Y-Mathiơ 22:3 - Klei Aê Diê Blŭ 2015

³ Ñu tiŏ nao phung dĭng buăl ñu iêô phung ñu jak leh kơ klei huă mnăm. Ƀiădah phung anăn amâo čiăng hriê ôh.

Y-Mathiơ 22:3 Iomraidhean Croise

Klei Mmuñ Hđăp 68:11

Khua Yang brei klei mtă; lu phung mniê hưn klei mrâo mrang jăk anăn:

Y-Êsai 30:15

Kyuadah Khua Yang Yêhôwa, Pô Doh Jăk Israel, lač snei: “Hlăm klei diih kmhal leh anăn mdei diih srăng tlaih, hlăm klei êđăp ênang leh anăn klei knang diih srăng mâo klei ktang.” Ƀiădah diih amâo čiăng ôh,

Y-Yêrêmi 25:4

Diih amâo dôk hmư̆ ôh kăn mđing knga čiăng hmư̆ rei, wăt tơdah Yêhôwa tiŏ mơ̆ng aguah ưm hriê nanao leh kơ diih jih jang phung dĭng buăl ñu phung khua pô hưn êlâo,

Y-Yêrêmi 35:15

Kâo tiŏ nanao leh kơ diih jih jang phung dĭng buăl Kâo phung khua pô hưn êlâo, brei diñu lač, “Ară anei brei grăp čô diih wir đuĕ mơ̆ng êlan soh ñu, bi mlih klei diih ngă; leh anăn đăm tui hlue ôh phung yang mkăn čiăng mă bruă kơ phung yang anăn, snăn kơh diih srăng dôk hlăm čar Kâo brei leh kơ diih leh anăn kơ phung aê diih.” Ƀiădah diih amâo tuôm mđing knga dôk hmư̆ Kâo ôh.

Y-Ôsê 11:2

Ktang Kâo iêô diñu, ktang hĭn mơh diñu đuĕ mơ̆ng Kâo. Diñu ăt ngă yang nanao kơ phung yang Baal, leh anăn myơr mnơ̆ng ƀâo mngưi kơ phung rup yang.

Y-Ôsê 11:7

Phung ƀuôn sang Kâo hung kơ klei lui wir Kâo; wăt tơdah diñu iêô kơ Pô Ti Dlông Hĭn, ƀiădah ñu amâo lŏ bi kgŭ diñu ôh.

Y-Sôphôni 1:7

Dôk ñăt bĕ ti anăp Yêhôwa Aê Diê, kyuadah hruê Yêhôwa giăm truh leh. Yêhôwa mkra leh klei ngă yang leh anăn pioh brei phung Ñu jak.

Y-Mathiơ 21:34

Tơdah giăm truh yan pĕ boh, ñu tiŏ nao phung dĭng buăl ñu kơ phung mưn, čiăng mă kdrêč boh kriăk ƀâo ñu.

Y-Mathiơ 23:37

“Ơ ƀuôn Yêrusalem, ƀuôn Yêrusalem, ih bi mdjiê phung khua pô hưn êlâo leh anăn bhĭr boh tâo kơ phung arăng tiŏ nao kơ ih! Jêñ jêñ leh Kâo čiăng bi kƀĭn mbĭt phung anak ih msĕ si sa drei mnŭ ana bi kƀĭn êđai gơ̆ ti gŭ siap gơ̆, ƀiădah diih amâo čiăng ôh!

Y-Mathiơ 3:2

“Kmhal hĕ bĕ kơ klei soh diih, kyuadah ƀuôn ala mtao adiê giăm truh leh.”

Y-Mathiơ 9:15

Yêsu lač kơ diñu, “Dưi mơ̆ phung arăng jak kơ klei huă mnăm bi kuôl ung mô̆ kơŭ kyăm êjai êkei dôk mô̆ dôk mbĭt hŏng diñu? Hruê srăng truh tơdah arăng mă êkei dôk mô̆ mơ̆ng diñu, hlăk anăn diñu srăng kăm ƀơ̆ng huă.

Y-Luk 13:34

Ơ ƀuôn Yêrusalem, Ơ ƀuôn Yêrusalem, ƀuôn bi mdjiê phung khua pô hưn êlâo leh anăn bhĭr boh tâo kơ phung Aê Diê tiŏ hriê leh kơ ih. Jêñ jêñ leh Kâo čiăng bi kƀĭn phung anak ih mbĭt msĕ si sa drei mnŭ ana bi kƀĭn êđai gơ̆ ti gŭ siap gơ̆, ƀiădah diih amâo čiăng ôh!

Y-Luk 15:28

Anak khua ngêñ leh anăn hngah amâo čiăng mŭt ôh. Ama ñu kbiă leh anăn kwưh kơ ñu mŭt.

Y-Luk 19:27

Ƀiădah bi kơ phung roh kâo, phung amâo čiăng ôh kơ kâo kiă kriê diñu, atăt ba diñu tinei leh anăn bi mdjiê hĕ diñu ti anăp kâo.”

Y-Yôhan 5:40

ƀiădah diih hngah amâo čiăng hriê kơ Kâo ôh čiăng mă tŭ klei hdĭp.

Bruă Phung Khua Ƀĭng Kna 13:45

Ƀiădah tơdah phung Yuđa ƀuh phung lu anăn, diñu bŏ hŏng klei nač, bi tăng hŏng klei Y-Pôl blŭ, leh anăn dlao wač kơ gơ̆.

Hră Y-Pôl Mơĭt kơ Phung Rôm 10:21

Ƀiădah djŏ kơ phung Israel ñu lač, “Jih hruê Kâo pưi leh kngan kơ sa phung ƀuôn sang amâo thâo gưt asăp leh anăn bi kdơ̆ng.”

Hêbrơ 12:25

Răng bĕ, đăm hngah kơ Pô dôk blŭ ôh. Kyuadah tơdah phung anăn amâo tlaih ôh klei bi kmhal tơdah diñu hngah hmư̆ pô brei diñu răng ti lăn ala, sĭt nik drei amâo srăng tlaih ôh tơdah drei hngah kơ Pô blŭ brei răng mơ̆ng adiê.

Hêbrơ 9:15

Kyuanăn Krist jing Pô ti krah kơ klei bi mguôp mrâo, čiăng kơ phung mâo leh klei iêô dưi mă tŭ ngăn dưn hlŏng lar Aê Diê ƀuăn leh, kyuadah Ñu djiê leh čiăng bi tui phung mnuih mơ̆ng klei soh diñu ngă leh ti gŭ klei bi mguôp tal êlâo.

Klei Bi Êdah 22:17

Yang Mngăt Jăk leh anăn Mô̆ lač, “Hriê bĕ.” Leh anăn brei hlei pô hmư̆ lač, “Hriê bĕ.” Leh anăn hlei pô mhao brei ñu hriê, hlei pô čiăng brei ñu mă tŭ hơăi mang êa hdĭp.

I Y-Samuel 9:13

Tơdah diih mŭt leh ƀuôn, diih srăng ƀuh ñu êlâo ñu đĭ ti anôk dlông čiăng huă ƀơ̆ng; kyuadah phung ƀuôn sang amâo srăng huă ƀơ̆ng ôh tơl ñu truh, kyuadah ñu srăng hơêč hmưi kơ mnơ̆ng ngă yang. Leh klei anăn phung arăng jak srăng ƀơ̆ng. Đĭ nao bĕ, kyuadah ară anei diih srăng bi tuôm hŏng ñu mtam.”