Y-Mathiơ 23:8 - Klei Aê Diê Blŭ 2015

⁸ Ƀiădah đăm brei arăng pia Rabi kơ diih ôh, kyuadah diih mâo knŏng sa čô Nai, leh anăn jih jang diih jing ayŏng adei.

Y-Mathiơ 23:8 Iomraidhean Croise

Y-Mathiơ 10:25

Djŏ leh ƀĭng kna jing msĕ si nai mtô ñu, leh anăn dĭng buăl jing msĕ si khua ñu. Tơdah arăng pia Bêlsêbul kơ khua sang, kdlưn hĭn êjai diñu srăng bi anăn jhat kơ phung mnuih hlăm sang gơ̆.

Y-Mathiơ 17:5

Êjai Y-Pêtrôs dôk blŭ, mâo knam kô̆ mngač guôm diñu, leh anăn mâo asăp mơ̆ng knam lač, “Anei jing Anak Kâo khăp êdimi, hlăm Ñu Kâo mâo klei mơak snăk. Brei diih hmư̆ bĕ klei Ñu.”

Y-Mathiơ 23:10

Kăn brei arăng pia kơ diih khua rei, kyuadah diih mâo knŏng sa čô Khua, jing Krist.

Y-Mathiơ 23:7

čiăng kơ arăng kkuh kơ diñu hlăm sang mnia, leh anăn čiăng arăng pia Rabi (čiăng lač Nai) kơ diñu.

Y-Mathiơ 26:25

Y-Yuđas, pô lhiăr kơ Ñu, lač, “Djŏ mơ̆ kâo, Ơ Nai?” Yêsu lač kơ gơ̆, “Ih pô lač leh klei anăn.”

Y-Mathiơ 26:49

Mtam ñu nao kơ Yêsu leh anăn lač, “Kkuh kơ Ih, Ơ Nai!” Leh anăn čŭm Yêsu.

Y-Markôs 10:51

Yêsu lač kơ gơ̆, “Ya klei ih čiăng Kâo ngă brei kơ ih lĕ?” Mnuih bum ală lač kơ Yêsu, “Ơ Nai, brei kâo dưi ƀuh mngač.”

Y-Markôs 11:21

Y-Pêtrôs hdơr leh anăn lač kơ Yêsu, “Ơ Nai, dlăng bĕ, ana boh hra Ih tăm pah anăn krô leh.”

Y-Markôs 14:45

Tơdah Y-Yuđas truh, gơ̆ nao kơ Yêsu mtam leh anăn lač, “Ơ Nai,” leh anăn čŭm Yêsu.

Y-Markôs 9:5

Y-Pêtrôs lač kơ Yêsu, “Ơ Nai, jăk yơh drei dôk tinei. Brei drei ngă tlâo boh sang čhiăm, sa boh kơ Ih, sa boh kơ Y-Môis, leh anăn sa boh kơ Y-Êli.”

Y-Luk 22:32

Ƀiădah Kâo wah lač leh kơ ih, čiăng kơ klei ih đăo amâo awăt ôh. Leh anăn tơdah ih lŏ wĭt kơ Kâo, brei ih bi kjăp phung ayŏng adei ih.”

Y-Yôhan 1:38

Yêsu wir dlăng leh anăn ƀuh digơ̆ tui hlue, snăn Yêsu lač kơ digơ̆, “Ya diih duah?” Digơ̆ lač kơ Ñu, “Rabi (čiăng lač Nai), ti anôk Ih dôk?”

Y-Yôhan 1:49

Y-Natanel lŏ wĭt lač kơ Yêsu, “Ơ Nai, Ih jing Anak Aê Diê! Ih jing Mtao phung Israel!”

Y-Yôhan 11:8

Phung ƀĭng kna lač kơ Ñu, “Ơ Nai, phung Yuđa mrâo čiăng bhĭr Ih hŏng boh tâo, ya Ih lŏ čiăng wĭt tinăn lĕ?”

Y-Yôhan 20:16

Yêsu lač kơ ñu, “Ơ H'Mari.” H'Mari wir dlăng leh anăn lač kơ ñu hlăm klei Hêbrơ, “Rabôni!” (čiăng lač “Nai”).

