Y-Mathiơ 22:12 - Klei Aê Diê Blŭ 2015

¹² Ñu lač kơ pô anăn, ‘Ơ jiăng, si ih dưi mŭt tinei amâo hơô ao bi kuôl ôh?’ Mnuih anăn amâo thâo lŏ wĭt lač ôh.

Y-Mathiơ 22:12 Iomraidhean Croise

Y-Yôp 5:16

Snăn phung ƀun ƀin mâo klei čang hmăng, leh anăn klei wê dôk ñăt kriêp.

Klei Mmuñ Hđăp 107:42

Phung kpă ƀuh klei anăn leh anăn mơak, ƀiădah jih jang phung wê kđhĭp ƀăng kƀông.

Y-Yêrêmi 2:23

“Si ih dưi lač, ‘Kâo amâo jing čhŏ ôh, kâo amâo tuôm tui hlue yang Baal ôh?’ Ksiêm dlăng bĕ êlan ih hlăm tlung, brei ih thâo săng ya klei ih ngă leh. Ih jing êđai aseh samô ana kƀla leh anăn hiu rưng tar ƀar anôk,

Y-Yêrêmi 2:26

Msĕ si sa čô knĕ hêñ tơdah arăng mă ñu, snăn mơh sang Israel srăng hêñ: diñu, phung mtao diñu, phung khua diñu, phung khua ngă yang diñu, leh anăn phung khua pô hưn êlâo diñu,

Y-Mathiơ 20:13

Ƀiădah ñu lŏ wĭt lač kơ sa čô hlăm phung digơ̆, ‘Ơ mah jiăng, kâo amâo soh hŏng ih ôh; amâo djŏ hĕ ih tŭ ư leh hŏng kâo kơ ih srăng ƀơ̆ng sa đơniê?

Y-Mathiơ 26:50

Yêsu lač kơ ñu, “Ơ jiăng, ngă bĕ ya klei ih čiăng hriê tinei!” Snăn diñu nao mă čăp Yêsu.

Y-Mathiơ 5:20

Kyuadah Kâo lač kơ diih, tơdah klei kpă ênô diih amâo jing kdlưn hĭn kơ klei kpă ênô phung khua čih hră leh anăn phung Pharisi, diih amâo srăng mŭt hlăm ƀuôn ala mtao adiê ôh.”

Hră Y-Pôl Mơĭt kơ Phung Rôm 3:19

Drei thâo leh ya klei bhiăn lač, gơ̆ lač kơ phung dôk ti gŭ klei bhiăn, čiăng kơ jih jang ƀăng êgei dôk kriêp, leh anăn jih jang mnuih ti lăn ala srăng dôk ti gŭ klei Aê Diê phat kđi.

I Kôrantô 4:5

Snăn đăm phat kđi arăng ôh êlâo hruê bi kčah, êlâo Khua Yang srăng truh. Ñu srăng bi mngač jih jang klei mdăp leh hlăm klei mmăt, leh anăn srăng bi êdah klei ai tiê arăng čuăn. Hlăk anăn grăp čô srăng mă tŭ klei Aê Diê bi mni năng kơ pô.

Y-Tit 3:11

kyuadah ih thâo leh mnuih msĕ snăn jing klah đuĕ leh, leh anăn soh, ñu mă tŭ klei phat kđi ñu pô.

I Y-Samuel 2:9

Ñu srăng krơ̆ng jơ̆ng phung doh jăk Ñu; ƀiădah phung jhat ƀai srăng dlưh rai hlăm klei mmăt. Kyuadah mnuih amâo srăng dưi ôh kyua klei ktang.