Y-Mathiơ 23:9 - Klei Aê Diê Blŭ 2015

⁹ Leh anăn đăm pia ama kơ sa čô mnuih hlăm lăn ala anei ôh, kyuadah diih mâo knŏng sa čô Ama, Pô dôk hlăm adiê.

Y-Mathiơ 23:9 Iomraidhean Croise

II Bruă Mtao 13:14

Tơdah Y-Êlisê ruă leh, hŏng klei ruă anăn ñu srăng djiê, Y-Jôas mtao Israel trŭn nao kơ ñu leh anăn hia ti anăp ñu, lač, “Ơ ama kâo, Ơ ama kâo! Êdeh aseh Israel leh anăn phung đĭ aseh anăn!”

II Bruă Mtao 2:12

Y-Êlisê ƀuh klei anăn leh anăn ñu ur, “Ama kâo, ama kâo! Êdeh aseh phung Israel leh anăn phung mgăt aseh ñu!” Leh anăn ñu amâo lŏ ƀuh Y-Êli ôh. Leh anăn ñu djă ao ñu, hiêk gơ̆ dua kdrêč,

II Bruă Mtao 6:21

Tơdah mtao Israel ƀuh diñu, gơ̆ lač kơ Y-Êlisê, “Ơ ama, kâo srăng bi mdjiê diñu mơ̆?”

Y-Malaki 1:6

“Sa čô anak êkei mpŭ kơ ama ñu, leh anăn sa čô dĭng buăl mpŭ kơ khua ñu. Tơdah Kâo jing sa čô ama, ti lei klei mpŭ năng kơ Kâo? Tơdah Kâo jing sa čô khua, ti lei klei arăng huĭ năng kơ Kâo?” Yêhôwa kơ phung kahan lač. “Diih, Ơ phung khua ngă yang, jing phung bi êmut kơ anăn Kâo? Diih lač, ‘Si klei hmei bi êmut leh kơ anăn ih?’

Y-Mathiơ 23:10

Kăn brei arăng pia kơ diih khua rei, kyuadah diih mâo knŏng sa čô Khua, jing Krist.

Y-Mathiơ 6:32

Kyuadah phung tue tui duah jih jang mnơ̆ng anăn; leh anăn Ama diih hlăm adiê thâo leh jing yuôm diih mâo jih dŏ anăn.

Y-Mathiơ 7:11

Snăn tơdah diih jing phung jhat thâo brei mnơ̆ng jăk kơ phung anak diih, ƀai hĭn Ama diih hlăm adiê srăng brei mnơ̆ng jăk kơ hlei pô akâo kơ Ñu.

Bruă Phung Khua Ƀĭng Kna 22:1

“Ơ phung ayŏng adei leh anăn phung ama, dôk hmư̆ bĕ klei kâo blŭ mgang kâo pô ti anăp diih.”

I Kôrantô 4:15

Kyuadah wăt tơdah diih mâo lu êbâo phung atăt gai hlăm Krist, diih amâo mâo lu ama ôh. Kyuadah kâo jing leh ama kơ diih hlăm Krist Yêsu hŏng klei mrâo mrang jăk.

II Kôrantô 6:18

leh anăn Kâo srăng jing sa čô ama kơ diih, leh anăn diih srăng jing phung anak êkei leh anăn phung anak mniê Kâo, Khua Yang, Pô Mâo Jih Klei Myang, lač.”

Hêbrơ 12:9

Êbeh hĭn kơ anăn, drei mâo leh ama ti lăn ala čiăng mkra mjuăt drei, leh anăn drei mpŭ kơ diñu. Amâo djŏ hĕ kdlưn hĭn drei srăng gưt Ama kơ mngăt leh anăn dôk hdĭp?

I Y-Yôhan 3:1

Dlăng bĕ klei khăp prŏng Ama brei leh kơ drei, tơl Ñu pia drei anak Aê Diê; snăn yơh drei jing leh. Lăn ala amâo thâo kral drei, kyuadah diñu amâo tuôm thâo kral Aê Diê ôh.