Y-Mathiơ 24:7 - Klei Aê Diê Blŭ 2015

⁷ Kyuadah sa phung găp djuê mnuih srăng bi kdơ̆ng hŏng sa phung găp djuê mnuih mkăn, leh anăn sa boh ƀuôn ala mtao srăng bi kdơ̆ng hŏng sa boh ƀuôn ala mtao mkăn, leh anăn srăng mâo klei ư̆ êpa leh anăn klei yơ̆ng lăn ala hlăm lu bĭt anôk.

Y-Mathiơ 24:7 Iomraidhean Croise

II Klei Yăl Dliê 15:6

Diñu rai leh, sa găp djuê bi kdơ̆ng hŏng găp djuê mkăn, sa boh ƀuôn bi kdơ̆ng hŏng sa boh ƀuôn mkăn, kyuadah Aê Diê bi rŭng diñu hŏng djăp mta klei knap mñai.

Y-Êsai 19:2

“Kâo srăng mčhur ai phung Êjip bi blah hŏng phung Êjip pô: diñu srăng bi kdơ̆ng grăp čô hŏng ayŏng adei diñu, grăp čô hŏng pô riêng gah diñu, ƀuôn hdơ̆ng ƀuôn, ƀuôn ala mtao hdơ̆ng ƀuôn ala mtao.

Y-Êsai 29:6

hŏng ênai grăm, hŏng klei yơ̆ng lăn ala, leh anăn ênai ktang, hŏng angĭn đrŭng, angĭn êbŭ, leh anăn hŏng êlah pui trơ̆ng.

Y-Êsêkiêl 14:21

Kyuadah snei Yêhôwa Aê Diê lač: ‘Kdlưn hĭn mơh tơdah Kâo mơĭt kơ ƀuôn Yêrusalem pă mta klei phat kđi kjham, klei bi blah, klei ư̆ êpa, hlô dliê jhat, leh anăn klei ruă bi mdjiê, čiăng bi luč hĕ mnuih leh anăn hlô mnơ̆ng mơ̆ng čar!

Y-Êsêkiêl 21:27

Kâo srăng mjing ñu kăm rai, kăm rai, kăm rai; Kâo srăng brei ñu jing kăm rai tơl pô mâo klei năng truh; leh anăn kơ pô anăn yơh Kâo srăng brei klei kiă kriê anăn.’ ”

Y-Sakari 14:13

Ti hruê anăn, sa klei bi huĭ prŏng mơ̆ng Yêhôwa srăng truh kơ diñu; snăn grăp čô srăng djă ti kngan găp ñu, leh anăn diñu srăng bi ngă hdơ̆ng diñu pô;

Y-Luk 21:11

Srăng mâo klei yơ̆ng lăn ala ktang, leh anăn hlăm lu bĭt anôk srăng mâo klei ư̆ êpa leh anăn klei ruă djiê, leh anăn srăng mâo klei bi huĭ snăk leh anăn klei bi knăl mdê prŏng mơ̆ng adiê.

Bruă Phung Khua Ƀĭng Kna 11:28

Sa čô hlăm phung diñu, anăn gơ̆ Y-Agabus, kgŭ leh anăn hưn êlâo hŏng Yang Mngăt Jăk srăng mâo klei ư̆ êpa prŏng tar ƀar lăn ala. Klei ư̆ êpa anăn truh sĭt hlăm ênuk mtao Klôd kiă kriê.

Bruă Phung Khua Ƀĭng Kna 2:19

Kâo srăng bi êdah klei yuôm bhăn hlăm adiê ti dlông, leh anăn klei bi knăl yuôm hlăm lăn ala ti gŭ, êrah, pui, leh anăn êwa săp pui;

Hêbrơ 12:27

Pruê̆ blŭ, “Lŏ sa blư̆” anei bi êdah klei Ñu srăng mă mđuĕ hĕ mnơ̆ng hrih Ñu êyuh leh, čiăng kơ mnơ̆ng arăng amâo dưi êyuh ôh srăng ăt dôk.

Klei Bi Êdah 6:12

Tơdah Ñu ruh mnơ̆ng kđăm tal năm, kâo dlăng leh anăn nĕ anei, mâo klei yơ̆ng lăn ala ktang; yang hruê jing jŭ tŭt msĕ si kdô mlâo leh anăn mlan pŭr jing msĕ si êrah.

Klei Bi Êdah 6:5

Tơdah Ñu ruh mnơ̆ng kđăm tal tlâo, kâo hmư̆ mnơ̆ng hdĭp tal tlâo ur lač, “Hriê bĕ!” Kâo dlăng leh anăn nĕ anei, mâo sa drei aseh jŭ. Pô đĭ aseh anăn djă knăng.

Klei Bi Êdah 6:6

Leh anăn kâo hmư̆ msĕ si sa asăp ti krah pă drei mnơ̆ng hdĭp lač, “Sa hnơ̆ng mdiê ƀlê kăm sa đơniê, leh anăn tlâo hnơ̆ng mdiê ôrgơ kăm sa đơniê, ƀiădah đăm ngă jhat ôh kơ êa boh ôliwơ leh anăn kơ kpiê!”

Klei Bi Êdah 6:8

Kâo dlăng leh anăn nĕ anei, mâo sa drei aseh kñĭ ñĭ. Anăn pô đĭ aseh anăn jing Klei Djiê, leh anăn Ƀuôn Phung Djiê tui hlue ñu. Arăng brei kơ diñu klei dưi ngă kơ sa kdrêč hlăm pă mnuih ti lăn ala, bi mdjiê hŏng đao gưm, hŏng klei ư̆ êpa, hŏng klei ruă bi mdjiê, leh anăn hŏng hlô dliê jhŏng ti lăn ala.