Y-Mathiơ 24:30 - Klei Aê Diê Blŭ 2015

³⁰ Hlăk anăn klei bi knăl kơ Anak Mnuih srăng bi êdah hlăm adiê. Jih jang phung găp djuê hlăm lăn ala srăng čŏk hia, leh anăn diñu srăng ƀuh Anak Mnuih hriê ti knam hlăm adiê hŏng klei myang leh anăn klei guh kơang prŏng.

Y-Mathiơ 24:30 Iomraidhean Croise

Y-Đaniel 7:13

Kâo ƀuh hlăm klei bi ƀuh êjai mlam, nĕ anei mâo sa čô msĕ si Anak Mnuih hriê mbĭt hŏng knam mơ̆ng adiê. Ñu truh kơ Pô Dôk Hdĭp Mơ̆ng Ênuk Đưm, leh anăn arăng bi êdah Gơ̆ ti anăp Pô Dôk Hdĭp Mơ̆ng Ênuk Đưm.

Y-Sakari 12:10

“Leh anăn Kâo srăng tuh ti sang Y-Đawit leh anăn ti phung dôk hlăm ƀuôn Yêrusalem Mngăt Myang klei pap leh anăn kwưh, čiăng kơ tơdah diñu dlăng kơ Kâo, Pô diñu tlŏ leh, diñu srăng kơŭ kyăm kơ Pô anăn, msĕ si kơŭ kyăm kơ anak êkei mâo knŏng sa čô, leh anăn čŏk hia hŏng klei ênguôt kơ Pô anăn, msĕ si čŏk hia kơ anak kkiêng tal êlâo.

Y-Sakari 12:11

Ti hruê anăn klei kơŭ kyăm hlăm ƀuôn Yêrusalem srăng jing prŏng, msĕ si klei kơŭ kyăm Hadat-Rimôn hlăm lăn dap Mêgidô.

Y-Mathiơ 24:3

Êjai Ñu dôk gŭ ti dlông čư̆ Ôliwơ, phung ƀĭng kna hriê lač kơ Ñu hjăn, “Hưn kơ hmei hbĭl klei anăn srăng truh, leh anăn ya jing klei bi knăl kơ klei Ih lŏ hriê, leh anăn kơ hruê knhal tuč ênuk?”

Y-Mathiơ 24:37

Msĕ si klei truh leh hlăm ênuk Y-Nôê, srăng truh msĕ mơh hlăm hruê Anak Mnuih hriê.

Y-Mathiơ 24:39

diñu amâo thâo ôh tơl êa lip truh mđung diñu jih jang, msĕ snăn mơh srăng jing ti hruê Anak Mnuih hriê.

Y-Mathiơ 26:64

Yêsu lač kơ ñu, “Ih pô lač leh klei anăn. Kdlưn hĭn kơ anăn Kâo hưn kơ diih, sa hruê êdei diih srăng ƀuh Anak Mnuih dôk gŭ tĭng hnuă kơ Pô Myang leh anăn lŏ hriê ti knam hlăm adiê.”

Y-Markôs 13:26

Hlăk anăn arăng srăng ƀuh Anak Mnuih hriê ti knam hŏng klei myang prŏng leh anăn klei guh kơang.

Y-Markôs 13:4

“Hưn kơ hmei hbĭl klei anăn srăng truh? Leh anăn ya srăng jing klei bi knăl tơdah jih klei anăn srăng truh?”

Y-Luk 21:27

Hlăk anăn diñu srăng ƀuh Anak Mnuih hriê hlăm knam hŏng klei myang leh anăn klei guh kơang prŏng.

Y-Luk 22:69

Ƀiădah mơ̆ng anei kơ anăp Anak Mnuih srăng dôk gŭ tĭng hnuă Aê Diê Pô Myang.”

Bruă Phung Khua Ƀĭng Kna 1:11

leh anăn lač, “Ơ phung mnuih čar Galilê, si ngă diih dôk dơ̆ng dlăng kơ adiê lĕ? Yêsu anei, Pô Aê Diê pŭ ba leh kơ adiê mơ̆ng diih, srăng lŏ hriê msĕ si diih ƀuh Ñu đĭ kơ adiê mơh.”

II Têsalônik 1:7

leh anăn brei kơ diih phung mâo leh klei knap mñai klei mdei mbĭt hŏng hmei hlăk Khua Yang Yêsu srăng bi êdah mơ̆ng adiê mbĭt hŏng phung dĭng buăl jăk myang Ñu ti krah pui trơ̆ng,

Klei Bi Êdah 1:7

Nĕ anei, Ñu srăng hriê mbĭt hŏng knam, leh anăn jih jang ală srăng ƀuh Ñu, wăt phung tuôm tlŏ Ñu leh, leh anăn jih jang găp djuê ti lăn ala srăng čŏk hia kyua Ñu. Sĭt nik. Amen.

Klei Bi Êdah 12:1

Mâo sa klei bi knăl prŏng bi êdah hlăm adiê, sa čô mniê hơô yang hruê, leh anăn mlan ti gŭ jơ̆ng ñu, leh anăn mâo ti boh kŏ ñu sa boh đuôn mtao ngă hŏng pluh dua asăr mtŭ.