Y-Mathiơ 24:47 - Klei Aê Diê Blŭ 2015

⁴⁷ Sĭt nik Kâo lač kơ diih, khua ñu srăng brei dĭng buăl anăn kiă kriê jih jang mnơ̆ng gơ̆ mâo.

Y-Mathiơ 24:47 Iomraidhean Croise

Klei Bi Hriêng 14:35

Mtao khăp kơ dĭng buăl ngă hŏng klei thâo mĭn, ƀiădah ñu srăng ngêñ kơ pô ngă klei hêñ.

Y-Đaniel 12:3

Phung thâo mĭn srăng mtrang msĕ si klei mngač hlăm adiê; leh anăn phung atăt lu mnuih kơ klei kpă ênô srăng mtrang msĕ si mtŭ nanao hlŏng lar.

Y-Mathiơ 24:46

Jăk mơak yơh kơ dĭng buăl anăn tơdah khua ñu truh leh anăn ƀuh ñu dôk ngă snăn!

Y-Mathiơ 24:48

Ƀiădah tơdah dĭng buăl anăn jing jhat lač hlăm ai tiê ñu snei: ‘Khua kâo srăng truh hnui,’

Y-Mathiơ 25:21

Khua ñu lač kơ ñu, ‘Jăk leh, Ơ dĭng buăl jăk leh anăn sĭt suôr. Ih dôk sĭt suôr hlăm bruă điêt, kâo srăng brei ih kiă kriê lu. Mŭt bĕ leh anăn mâo klei hơ̆k mơak mbĭt hŏng khua ih.’

Y-Mathiơ 25:23

Khua ñu lač kơ ñu, ‘Jăk leh, Ơ dĭng buăl jăk leh anăn sĭt suôr. Ih dôk sĭt suôr hlăm bruă điêt, kâo srăng brei ih kiă kriê lu. Mŭt bĕ leh anăn mâo klei hơ̆k mơak mbĭt hŏng Khua ih.’

Y-Luk 12:37

Jăk mơak yơh phung dĭng buăl anăn tơdah khua digơ̆ truh leh anăn ƀuh digơ̆ dôk răng. Sĭt nik Kâo lač kơ diih, ñu srăng hyuă hdrăng kơiêng ñu, brei digơ̆ dôk gŭ leh anăn ba mnơ̆ng ƀơ̆ng huă kơ digơ̆.

Y-Luk 12:44

Sĭt nik Kâo lač kơ diih, khua ñu srăng brei ñu kiă kriê jih jang ngăn dŏ gơ̆.

Y-Luk 19:17

Khua lač kơ gơ̆, ‘Jăk leh, Ơ dĭng buăl jăk; kyuadah ih jing sĭt suôr leh hlăm bruă điêt, ih srăng mâo klei dưi kiă kriê pluh boh ƀuôn.’

Y-Yôhan 12:26

Tơdah sa čô mă bruă kơ Kâo, brei ñu tui hlue Kâo. Ti anôk Kâo dôk, dĭng buăl Kâo srăng dôk tinăn msĕ mơh. Hlei pô mă bruă kơ Kâo, Ama Kâo srăng mpŭ kơ ñu.”

II Y-Timôthê 2:12

tơdah drei gĭr, drei srăng kiă kriê mbĭt hŏng Ñu msĕ mơh; tơdah drei hngah kơ Ñu, Ñu srăng hngah kơ drei msĕ mơh;

I Y-Pêtrôs 5:4

Leh anăn tơdah Khua Mgăt Biăp srăng bi êdah, diih srăng mă tŭ đuôn mtao klei guh kơang amâo thâo rai ôh.

Klei Bi Êdah 21:7

Hlei pô dưi srăng dưn klei anăn, leh anăn kâo srăng jing Aê Diê ñu, leh anăn ñu srăng jing anak kâo.

Klei Bi Êdah 3:21

Hlei pô dưi, Kâo srăng brei ñu dôk gŭ mbĭt hŏng Kâo ti jhưng mtao Kâo, msĕ si Kâo pô dưi leh, leh anăn dôk gŭ leh mbĭt hŏng Ama Kâo ti jhưng mtao Ñu.