Y-Mathiơ 23:12 - Klei Aê Diê Blŭ 2015

¹² Hlei pô bi mđĭ ñu pô, arăng srăng bi mtrŭn ñu; leh anăn hlei pô bi luă gŭ ñu pô, arăng srăng bi mđĭ ñu.”

Y-Mathiơ 23:12 Iomraidhean Croise

Y-Yôp 22:29

Tơdah ih êdu ai ih srăng blŭ hŏng klei knang sĭt, leh anăn Aê Diê srăng bi mtlaih pô luă gŭ.

Klei Mmuñ Hđăp 138:6

Wăt tơdah Yêhôwa jing Pô ti dlông, ăt Ñu mpŭ kơ phung luă gŭ; leh anăn Ñu thâo kral phung mgao mơ̆ng kbưi.

Klei Bi Hriêng 15:33

Klei huĭ mpŭ kơ Yêhôwa bi hriăm mnuih mâo klei thâo mĭn, leh anăn klei luă gŭ nao êlâo kơ klei mpŭ.

Klei Bi Hriêng 29:23

Klei mnuih mgao srăng mdlưh ñu pô, ƀiădah hlei pô thâo luă gŭ srăng mâo klei arăng mpŭ.

Y-Êsai 57:15

Kyuadah snei Pô Ti Dlông Hĭn, Pô dôk hlŏng lar, anăn Ñu jing Doh Jăk, lač: “Kâo dôk hlăm anôk ti dlông leh anăn doh jăk, leh anăn msĕ mơh mbĭt hŏng pô mâo ai tiê ênguôt kơ klei soh leh anăn thâo luă gŭ, čiăng lŏ bi hdĭp ai tiê phung luă gŭ, čiăng lŏ bi hdĭp ai tiê pô ênguôt kơ klei soh.

Y-Đaniel 4:37

Ară anei, kâo gơ̆ Y-Nebukatnetsar bi mni, mpŭ, leh anăn mpŭ mni kơ Mtao hlăm adiê; kyuadah jih bruă Ñu jing sĭt leh anăn êlan Ñu kpă; leh anăn hlei pô êbat hlăm klei mgao Ñu dưi bi mdlưh hĕ.

Y-Mathiơ 18:4

Hlei pô bi luă gŭ ñu pô msĕ si hđeh anei, ñu jing pô prŏng hĭn hlăm ƀuôn ala mtao adiê.”

Y-Mathiơ 5:3

“Jăk mơak yơh phung ƀun ƀin hlăm mngăt ai tiê, kyuadah ƀuôn ala mtao adiê pioh kơ diñu.

Y-Luk 14:11

Kyuadah grăp čô hlei pô mpŭ kơ ñu pô, arăng srăng bi mtrŭn ñu; leh anăn hlei pô bi mtrŭn ñu pô, arăng srăng mpŭ kơ ñu.”

Y-Luk 18:14

Kâo hưn kơ diih, pô rĭng jia anei wĭt kơ sang mâo leh klei yap kpă; bi êkei Pharisi anăn, amâo mâo ôh. Kyuadah grăp čô hlei pô mpŭ kơ ñu pô, Aê Diê srăng bi mtrŭn ñu; ƀiădah hlei pô bi mtrŭn ñu pô, Aê Diê srăng mpŭ kơ ñu.”

Y-Yakơ 4:6

Ƀiădah Ñu brei klei pap lu hĭn; kyuanăn Klei Aê Diê Blŭ čih lač, “Aê Diê bi kdơ̆ng hŏng phung mgao, ƀiădah brei klei pap kơ phung luă gŭ.”

I Y-Pêtrôs 5:5

Msĕ mơh kơ diih jing phung hlăk ai, brei diih gưt kơ phung khua mduôn. Brei jih jang diih hơô klei luă gŭ êjai hdĭp hdơ̆ng diih, kyuadah “Aê Diê bi kdơ̆ng hŏng phung mgao, ƀiădah brei klei pap kơ phung luă gŭ.”

I Y-Pêtrôs 5:6

Snăn bi luă gŭ bĕ diih pô ti gŭ kngan myang Aê Diê, čiăng kơ Ñu dưi bi mđĭ diih hlăm ênuk djŏ.