Y-Yôhan 3:2

Ñu nao kơ Yêsu êjai mlam leh anăn lač kơ Gơ̆, “Rabi, hmei thâo Ih jing sa čô nai kbiă hriê mơ̆ng Aê Diê; kyuadah arăng amâo dưi ngă ôh klei yuôm bhăn Ih ngă anei, knŏng tơdah Aê Diê dôk mbĭt hŏng ñu.”

Y-Yôhan 3:26

Diñu nao lač kơ Y-Yôhan, “Ơ Nai, pô dôk leh hŏng ih ti hang nah dih êa krông Yurdan, kơ gơ̆ anăn ih hưn bi sĭt leh, nĕ anei gơ̆ dôk ngă ƀaptem, leh anăn jih jang mnuih nao kơ gơ̆ sơăi.”

Y-Yôhan 4:31

Êjai anăn phung ƀĭng kna mgô̆ Yêsu, “Ơ Nai, huă ƀơ̆ng bĕ.”

Y-Yôhan 6:25

Tơdah digơ̆ ƀuh Yêsu ti hang nah dih êa ksĭ, digơ̆ lač kơ Ñu, “Ơ Nai, hbĭl Ih truh tinei lĕ?”

Y-Yôhan 9:2

Phung ƀĭng kna Ñu êmuh kơ Ñu, “Ơ Nai, hlei ngă soh leh tơl gơ̆ bum ală mơ̆ng hruê amĭ kkiêng, gơ̆ pô hĕ amâodah amĭ ama gơ̆?”

II Kôrantô 1:24

Amâo djŏ ôh hmei jing khua kăp gai klei diih đăo; hmei mă bruă mbĭt hŏng diih čiăng kơ diih mâo klei mơak, kyuadah diih dôk kjăp hŏng klei diih đăo.

II Kôrantô 4:5

Kyuadah hmei amâo mtô kơ hmei pô ôh, ƀiădah hmei mtô klei Yêsu Krist jing Khua Yang, leh anăn hmei pô jing dĭng buăl diih kyua Yêsu.

Êphêsô 3:15

Mơ̆ng Ñu jih jang găp djuê hlăm adiê leh anăn ti lăn ala mâo anăn.

Y-Philêmôn 1:16

amâo djŏ msĕ si sa čô hlŭn ôh, ƀiădah êgao hĭn kơ sa čô hlŭn, jing sa čô adei drei khăp hlăm kđeh leh anăn hlăm Khua Yang, boh nik nak kơ kâo, ƀiădah kdlưn hĭn kơ ih.

Y-Yakơ 3:1

Ơ phung ayŏng adei, đăm brei lu hlăm phung diih jing nai mtô ôh, kyuadah diih thâo leh Aê Diê srăng phat kđi ktang hĭn phung nai mtô.

I Y-Pêtrôs 5:3

amâo djŏ ôh kiă kriê hŏng klei ktư̆ juă phung Aê Diê jao leh kơ diih, ƀiădah brei diih jing klei bi hmô kơ phung biăp.

Klei Bi Êdah 1:9

Kâo gơ̆ Y-Yôhan, ayŏng diih leh anăn pô tŭ mbĭt hŏng diih hlăm Yêsu klei knap mñai, ƀuôn ala mtao leh anăn klei gĭr. Kâo dôk ti plao êa arăng pia Patmôs kyua klei Aê Diê blŭ leh anăn klei Yêsu hưn.

Klei Bi Êdah 19:10

Kâo buôn ti jơ̆ng ñu čiăng kkuh mpŭ kơ ñu, ƀiădah ñu lač kơ kâo, “Đăm ngă snăn ôh! Kâo jing dĭng buăl mă bruă mbĭt hŏng ih leh anăn hŏng phung ayŏng adei ih djă pioh klei Yêsu hưn. Kkuh mpŭ bĕ kơ Aê Diê.” Kyuadah klei Yêsu hưn jing mngăt klei hưn êlâo.

Klei Bi Êdah 22:9

Ƀiădah ñu lač kơ kâo, “Đăm ngă snăn ôh! Kâo jing pô mă bruă mbĭt hŏng ih leh anăn hŏng phung ayŏng adei ih phung khua pô hưn êlâo, leh anăn mbĭt hŏng phung djă pioh klei blŭ hlăm hdruôm hră anei. Kkuh mpŭ bĕ kơ Aê Diê.”