Y-Mathiơ 23:2 - Klei Aê Diê Blŭ 2015

² “Phung khua čih hră leh anăn phung Pharisi dôk ti mdhô̆ Y-Môis;

Y-Mathiơ 23:2 Iomraidhean Croise

Y-Êsra 7:25

Leh anăn ih, Ơ Y-Êsra, tui si klei thâo mĭn Aê Diê ih dôk hlăm ih, mdưm bĕ phung khua kiă kriê leh anăn phung khua phat kđi, phung dưi phat kđi jih jang phung ƀuôn sang hlăm čar nah yŭ Êa Krông Ơphrat, jih jang thâo klei bhiăn Aê Diê ih; leh anăn brei ih mtô kơ phung amâo thâo ôh klei bhiăn anăn.

Y-Êsra 7:6

Y-Êsra anei hriê mơ̆ng čar Ƀaƀilôn. Ñu jing sa čô khua čih hră knhâo hlăm klei bhiăn Y-Môis Yêhôwa Aê Diê phung Israel brei leh; leh anăn mtao brei kơ ñu jih mnơ̆ng ñu akâo, kyuadah kngan Yêhôwa Aê Diê ñu dôk ti ñu.

Y-Malaki 2:7

Kyuadah jing djŏ kơ kƀuê sa čô khua ngă yang srăng pioh klei thâo mĭn, leh anăn arăng srăng duah klei bi hriăm mơ̆ng ƀăng êgei ñu, kyuadah ñu yơh jing pô Yêhôwa kơ phung kahan tiŏ hriê hưn.

Y-Mathiơ 23:3

snăn brei diih ngă leh anăn gưt klei diñu mtă kơ diih, ƀiădah đăm tui klei diñu ngă ôh. Kyuadah diñu mtô, ƀiădah amâo ngă ôh.

Y-Markôs 12:38

Êjai Yêsu dôk mtô Ñu lač snei, “Răng bĕ kơ phung khua čih hră. Diñu khăp hiu hơô ao jhung, leh anăn čiăng kơ arăng kkuh kơ diñu hlăm sang mnia.

Y-Luk 20:46

“Răng bĕ kơ phung khua čih hră. Diñu khăp hiu hơô ao jhung, leh anăn khăp klei arăng kkuh kơ diñu hlăm sang mnia, leh anăn ruah anôk jăk hĭn hlăm sang bi kƀĭn leh anăn anôk mâo klei mpŭ hĭn êjai klei huă mnăm.

Klei Mtô Mñă Klei Bhiăn 33:3

Sĭt nik Yêhôwa khăp kơ phung ƀuôn sang; jih jang phung doh jăk dôk hlăm kngan Ih; snăn digơ̆ buôn ti gŭ jơ̆ng Ih, mă tŭ klei gai mơ̆ng Ih,