Y-Mathiơ 24:21 - Klei Aê Diê Blŭ 2015

²¹ Kyuadah hlăk anăn srăng mâo klei knap mñai prŏng, klei msĕ snăn ka tuôm mâo ôh mơ̆ng mphŭn hrih lăn ala truh kơ hruê anei, leh anăn mơ̆ng anăn kơ anăp kăn srăng lŏ mâo rei.

Y-Mathiơ 24:21 Iomraidhean Croise

Y-Êsêkiêl 5:9

Leh anăn kyua jih jang klei Kâo bi êmut kheh ih ngă leh, Kâo srăng ngă kơ ih klei Kâo amâo tuôm ngă ôh, leh anăn klei msĕ snăn kăn Kâo srăng lŏ ngă rei êdei.

Y-Đaniel 12:1

“Hlăm ênuk anăn Y-Mikel, khua prŏng dôk kiă kriê phung ƀuôn sang ih, srăng kgŭ. Leh anăn srăng mâo ênuk rŭng răng amâo tuôm mâo ôh msĕ snăn dơ̆ng mơ̆ng phŭn mâo găp djuê mnuih truh ti ênuk anăn. Ƀiădah ênuk anăn phung ƀuôn sang ih srăng tlaih, grăp čô mâo anăn čih leh hlăm hdruôm hră Aê Diê.

Y-Đaniel 9:26

Leh tloh năm pluh dua hruê kăm anăn, arăng srăng bi mdjiê hĕ Pô arăng trôč êa ƀâo mngưi, leh anăn gơ̆ amâo srăng mâo mnơ̆ng ôh. Leh anăn phung ƀuôn sang khua srăng truh êdei srăng bi rai hĕ ƀuôn leh anăn adŭ doh jăk. Ti knhal tuč êa lip srăng bi rai ñu, leh anăn srăng mâo klei bi blah tơl knhal tuč; Aê Diê čuăn leh klei ênguôl srăng truh.

Y-Yôel 1:2

Hmư̆ bĕ klei anei, Ơ diih phung mduôn, mđing knga bĕ, Ơ jih jang phung dôk hlăm čar! Klei msĕ snei tuôm mâo mơ̆ hlăm ênuk diih, amâodah hlăm ênuk phung aê diih?

Y-Yôel 2:2

hruê klei mmăt leh anăn klei ênguôt, hruê mâo knam lu leh anăn klei mmăt kpal! Msĕ si ang dar găn čư̆, mâo sa phung găp djuê mnuih prŏng leh anăn ktang guôm čư̆; mơ̆ng đưm đă ka tuôm mâo ôh klei msĕ si snăn, kăn srăng lŏ mâo rei êdei kơ anăn hlăm jih jang ênuk.

Y-Malaki 4:1

“Kyuadah nĕ anei, hruê srăng truh, hang msĕ si kpur pui. Jih jang phung mgao leh anăn jih jang phung ngă klei ƀai srăng jing msĕ si adrăng; hruê truh anăn srăng čuh diñu,” Yêhôwa kơ phung kahan lač, “Snăn amâo srăng lui kơ diñu agha amâodah adhan ôh.

Y-Mathiơ 24:20

Wah lač bĕ čiăng kơ hruê diih đuĕ amâo truh ôh êjai yan puih amâodah êjai hruê sabat.

Y-Mathiơ 24:29

“Bhiâo hin leh ruê̆ jih hruê knap mñai anăn, yang hruê srăng jing mmăt, mlan amâo srăng lŏ mtrang mngač ôh, phung mtŭ srăng lĕ mơ̆ng adiê leh anăn jih klei myang hlăm phung adiê srăng kpư̆ mgei.

Y-Markôs 13:9

Răng bĕ kơ diih pô, kyuadah arăng srăng jao diih kơ phung khua phat kđi, leh anăn arăng srăng čăm diih hlăm sang bi kƀĭn. Diih srăng dôk ti anăp phung khua čar leh anăn phung mtao kyua Kâo, čiăng jing phung hưn ti anăp diñu.

Y-Luk 21:24

Diñu srăng djiê hŏng đao gưm, leh anăn arăng srăng atăt diñu jing mnă ti krah jih jang găp djuê mnuih. Leh anăn phung tue srăng juă ƀuôn Yêrusalem tơl ênuk phung tue ruê̆ leh.”

I Têsalônik 2:16

hŏng klei diñu ghă hmei mtô kơ phung tue, čiăng kơ digơ̆ dưi tlaih — msĕ si diñu čiăng bi bŏ hnơ̆ng klei soh diñu nanao. Ƀiădah klei Aê Diê ngêñ knhal tuč truh leh kơ diñu.

Klei Bi Êdah 16:18

Leh anăn mâo kmlă, ênai ktang, grăm đah, leh anăn klei yơ̆ng lăn ala ktang, amâo tuôm mâo ôh klei yơ̆ng lăn ala msĕ snăn dơ̆ng mơ̆ng mnuih dôk ti lăn ala.

Klei Bi Êdah 7:14

Kâo lač kơ Ñu, “Ơ Khua, ih yơh thâo.” Ñu lač kơ kâo, “Phung anei kbiă hriê mơ̆ng klei knap mñai prŏng. Diñu boh leh anăn bi kô̆ leh ao jhung diñu hŏng êrah Êđai Biăp.