Y-Mathiơ 23:23 - Klei Aê Diê Blŭ 2015

²³ Knap mñai yơh kơ diih, Ơ phung khua čih hră leh anăn phung Pharisi, phung ai ngăm! Kyuadah diih myơr sa kdrêč hlăm pluh ênoh êč, êya, djam, ƀiădah diih amâo uêñ ôh kơ klei yuôm hĭn hlăm klei bhiăn, jing klei kpă, klei pap, leh anăn klei đăo. Jih klei anăn brei diih gưt, leh anăn đăm lui ôh klei êlâo anăn.

Y-Mathiơ 23:23 Iomraidhean Croise

Klei Bi Hriêng 21:3

Ngă klei kpă ênô leh anăn klei djŏ jing klei Yêhôwa mơak lu hĭn kơ mnơ̆ng ngă yang.

Y-Êsai 28:25

Tơdah leh ñu bi dap rŏng lăn, amâo djŏ hĕ ñu rah mjeh anel leh anăn mjeh kumin; leh anăn buh mdiê ƀlê bi pruê̆, mdiê ôrgơ djŏ anôk bi kčah leh, leh anăn mdiê mkăn ti roh hma?

Y-Yêrêmi 22:3

Snei Yêhôwa lač: Ngă bĕ klei kpă ênô leh anăn klei djŏ, leh anăn bi mtlaih bĕ mơ̆ng kngan pô ktư̆ juă pô arăng tlĕ leh mnơ̆ng ñu. Leh anăn đăm ngă klei soh amâodah klei ƀai ôh kơ phung tue, kơ phung anak êrĭt ama, leh anăn kơ phung mniê djiê ung, kăn tuh hlăm anôk anei rei êrah pô amâo mâo soh.

Y-Ôsê 6:6

Kyuadah Kâo čiăng klei pap, amâo djŏ mnơ̆ng ngă yang, klei thâo kral Aê Diê, amâo djŏ ôh mnơ̆ng myơr čuh.

Bruă Lêwi 27:30

‘Jih jang sa kdrêč hlăm pluh mơ̆ng lăn, thâodah mjeh mơ̆ng lăn thâodah boh mơ̆ng ana kyâo, jing dŏ Yêhôwa; gơ̆ jing doh jăk kơ Yêhôwa.

Y-Mika 6:8

Ñu bi êdah leh kơ ih, Ơ mnuih, ya jing jăk, leh anăn ya klei Yêhôwa mtă brei ih ngă. Jing klei ngă klei kpă leh anăn khăp klei pap, leh anăn êbat mbĭt hŏng Aê Diê ih hŏng klei luă gŭ.

Y-Mathiơ 12:7

Leh anăn tơdah diih thâo săng si klei blŭ anei, ‘Kâo čiăng klei thâo pap, amâo djŏ hlô mnơ̆ng ngă yang ôh,’ diih amâo ƀuah phung amâo jing soh ôh.

Y-Mathiơ 23:13

“Knap mñai yơh kơ diih, Ơ phung khua čih hră leh anăn phung Pharisi, phung ai ngăm! Kyuadah diih kđăl ƀuôn ala mtao adiê kơ mnuih, diih pô amâo mŭt hlăm ƀuôn ala mtao anăn ôh, kăn brei rei phung čiăng mŭt tinăn. [

Y-Mathiơ 9:13

Nao bĕ leh anăn hriăm bi thâo si čiăng lač klei blŭ anei, ‘Kâo čiăng klei pap mñai, amâo djŏ mnơ̆ng ngă yang ôh.’ Kyuadah Kâo hriê amâo djŏ čiăng iêô phung kpă ôh, ƀiădah phung soh.”

Y-Luk 11:42

Ƀiădah knap mñai yơh kơ diih, Ơ phung Pharisi! Kyuadah diih myơr sa kdrêč hlăm pluh êč, êbai, leh anăn jih djam rơ̆k, ƀiădah amâo uêñ ôh kơ klei kpă leh anăn kơ klei Aê Diê khăp. Klei anei brei diih ngă, leh anăn ăt ngă mơh klei mkăn.

Y-Luk 18:12

Kâo kăm ƀơ̆ng huă dua blư̆ sa hruê kăm. Kâo myơr sa kdrêč hlăm pluh mơ̆ng jih dŏ kâo mâo.’

I Y-Samuel 15:22

Y-Samuel lač, “Yêhôwa ƀuh mơ̆ klei mơak hlăm mnơ̆ng myơr čuh leh anăn mnơ̆ng ngă yang msĕ si hlăm klei gưt asăp kơ Yêhôwa? Nĕ anei, klei gưt asăp jing jăk hĭn kơ klei ngă yang, leh anăn klei dôk hmư̆ jing jăk hĭn kơ prăi biăp knô.