Y-Mathiơ 24:5 - Klei Aê Diê Blŭ 2015

⁵ Kyuadah lu mnuih srăng hriê mgưt hŏng anăn Kâo, lač, ‘Kâo jing Krist,’ leh anăn diñu srăng mplư lu mnuih.

Y-Mathiơ 24:5 Iomraidhean Croise

Y-Yêrêmi 14:14

Yêhôwa lač kơ kâo: “Phung khua pô hưn êlâo hưn klei luar hlăm anăn Kâo; Kâo amâo tuôm tiŏ diñu nao ôh, kăn tuôm mtă amâodah blŭ kơ diñu rei. Diñu hưn êlâo klei bi ƀuh amâo sĭt kơ diih, klei mdian hơăi mang, leh anăn klei mplư mơ̆ng klei mĭn diñu pô.

Y-Yêrêmi 23:21

Kâo amâo tuôm tiŏ nao phung khua pô hưn êlâo anăn ôh, ƀiădah ăt diñu êran nao; Kâo amâo tuôm blŭ kơ diñu ôh, ƀiădah ăt diñu hưn êlâo.

Y-Yêrêmi 23:25

“Kâo hmư̆ leh klei phung khua pô hưn êlâo lač, phung hưn êlâo klei luar hlăm anăn Kâo, lač, ‘Kâo êpei leh, Kâo êpei leh!’

Y-Yêrêmi 37:9

Snei Yêhôwa lač, Đăm mplư diih pô ôh, lač, “Sĭt nik phung Kaldê srăng đuĕ kbưi mơ̆ng drei,” kyuadah diñu amâo srăng dôk kbưi ôh.

Y-Mathiơ 24:11

Srăng mâo lu khua pô hưn êlâo soh truh leh anăn mplư lu mnuih.

Y-Mathiơ 24:24

Kyuadah srăng mâo lu Krist soh leh anăn lu khua pô hưn êlâo soh, diñu srăng ngă klei bi knăl prŏng leh anăn klei yuôm bhăn, čiăng mplư wăt phung Aê Diê ruah leh, tơdah dưi.

Y-Yôhan 5:43

Kâo hriê leh hlăm anăn Ama Kâo, leh anăn diih amâo jum Kâo ôh; tơdah pô mkăn hriê hlăm anăn gơ̆ pô, diih srăng jum gơ̆.

Y-Yôhan 8:24

Kâo hưn leh kơ diih srăng djiê hlăm klei soh diih; kyuadah diih srăng djiê hlăm klei soh diih tơdah diih amâo đăo ôh klei Kâo jing Pô Kâo Jing.”

Y-Yôhan 8:28

Snăn Yêsu lač, “Tơdah leh diih yơr Anak Mnuih ti dlông, hlăk anăn diih srăng thâo kơ Kâo jing Pô Kâo Jing, leh anăn kơ Kâo amâo ngă sa mta bruă hŏng klei dưi Kâo pô ôh, ƀiădah Kâo hưn snăn tui si klei Ama mtô leh kơ Kâo.

I Y-Yôhan 2:18

Ơ phung anak điêt, truh leh mông knhal tuč; leh anăn msĕ si diih hmư̆ leh kơ pô roh hŏng Krist srăng hriê, msĕ snăn mơh ară anei mâo lu phung roh hŏng Krist truh leh. Kyua klei anăn drei thâo mông knhal tuč truh leh.

I Y-Yôhan 2:22

Hlei jing pô luar lĕ? Pô hngah kơ Yêsu jing Yang Krist yơh! Pô anăn yơh jing pô roh hŏng Krist, pô hngah kơ Ama leh anăn kơ Anak.

I Y-Yôhan 4:3

leh anăn jih jang yang amâo hưn klei Yêsu, amâo kbiă hriê mơ̆ng Aê Diê ôh. Ñu anăn jing yang pô roh hŏng Krist. Diih hmư̆ leh ñu srăng hriê, leh anăn ară anei ñu dôk leh hlăm lăn ala.

Klei Bi Êdah 13:8

Jih jang mnuih dôk ti lăn ala srăng kkuh mpŭ kơ ñu, grăp čô amâo mâo anăn čih leh mơ̆ng êlâo klei hrih lăn ala hlăm hdruôm hră klei hdĭp Êđai Biăp, Pô arăng bi mdjiê leh.