Y-Mathiơ 24:42 - Klei Aê Diê Blŭ 2015

⁴² Snăn răng bĕ, kyuadah diih amâo thâo ôh ya hruê Khua Yang diih srăng hriê.

Y-Mathiơ 24:42 Iomraidhean Croise

Y-Mathiơ 24:36

“Ƀiădah bi kơ hruê leh anăn mông anăn, amâo mâo sa čô mnuih thâo ôh, phung dĭng buăl jăk hlăm adiê amâodah Anak kăn thâo rei, knŏng hjăn Ama thâo.

Y-Mathiơ 24:43

Ƀiădah brei diih thâo klei anei: tơdah pô sang thâo leh ya mông mnuih knĕ srăng hriê, ñu srăng răng amâo brei mnuih knĕ ƀoh mtih mŭt sang ñu ôh.

Y-Mathiơ 24:44

Kyuanăn brei diih dôk răng msĕ mơh; kyuadah Anak Mnuih srăng hriê êjai mông diih amâo mĭn ôh.”

Y-Mathiơ 25:10

Leh anăn êjai diñu nao blei êa prăi, pô dôk mô̆ truh. Phung mniê thâo mĭn mŭt mbĭt hŏng ñu kơ klei ƀơ̆ng huă bi kuôl; leh anăn arăng kđăl hĕ ƀăng bhă.

Y-Mathiơ 25:13

Snăn kăp răng bĕ, kyuadah diih amâo thâo hruê, kăn thâo mông rei.”

Y-Luk 21:34

“Ƀiădah răng bĕ kơ diih pô, huĭdah ai tiê diih jing ktrŏ hŏng klei huă ƀơ̆ng mnăm lu, leh anăn klei uêñ hnĭng kơ klei hdĭp anei, leh anăn hruê anăn truh kơ diih bhiâo riâo rit msĕ si jal.

Y-Luk 21:36

Ƀiădah kăp răng nanao, leh anăn wah lač čiăng kơ diih mâo klei ktang dưi tlaih mơ̆ng jih klei srăng truh anăn, leh anăn dưi dôk dơ̆ng ti anăp Anak Mnuih.”

Hră Y-Pôl Mơĭt kơ Phung Rôm 13:11

Ngă bĕ snăn, kyuadah diih thâo leh kơ ênuk drei dôk truh leh mông diih mdih pĭt. Kyuadah klei bi mtlaih giăm hĭn hŏng drei hruê anei kơ hruê drei mrâo đăo.

I Kôrantô 16:13

Dôk răng nanao. Dôk kjăp bĕ hlăm klei đăo. Brei diih jing jhŏng leh anăn ktang.

I Têsalônik 5:6

Snăn đăm brei drei pĭt ôh msĕ si phung mkăn, ƀiădah brei drei dôk răng leh anăn dôk êngal.

I Y-Pêtrôs 4:7

Klei knhal tuč kơ jih jang mnơ̆ng giăm truh leh. Kyuanăn brei diih jing djŏ hnơ̆ng leh anăn thâo răng kơ klei wah lač.

I Y-Pêtrôs 5:8

Brei diih dôk djŏ hnơ̆ng leh anăn dôk răng. Pô roh diih yang jhat dar jŭm diih msĕ si êmông gu gruh, duah hlei pô ñu dưi hiêk ƀơ̆ng.

Klei Bi Êdah 16:15

(“Nĕ anei, Kâo hriê msĕ si sa čô mnuih knĕ! Jăk mơak yơh hlei pô dôk krŏng leh anăn răng kriê kơ čhiăm ao ñu, čiăng kơ ñu amâo êbat lưng mlŭn ôh leh anăn arăng amâo ƀuh klei hêñ ñu!”)