Y-Mathiơ 24:22 - Klei Aê Diê Blŭ 2015

²² Tơdah Aê Diê amâo bi hrŏ hruê anăn, amâo mâo sa čô mnuih dưi tlaih ôh. Ƀiădah Aê Diê srăng bi hrŏ hruê anăn kyua phung Ñu ruah leh.

Y-Mathiơ 24:22 Iomraidhean Croise

Y-Êsai 6:13

Wăt tơdah ăt dôk tinăn sa kdrêč hlăm pluh diñu, arăng srăng lŏ bi rai ñu. Ƀiădah msĕ si ana kyâo têrêbin leh anăn ana kyâo sen ăt dôk knŏng kpơ̆ng tơdah leh arăng druôm ana digơ̆, găp djuê doh jăk jing kpơ̆ng ñu.”

Y-Sakari 13:8

Hlăm jih čar,” Yêhôwa lač, “Dua kdrêč hlăm tlâo srăng rai luč, leh anăn sa kdrêč hlăm tlâo arăng srăng lui hdĭp.

Y-Sakari 14:2

Kyuadah Kâo srăng bi kƀĭn jih jang găp djuê mnuih bi blah hŏng ƀuôn Yêrusalem; arăng srăng mă ƀuôn, leh anăn plah mă dŏ dô hlăm sang, leh anăn gô̆ phung mniê; sa mkrah phung mnuih hlăm ƀuôn srăng nao jing mnă, ƀiădah phung ƀuôn sang adôk arăng amâo srăng mă mđuĕ ôh mơ̆ng ƀuôn.

Y-Mathiơ 22:14

Kyuadah lu mnuih arăng iêô, ƀiădah ƀiă mnuih arăng ruah.”

Y-Mathiơ 24:24

Kyuadah srăng mâo lu Krist soh leh anăn lu khua pô hưn êlâo soh, diñu srăng ngă klei bi knăl prŏng leh anăn klei yuôm bhăn, čiăng mplư wăt phung Aê Diê ruah leh, tơdah dưi.

Y-Mathiơ 24:31

Hŏng asăp ki kraih ktang Ñu srăng tiŏ nao phung dĭng buăl jăk Ñu bi kƀĭn phung Aê Diê ruah leh mơ̆ng pă kiêng lăn ala, dơ̆ng mơ̆ng knhal adiê anei truh ti knhal adiê adih.”

Y-Markôs 13:20

Tơdah Khua Yang amâo bi hrŏ hruê ênuk anăn amâo mâo sa čô mnuih srăng tlaih ôh. Ƀiădah Ñu bi hrŏ leh hruê anăn kyua phung Ñu ruah leh.

Y-Luk 18:7

Leh anăn amâo djŏ hĕ Aê Diê srăng mkra brei bi kpă kđi kơ phung Ñu ruah leh, phung krao kwưh kơ Ñu hruê mlam? Ñu srăng bi kdung hruê đru digơ̆ mơ̆?

Hră Y-Pôl Mơĭt kơ Phung Rôm 9:11

wăt tơdah dua čô anak ka kkiêng ôh, leh anăn diñu ka tuôm ngă jăk amâodah jhat ôh, čiăng kơ klei Aê Diê čuăn ruah dưi bi sĭt,

II Y-Timôthê 2:10

Kyuanăn kâo gĭr tŭ jih kyua phung Aê Diê ruah leh, čiăng kơ diñu msĕ mơh dưi mâo klei bi mtlaih hlăm Krist Yêsu mbĭt hŏng klei guh kơang hlŏng lar.

I Y-Pêtrôs 1:1

Kâo gơ̆, Y-Pêtrôs, sa čô khua ƀĭng kna Yêsu Krist, čih mơĭt kơ phung bra đuĕ dôk hlăm čar Pônt, Galati, Kapadôs, Asi, leh anăn Bithini,