Y-Mathiơ 24:6 - Klei Aê Diê Blŭ 2015

⁶ Diih srăng hmư̆ ênai klei bi blah giăm leh anăn hmư̆ hing kơ klei bi blah kbưi. Đăm diih rŭng răng ôh, kyuadah jih klei anăn srăng truh, ƀiădah ka truh knhal tuč ôh.

Y-Mathiơ 24:6 Iomraidhean Croise

Klei Mmuñ Hđăp 112:7

Ñu amâo huĭ ôh tơdah arăng hưn klei jhat; ai tiê ñu kjăp, knang kơ Yêhôwa.

Y-Êsai 12:2

Nĕ anei, Aê Diê jing Pô bi mtlaih kâo, kâo srăng knang leh anăn amâo huĭ ôh. Yêhôwa Aê Diê jing klei ktang kâo leh anăn klei mmuñ kâo, leh anăn Ñu jing leh klei bi mtlaih kâo.”

Y-Êsai 7:4

leh anăn lač kơ ñu, ‘Răng bĕ, dôk êđăp ênang bĕ, đăm huĭ ôh, đăm brei ih êdu ai tiê ôh kyua dua kpơ̆ng ƀlĕ săp pui anăn, kyua klei ngêñ ktang Y-Rêsin leh anăn čar Siri leh anăn anak êkei Y-Rêmalia.

Y-Yêrêmi 47:6

Ơ đao gưm Yêhôwa! Dŭm boh sui tơl ih mdei? Brei ih lŏ mŭt hlăm hrŭm ih, mdei leh anăn dôk êđăp ênang bĕ!

Y-Êsêkiêl 21:28

“Bi ih, Ơ anak mnuih, hưn êlâo leh anăn lač bĕ, ‘Snei Yêhôwa Aê Diê lač djŏ kơ phung Amôn leh anăn kơ klei diñu blŭ bi hêñ: Sa ƀĕ đao gưm, sa ƀĕ đao gưm arăng suê̆ leh kơ klei bi mdjiê, arăng mgoh leh pioh bi rai čiăng bi ktlă mngač msĕ si kmlă!

Y-Mathiơ 2:3

Tơdah mtao Hêrôt hmư̆ klei anăn, ñu leh anăn jih jang ƀuôn Yêrusalem mâo klei rŭng răng.

Y-Mathiơ 24:14

Leh anăn arăng srăng mtô klei mrâo mrang jăk kơ ƀuôn ala mtao anei tar ƀar lăn ala jing klei hưn kơ jih jang găp djuê mnuih. Hlăk anăn hruê knhal tuč srăng truh.”

Y-Mathiơ 26:54

Ƀiădah tơdah snăn, si dưi bi sĭt Klei Aê Diê Blŭ čih leh kơ klei anei?”

Y-Luk 21:19

Hŏng klei gĭr diih srăng bi mtlaih mngăt diih.”

Y-Luk 21:9

Leh anăn tơdah diih hmư̆ hing kơ klei bi blah leh anăn kơ klei krŭ kdơ̆ng, đăm huĭ ôh; kyuadah klei anăn srăng truh êlâo hĭn, ƀiădah ka truh hruê knhal tuč ôh.”

Y-Luk 22:37

Kyuadah Kâo hưn kơ diih, Klei Aê Diê Blŭ čih leh anei srăng bi sĭt hlăm Kâo, ‘Arăng yap Ñu mbĭt hŏng phung soh;’ kyuadah klei čih leh djŏ kơ Kâo srăng mâo klei bi sĭt.”

Y-Yôhan 14:1

“Đăm brei ai tiê diih rŭng răng ôh; đăo bĕ kơ Aê Diê, leh anăn đăo kơ Kâo msĕ mơh.

Y-Yôhan 14:27

Kâo lui klei êđăp ênang mbĭt hŏng diih; Kâo brei kơ diih klei êđăp ênang Kâo pô. Kâo brei kơ diih amâo djŏ msĕ si lăn ala brei ôh. Đăm brei ai tiê diih rŭng răng ôh, kăn huĭ rei.

II Têsalônik 2:2

đăm brei klei mĭn diih djăl mgei amâodah rŭng răng ôh, thâodah hŏng klei yang mtrŭt, amâodah hŏng klei blŭ, amâodah hŏng hră arăng lač mơ̆ng hmei, čiăng hưn kơ Hruê Khua Yang truh leh.

Klei Bi Êdah 6:4

Leh anăn sa drei aseh mkăn hrah mngač kbiă hriê. Arăng brei kơ pô đĭ aseh anăn mâo klei dưi mă hĕ klei êđăp ênang mơ̆ng lăn ala, čiăng kơ phung mnuih bi mdjiê hdơ̆ng diñu; leh anăn arăng brei kơ ñu sa ƀĕ đao gưm prŏng.