Y-Mathiơ 22:10 - Klei Aê Diê Blŭ 2015

¹⁰ Phung dĭng buăl anăn nao tar ƀar êlan dơ̆ng jak ba jih jang mnuih diñu ƀuh, wăt mnuih jhat wăt mnuih jăk. Snăn adŭ ƀơ̆ng huă bŏ hŏng mnuih.

Y-Mathiơ 22:10 Iomraidhean Croise

Y-Mathiơ 13:38

hma jing lăn ala, mjeh jăk jing phung anak ƀuôn ala mtao, rơ̆k jhat jing phung anak pô jhat,

Y-Mathiơ 22:9

Snăn nao bĕ hlăm tar ƀar êlan dơ̆ng leh anăn jak jih jang mnuih diih ƀuh brei hriê kơ klei ƀơ̆ng huă bi kuôl ung mô̆.’

Y-Mathiơ 25:10

Leh anăn êjai diñu nao blei êa prăi, pô dôk mô̆ truh. Phung mniê thâo mĭn mŭt mbĭt hŏng ñu kơ klei ƀơ̆ng huă bi kuôl; leh anăn arăng kđăl hĕ ƀăng bhă.

Y-Mathiơ 9:15

Yêsu lač kơ diñu, “Dưi mơ̆ phung arăng jak kơ klei huă mnăm bi kuôl ung mô̆ kơŭ kyăm êjai êkei dôk mô̆ dôk mbĭt hŏng diñu? Hruê srăng truh tơdah arăng mă êkei dôk mô̆ mơ̆ng diñu, hlăk anăn diñu srăng kăm ƀơ̆ng huă.

II Kôrantô 12:21

Kâo huĭ tơdah kâo lŏ truh Aê Diê kâo srăng bi luă gŭ kâo ti anăp diih, leh anăn kâo srăng hia kyua lu phung ngă soh leh mơ̆ng êlâo leh anăn amâo tuôm kmhal ôh kơ klei čhŏ mrŏ, klei knhông leh anăn klei ƀai diñu ngă.

I Y-Yôhan 2:19

Diñu kbiă leh mơ̆ng ti krah phung drei, ƀiădah diñu amâo jing phung drei ôh; kyuadah tơdah diñu jing phung drei, diñu ăt srăng dôk mbĭt hŏng drei. Ƀiădah diñu kbiă leh mơ̆ng drei, čiăng bi êdah klă kơ jih jang diñu amâo jing phung drei ôh.

Klei Bi Êdah 5:9

Diñu mmuñ sa klei mmuñ mrâo snei, “Ih mâo klei năng mă hdruôm hră klĭt anăn leh anăn ruh mnơ̆ng kđăm, kyuadah arăng bi mdjiê Ih leh, leh anăn hŏng êrah Ih Pô Ih bi tui leh phung mnuih kơ Aê Diê mơ̆ng jih jang krĭng, jih jang klei blŭ, jih jang ƀuôn sang, leh anăn jih jang găp djuê mnuih.

Klei Bi Êdah 7:9

Leh klei anăn kâo dlăng leh anăn nĕ anei, mâo phung mnuih lu snăk arăng amâo dưi yap ôh, mơ̆ng jih jang găp djuê mnuih, mơ̆ng jih jang djuê ana, mơ̆ng jih jang phung ƀuôn sang, leh anăn jih jang klei blŭ. Diñu dôk dơ̆ng ti anăp jhưng mtao leh anăn ti anăp Êđai Biăp, hơô leh ao jhung kô̆ leh anăn djă pak ana boh đung hlăm kngan diñu.