Y-Mathiơ 24:3 - Klei Aê Diê Blŭ 2015

³ Êjai Ñu dôk gŭ ti dlông čư̆ Ôliwơ, phung ƀĭng kna hriê lač kơ Ñu hjăn, “Hưn kơ hmei hbĭl klei anăn srăng truh, leh anăn ya jing klei bi knăl kơ klei Ih lŏ hriê, leh anăn kơ hruê knhal tuč ênuk?”

Y-Mathiơ 24:3 Iomraidhean Croise

Y-Mathiơ 13:36

Leh anăn Ñu lui phung lu leh anăn mŭt hlăm sang. Phung ƀĭng kna Ñu nao kơ Ñu, lač, “Mblang kơ hmei klei bi hriêng kơ rơ̆k jhat hlăm hma.”

Y-Mathiơ 13:49

Srăng jing msĕ snăn mơh ti hruê knhal tuč ênuk. Phung dĭng buăl jăk Aê Diê srăng hriê leh anăn bi kah mă phung jhat mơ̆ng phung kpă ênô,

Y-Mathiơ 15:12

Êdei tinăn phung ƀĭng kna hriê lač kơ Ñu, “Ih thâo mơ̆ kơ phung Pharisi ngêñ tơdah digơ̆ hmư̆ klei Ih lač anăn?”

Y-Mathiơ 16:27

Kyuadah Anak Mnuih srăng hriê mbĭt hŏng phung dĭng buăl jăk Ñu hlăm klei guh kơang Ama Ñu, leh anăn hlăk anăn Ñu srăng mưn grăp čô tui si bruă gơ̆ mă leh.

Y-Mathiơ 16:28

Sĭt nik Kâo lač kơ diih, mâo đa đa dôk tinei amâo srăng djiê ôh êlâo kơ diñu ƀuh Anak Mnuih hriê hlăm ƀuôn ala mtao Ñu.”

Y-Mathiơ 17:19

Êdei tinăn phung ƀĭng kna nao kơ Yêsu hjăn leh anăn lač, “Si ngă hmei amâo dưi suôt ôh yang jhat anăn?”

Y-Mathiơ 21:1

Tơdah Yêsu leh anăn phung ƀĭng kna Ñu giăm truh kơ ƀuôn Yêrusalem, truh ti ƀuôn Betphajê ti Čư̆ Ôliwơ, Yêsu tiŏ nao dua čô ƀĭng kna,

Y-Mathiơ 24:27

Kyuadah msĕ si kmlă kbiă mơ̆ng ngŏ mtrang truh ti yŭ, msĕ snăn mơh klei Anak Mnuih srăng hriê.

Y-Mathiơ 24:30

Hlăk anăn klei bi knăl kơ Anak Mnuih srăng bi êdah hlăm adiê. Jih jang phung găp djuê hlăm lăn ala srăng čŏk hia, leh anăn diñu srăng ƀuh Anak Mnuih hriê ti knam hlăm adiê hŏng klei myang leh anăn klei guh kơang prŏng.

Y-Mathiơ 24:37

Msĕ si klei truh leh hlăm ênuk Y-Nôê, srăng truh msĕ mơh hlăm hruê Anak Mnuih hriê.

Y-Mathiơ 24:39

diñu amâo thâo ôh tơl êa lip truh mđung diñu jih jang, msĕ snăn mơh srăng jing ti hruê Anak Mnuih hriê.

Y-Mathiơ 24:43

Ƀiădah brei diih thâo klei anei: tơdah pô sang thâo leh ya mông mnuih knĕ srăng hriê, ñu srăng răng amâo brei mnuih knĕ ƀoh mtih mŭt sang ñu ôh.

Y-Mathiơ 28:20

bi hriăm diñu brei gưt jih jang klei Kâo mtă leh kơ diih. Leh anăn nĕ anei, Kâo dôk mbĭt hŏng diih nanao tơl knhal tuč lăn ala.”

Y-Luk 21:7

Leh anăn diñu êmuh kơ Yêsu, “Ơ Nai, hbĭl klei anăn srăng truh, leh anăn ya klei bi knăl bi êdah klei anăn giăm truh?”

Bruă Phung Khua Ƀĭng Kna 1:7

Yêsu lač kơ digơ̆, “Kơ ênuk amâodah yan Ama bi kčah leh tui si klei dưi Ñu pô amâo djŏ klei diih dưi thâo ôh.

Hêbrơ 9:26

Tơdah snăn Ñu srăng tŭ klei knap nanao mơ̆ng mphŭn hrih lăn ala. Ƀiădah ară anei ti knhal tuč ênuk Ñu bi êdah leh sa blư̆ dŭm anăn, čiăng lăm hĕ klei soh hŏng klei ngă yang hŏng asei mlei Ñu pô.