Y-Mathiơ 24:43 - Klei Aê Diê Blŭ 2015

⁴³ Ƀiădah brei diih thâo klei anei: tơdah pô sang thâo leh ya mông mnuih knĕ srăng hriê, ñu srăng răng amâo brei mnuih knĕ ƀoh mtih mŭt sang ñu ôh.

Y-Mathiơ 24:43 Iomraidhean Croise

Y-Yôp 24:16

Êjai mmăt diñu ƀoh mtih mŭt hlăm sang; êjai hruê diñu đuĕ dăp; diñu amâo čiăng kơ klei mngač ôh.

Klei Bi Hriêng 7:19

Kyuadah ung kâo amâo dôk ti sang ôh, ñu đuĕ hiu leh kơ anôk kbưi.

Y-Mathiơ 14:25

Jĕ aguah Yêsu nao kơ diñu êbat ti dlông êlah êa.

Y-Mathiơ 20:11

Leh digơ̆ mă sa đơniê anăn digơ̆ blŭ dŭñ dŭñ kơ khua sang,

Y-Mathiơ 24:42

Snăn răng bĕ, kyuadah diih amâo thâo ôh ya hruê Khua Yang diih srăng hriê.

Y-Mathiơ 24:44

Kyuanăn brei diih dôk răng msĕ mơh; kyuadah Anak Mnuih srăng hriê êjai mông diih amâo mĭn ôh.”

Y-Mathiơ 25:10

Leh anăn êjai diñu nao blei êa prăi, pô dôk mô̆ truh. Phung mniê thâo mĭn mŭt mbĭt hŏng ñu kơ klei ƀơ̆ng huă bi kuôl; leh anăn arăng kđăl hĕ ƀăng bhă.

Y-Mathiơ 25:13

Snăn kăp răng bĕ, kyuadah diih amâo thâo hruê, kăn thâo mông rei.”

Y-Markôs 13:35

Snăn răng bĕ, kyuadah diih amâo thâo ôh hbĭl khua sang srăng truh, thâodah ti tlam, amâodah ti krah mlam, amâodah ti mnŭ kdjô̆, amâodah ti aguah,

Y-Markôs 6:48

Yêsu ƀuh phung ƀĭng kna wah čhŏng hŏng klei rŭng răng, kyuadah angĭn tlă phă digơ̆. Ti jĕ aguah Yêsu nao kơ digơ̆, êbat ti dlông êlah êa, Ñu mĭn čiăng blă nao êlâo kơ digơ̆.

Y-Luk 12:38

Tơdah ñu truh ti krah mlam amâodah jĕ aguah leh anăn ƀuh digơ̆ dôk răng, jăk mơak yơh phung dĭng buăl anăn!

Y-Luk 12:39

Brei diih thâo klei anei, tơdah pô sang thâo êlâo ya mông pô knĕ srăng truh, ñu srăng dôk răng leh anăn amâo brei ôh arăng ƀoh mŭt sang ñu.

Y-Luk 21:36

Ƀiădah kăp răng nanao, leh anăn wah lač čiăng kơ diih mâo klei ktang dưi tlaih mơ̆ng jih klei srăng truh anăn, leh anăn dưi dôk dơ̆ng ti anăp Anak Mnuih.”

Klei Bi Êdah 16:15

(“Nĕ anei, Kâo hriê msĕ si sa čô mnuih knĕ! Jăk mơak yơh hlei pô dôk krŏng leh anăn răng kriê kơ čhiăm ao ñu, čiăng kơ ñu amâo êbat lưng mlŭn ôh leh anăn arăng amâo ƀuh klei hêñ ñu!”)

Klei Bi Êdah 3:3

Snăn brei ih hdơr klei ih mă tŭ leh anăn hmư̆ leh; brei ih djă pioh klei anăn leh anăn kmhal hĕ. Tơdah ih amâo mdih ôh, Kâo srăng hriê msĕ si sa čô mnuih knĕ, leh anăn ih amâo srăng thâo ôh ya mông Kâo srăng truh kơ ih.