Y-Mathiơ 22:11 - Klei Aê Diê Blŭ 2015

¹¹ Ƀiădah tơdah mtao mŭt čiăng dlăng phung hriê, ñu ƀuh tinăn sa čô êkei amâo hơô ao bi kuôl ôh.

Y-Mathiơ 22:11 Iomraidhean Croise

II Bruă Mtao 10:22

Ñu lač kơ pô kiă adŭ pioh čhiăm ao, “Mă ba čhiăm ao kơ jih jang phung kkuh mpŭ kơ yang Baal.” Snăn gơ̆ mă ba čhiăm ao anăn kơ diñu.

Y-Êsai 52:1

Mdih bĕ, mdih bĕ, Ơ ƀuôn Siôn, hơô bĕ klei ktang ih. Hơô bĕ čhiăm ao siam ih, Ơ Yêrusalem, ƀuôn doh jăk. Kyuadah amâo srăng lŏ mâo ôh phung amâo khăt klĭt leh anăn phung amâo doh mŭt hlăm ih.

Y-Êsai 64:6

Jih jang hmei jing leh msĕ si pô amâo doh, leh anăn jih bruă kpă ênô hmei jing msĕ si čhiăm ao čhŏ leh. Jih jang hmei dliu msĕ si hla kyâo, leh anăn klei wê hmei kpuh mđung hmei msĕ si angĭn.

Klei Čŏk Hia 5:22

Amâodah Ih tuôm hngah kơ hmei hlŏng lar mơ̆? Ih ăl kơ hmei êgao hnơ̆ng mơ̆?

Y-Sôphôni 1:12

Hlăk anăn Kâo srăng djă pui kđen ksiêm dlăng ƀuôn Yêrusalem leh anăn Kâo srăng bi kmhal phung mâo klei hrăp leh msĕ si kpiê djah knhal tuč, phung lač hlăm ai tiê diñu, ‘Yêhôwa amâo srăng ngă jăk ôh, kăn ngă jhat rei.’

Y-Mathiơ 13:30

Lui jih dua anăn hriê kơ dlông tơl truh ti yan wiă; leh anăn ti yan wiă kâo srăng mtă kơ phung wiă, buč rơ̆k jhat êlâo leh anăn čăp pioh čuh hĕ, ƀiădah bi kƀĭn mdiê ƀlê hlăm hjiê kâo.’ ”

Y-Mathiơ 22:10

Phung dĭng buăl anăn nao tar ƀar êlan dơ̆ng jak ba jih jang mnuih diñu ƀuh, wăt mnuih jhat wăt mnuih jăk. Snăn adŭ ƀơ̆ng huă bŏ hŏng mnuih.

Y-Mathiơ 3:12

Ñu djă knguôr, čiăng mđung bi doh anôk Ñu juă mdiê. Ñu srăng bi kƀĭn mdiê Ñu hlăm hjiê, ƀiădah Ñu srăng čuh hĕ kam hlăm pui amâo thâo ram ôh.”

Hră Y-Pôl Mơĭt kơ Phung Rôm 13:14

Ƀiădah hơô bĕ Khua Yang Yêsu Krist, leh anăn đăm mĭn ôh čiăng bi mơak kơ kđeh, čiăng bi hrăp klei ñu tluh.

Hră Y-Pôl Mơĭt kơ Phung Rôm 3:22

jing klei kpă ênô Aê Diê hŏng klei đăo kơ Yêsu Krist brei kơ jih jang hlei pô đăo. Kyuadah amâo mâo klei yap mdê mdê ôh.

I Kôrantô 4:5

Snăn đăm phat kđi arăng ôh êlâo hruê bi kčah, êlâo Khua Yang srăng truh. Ñu srăng bi mngač jih jang klei mdăp leh hlăm klei mmăt, leh anăn srăng bi êdah klei ai tiê arăng čuăn. Hlăk anăn grăp čô srăng mă tŭ klei Aê Diê bi mni năng kơ pô.

II Kôrantô 5:3

Snăn leh drei hơô sang anăn, drei amâo srăng dôk lưng mlŭn ôh.

Galati 3:27

Kyuadah dŭm čô hlăm phung diih tŭ leh klei ƀaptem hlăm Krist hơô leh Krist yơh.

Êphêsô 4:24

leh anăn brei diih hơô knuih mrâo, hrih leh msĕ si Aê Diê hlăm klei kpă ênô leh anăn klei doh jăk sĭt nik.

Klei Bi Êdah 16:15

(“Nĕ anei, Kâo hriê msĕ si sa čô mnuih knĕ! Jăk mơak yơh hlei pô dôk krŏng leh anăn răng kriê kơ čhiăm ao ñu, čiăng kơ ñu amâo êbat lưng mlŭn ôh leh anăn arăng amâo ƀuh klei hêñ ñu!”)

Klei Bi Êdah 19:8

Arăng brei kơ mô̆ Ñu hơô ao kbuă điêt aruăt, mngač leh anăn doh,” kyuadah kbuă điêt aruăt anăn jing bruă kpă phung doh jăk ngă leh.

Klei Bi Êdah 2:23

Kâo srăng bi mdjiê phung anak ñu. Leh anăn jih jang Phung Sang Aê Diê srăng thâo kơ Kâo jing Pô ksiêm klei mĭn leh anăn ai tiê, leh anăn Kâo srăng brei kơ grăp čô diih tui si bruă diih ngă.

Klei Bi Êdah 3:18

Snăn Kâo kčĕ kơ ih brei blei mơ̆ng Kâo mah bi doh leh hŏng pui, čiăng kơ ih dưi jing mdrŏng, leh anăn blei čhiăm ao kô̆ ih srăng hơô čiăng kơ klei hêñ lưng mlŭn ih arăng amâo ƀuh ôh, leh anăn blei êa drao mia ală ih čiăng kơ ih dưi ƀuh.