Y-Mathiơ 24:16 - Klei Aê Diê Blŭ 2015

¹⁶ hlăk anăn brei phung dôk hlăm čar Yuđa đuĕ phă čư̆.

Y-Mathiơ 24:16 Iomraidhean Croise

Klei Bi Hriêng 22:3

Mnuih thâo mĭn ƀuh klei jŭ jhat leh anăn đuĕ dăp, ƀiădah mnuih mluk hlŏng nao phă anăp leh anăn tŭ klei knap mñai.

Y-Yêrêmi 44:29

Snei srăng jing klei bi knăl kơ diih,’ Yêhôwa lač, ‘kơ klei Kâo srăng bi kmhal diih hlăm anôk anei, čiăng kơ diih thâo kơ klei Kâo blŭ srăng jing sĭt bi truh klei jhat kơ diih.’

Y-Yêrêmi 6:1

“Đuĕ dăp bĕ, Ơ phung ƀuôn sang krĭng Benjamin, kbiă bĕ mơ̆ng krah ƀuôn Yêrusalem! Ayŭ bĕ ki hlăm ƀuôn Têkôa, leh anăn mđĭ bĕ sa mnơ̆ng bi knăl ti ƀuôn Bet-Hakêrem; kyuadah klei jhat hriê mơ̆ng dưr, klei jhat anăn bi truh klei bi rai prŏng.

Y-Mathiơ 2:1

Leh H'Mari kkiêng kơ Yêsu ti ƀuôn Betlêhem hlăm čar Yuđa ênuk mtao Hêrôt, nĕ anei mâo phung knhâo mơ̆ng čar Ngŏ truh ti ƀuôn Yêrusalem leh anăn êmuh,

Y-Mathiơ 24:15

“Tơdah diih ƀuh klei bi êmut kheh mdơ̆ng leh hlăm anôk doh jăk tui si khua pô hưn êlâo Y-Đaniel hưn leh (brei pô dlăng hră anei thâo săng),

Y-Mathiơ 24:17

Đăm brei pô dôk ti dlông čuôr sang lŏ luč mông mŭt hlăm sang čiăng mă mđuĕ dŏ dô ñu ôh,

Hêbrơ 11:7

Hŏng klei đăo Y-Nôê gưt leh anăn ngă sa boh kŭmpăn čiăng bi mtlaih sang ñu, leh Aê Diê hưn kơ ñu kơ klei srăng truh ka arăng tuôm ƀuh ôh. Hŏng klei ngă snăn ñu phat kđi lăn ala leh anăn jing pô dưn klei kpă ênô truh kyua klei đăo.