Y-Mathiơ 22:13 - Klei Aê Diê Blŭ 2015

¹³ Leh anăn mtao lač kơ phung dĭng buăl ñu, ‘Kă jơ̆ng kngan ñu leh anăn hwiê ñu hlăm anôk mmăt ti tač; tinăn srăng mâo klei čŏk hia leh anăn klei kriêt êgei.’

Y-Mathiơ 22:13 Iomraidhean Croise

Klei Mmuñ Hđăp 112:10

Mnuih ƀai srăng ƀuh klei anăn leh anăn ăl; ñu srăng kriêt êgei leh anăn djiê luč; klei phung ƀai čiăng amâo srăng truh ôh.

Klei Mmuñ Hđăp 37:12

Pô ƀai trông čhai čiăng ngă kơ pô kpă, leh anăn ñu kriêt êgei čiăng ngă kơ gơ̆.

Y-Êsai 52:1

Mdih bĕ, mdih bĕ, Ơ ƀuôn Siôn, hơô bĕ klei ktang ih. Hơô bĕ čhiăm ao siam ih, Ơ Yêrusalem, ƀuôn doh jăk. Kyuadah amâo srăng lŏ mâo ôh phung amâo khăt klĭt leh anăn phung amâo doh mŭt hlăm ih.

Y-Đaniel 3:20

Ñu mtă kơ đa đa phung kahan ktang brei čăp Y-Sadrak, Y-Mêsăk, leh anăn Y-Abetnêgô, leh anăn hwiê diñu hlăm kpur pui.

Y-Mathiơ 12:29

Amâodah si arăng dưi mŭt hlăm sang sa čô mnuih ktang leh anăn plah mă dŏ dô gơ̆, tơdah ñu amâo čăp hĕ mnuih ktang êlâo? Leh čăp kơh ñu dưi plah mă dŏ dô hlăm sang gơ̆.

Y-Mathiơ 13:30

Lui jih dua anăn hriê kơ dlông tơl truh ti yan wiă; leh anăn ti yan wiă kâo srăng mtă kơ phung wiă, buč rơ̆k jhat êlâo leh anăn čăp pioh čuh hĕ, ƀiădah bi kƀĭn mdiê ƀlê hlăm hjiê kâo.’ ”

Y-Mathiơ 13:42

leh anăn hwiê diñu hlăm kpur pui prŏng. Ti anôk anăn srăng mâo klei čŏk hia leh anăn klei kriêt êgei.

Y-Mathiơ 13:50

leh anăn dlăm hĕ diñu hlăm kpur pui prŏng. Tinăn diñu srăng čŏk hia leh anăn kriêt êgei.”

Y-Mathiơ 24:51

leh anăn khua ñu srăng čăm bi rai ñu leh anăn yap ñu mbĭt hŏng phung ai ngăm. Tinăn srăng mâo klei čŏk hia leh anăn klei kriêt êgei.”

Y-Mathiơ 25:30

Leh anăn hwiê hĕ dĭng buăl amâo yuôm anăn hlăm anôk mmăt ti tač; tinăn srăng mâo klei čŏk hia leh anăn klei kriêt êgei.’ ”

Y-Mathiơ 8:12

êjai phung anak ƀuôn ala mtao pô arăng srăng hwiê hlăm anôk mmăt ti tač; tinăn diñu srăng hia leh anăn kriêt êgei.”

Y-Luk 13:28

Tinăn diih srăng ƀuh Y-Abraham, Y-Isăk, Y-Yakôp, leh anăn jih jang phung khua pô hưn êlâo hlăm ƀuôn ala mtao Aê Diê, bi diih pô arăng hwiê ti tač, anôk mâo klei čŏk hia leh anăn kriêt êgei.

Y-Yôhan 21:18

Kâo lač kơ ih klei sĭt nik, êjai ih hlăk ai, ih hyuă kơiêng ih pô leh anăn nao ti anôk ih čiăng; ƀiădah tơdah ih mduôn, ih srăng yơr kngan, leh anăn sa čô mkăn srăng hyuă brei hdrăng kơiêng ih, leh anăn srăng atăt ba ih ti anôk ih amâo čiăng nao ôh.”

Bruă Phung Khua Ƀĭng Kna 21:11

Tơdah ñu truh kơ hmei, ñu mă hdrăng kơiêng Y-Pôl, kă jơ̆ng kngan ñu pô leh anăn lač, “Snei Yang Mngăt Jăk lač, ‘Msĕ snei phung Yuđa ti ƀuôn Yêrusalem srăng čăp pô hdrăng kơiêng anei, leh anăn jao gơ̆ hlăm kngan phung tue.’ ”

Bruă Phung Khua Ƀĭng Kna 7:54

Tơdah diñu hmư̆ klei anăn, diñu bŏ hŏng klei ngêñ, leh anăn diñu kriêt êgei kơ gơ̆.

II Têsalônik 1:9

Diñu srăng tŭ klei bi kmhal klei rai tuč hlŏng lar, leh anăn klei arăng suôt kbưi mơ̆ng anăp Khua Yang leh anăn mơ̆ng klei guh kơang klei myang Ñu,

II Y-Pêtrôs 2:17

Phung anăn jing msĕ si akŏ êa thu, msĕ si dhul angĭn êbŭ kpuh; Aê Diê pioh leh kơ diñu klei mmăt tĭt hlăm anôk ti gŭ.

II Y-Pêtrôs 2:4

Kyuadah tơdah Aê Diê amâo hơưi ôh kơ phung dĭng buăl jăk hlăk diñu ngă soh, ƀiădah hwiê hĕ diñu hlăm ƀăng êlam hlăm anôk mmăt, čiăng krư̆ pioh diñu tơl truh Hruê Phat Kđi;

Y-Yut 1:13

Diñu jing êlah êa ksĭ poh yă ktang bi kbiă kbhoh klei hêñ diñu pô; jing mtŭ hiu rưng, Aê Diê pioh kơ diñu klei mmăt hlŏng lar.

Y-Yut 1:6

Leh anăn phung dĭng buăl jăk amâo djă pioh ôh klei diñu jing, ƀiădah lui anôk diñu pô dôk, Aê Diê pioh leh kă hŏng klei săng đai hlŏng lar hlăm anôk mmăt ti gŭ tơl truh klei phat kđi ti Hruê Prŏng;

Klei Bi Êdah 21:27

Ƀiădah amâo mâo mnơ̆ng čhŏ amâodah pô ngă klei Aê Diê bi êmut kheh amâodah klei luar srăng mŭt tinăn ôh, ƀiădah knŏng phung mâo anăn arăng čih leh hlăm hdruôm hră klei hdĭp Êđai Biăp.