ăt dôk yơr ngă nanao.

Y-Ôsê 13:13

Klei ruă kkiêng truh leh kơ ñu, ƀiădah ñu jing sa čô anak êkei amâo thâo mĭn ôh; tơdah djŏ mông leh ñu amâo čiăng kbiă mơ̆ng tian amĭ ôh.

Y-Markôs 13:8

Sa găp djuê mnuih srăng bi kdơ̆ng hŏng sa găp djuê mkăn, leh anăn sa boh ƀuôn ala mtao srăng bi blah hŏng sa boh ƀuôn ala mtao mkăn. Srăng mâo klei yơ̆ng lăn ala hlăm lu bĭt anôk, leh anăn srăng mâo lu klei ư̆ êpa. Jih klei anăn jing knŏng klei mphŭn dơ̆ng kơ klei ruă kkiêng.

Y-Luk 21:12

Ƀiădah êlâo kơ jih klei anăn truh, arăng srăng mă diih, ngă jhat kơ diih, jao diih kơ phung khua sang bi kƀĭn, krư̆ diih, leh anăn arăng srăng atăt ba diih ti anăp phung mtao leh anăn phung khua kiă kriê čar kyua anăn Kâo.

Klei Mtô Mñă Klei Bhiăn 28:59

snăn Yêhôwa srăng bi truh kơ diih leh anăn kơ phung anak čô diih klei bi knap arăng amâo tuôm ƀuh ôh, klei bi knap ktang leh anăn dôk sui, klei ruă kjham leh anăn dôk sui.

I Têsalônik 5:3

Êjai phung mnuih lač, “Mâo leh klei êđăp ênang leh anăn klei hơĭt mđao”, hlăk anăn bhiâo riâo rit klei bi rai srăng truh kơ diñu msĕ si klei ruă kkiêng truh kơ sa čô mniê ba tian, leh anăn diñu amâo srăng dưi tlaih ôh.

Y-Yakơ 5:1

Bi kơ diih phung mdrŏng, hia leh anăn ur krao bĕ kyua klei knap mñai dơ̆ng truh kơ diih.