Y-Mathiơ 21:5 - Klei Aê Diê Blŭ 2015

⁵ “Hưn bĕ kơ anak mniê ƀuôn Siôn, Nĕ anei, mtao ih hriê kơ ih, hŏng klei luă gŭ đĭ aseh dliê, đĭ êđai aseh dliê, êđai sa drei ana.”

Y-Mathiơ 21:5 Iomraidhean Croise

Klei Mphŭn Dơ̆ng 49:10

Giê mtao amâo srăng đuĕ mơ̆ng Y-Yuđa ôh, kăn giê knuăk kiă kriê đuĕ rei mơ̆ng ti krah jơ̆ng ñu, tơl Pô jing năng kơ dŏ anăn truh; leh anăn kơ Ñu yơh phung ƀuôn sang srăng gưt asăp.

II Y-Samuel 16:2

Mtao lač kơ Y-Siba, “Si ngă ih djă ba dŏ anei lĕ?” Y-Siba lŏ wĭt lač, “Aseh dliê pioh kơ phung mnuih hlăm sang ih đĭ, kpŭng leh anăn boh yan bhang pioh kơ phung êkei hlăk ai ƀơ̆ng, leh anăn kpiê pioh kơ phung kơoh hlăm kdrăn tač.”

I Bruă Mtao 1:33

Mtao lač kơ digơ̆, “Mă mbĭt hŏng diih phung dĭng buăl khua diih, leh anăn brei Y-Salômôn anak êkei kâo đĭ aseh dliê kâo pô, leh anăn atăt ba ñu kơ ƀuôn Gihôn;

I Bruă Mtao 10:26

Y-Salômôn bi kƀĭn mbĭt lu êdeh aseh leh anăn phung đĭ aseh. Ñu mâo sa êbâo pă êtuh boh êdeh aseh, leh anăn pluh dua êbâo phung đĭ aseh. Ñu dưm phung anăn hlăm ƀuôn pioh êdeh aseh, leh anăn mbĭt hŏng mtao ti ƀuôn Yêrusalem.

Klei Mmuñ Hđăp 9:14

čiăng kơ kâo dưi hưn jih klei bi mni kơ Ih, čiăng kơ ti ƀăng jang ƀuôn Siôn kâo dưi hơ̆k mơak hlăm klei Ih bi mtlaih.

Y-Êsai 12:6

Ur kraih leh anăn ur hơ̆k bĕ, Ơ phung dôk hlăm ƀuôn Siôn, kyuadah Pô Doh Jăk Israel jing prŏng ti krah diih.”

Y-Êsai 40:9

Đĭ bĕ ti čŏng čư̆ dlông, Ơ ƀuôn Siôn, ƀuôn hưn klei mrâo mrang jăk. Ur driâo bĕ hŏng klei ktang, Ơ Yêrusalem, ƀuôn hưn klei mrâo mrang jăk. Ur bĕ ih, đăm huĭ ôh; lač bĕ kơ jih jang ƀuôn čar Yuđa, “Nĕ anei, Aê Diê diih!”

Y-Êsai 62:11

Nĕ anei, Yêhôwa hưn leh truh ti knhal lăn ala: “Lač bĕ kơ anak mniê ƀuôn Siôn, ‘Nĕ anei, Pô Bi Mtlaih ih hriê! Nĕ anei, Ñu djă ba klei mưn, leh anăn mnơ̆ng brei kơ arăng.’ ”

Y-Êsêkiêl 34:24

Kâo Yêhôwa srăng jing Aê Diê diñu, leh anăn dĭng buăl Kâo Y-Đawit srăng jing khua ti krah diñu; Kâo gơ̆, Yêhôwa blŭ leh klei anăn.

Y-Êsêkiêl 37:24

Dĭng buăl Kâo Y-Đawit srăng jing mtao kiă kriê diñu, leh anăn jih jang diñu srăng mâo sa čô mgăt biăp. Diñu srăng tui hlue klei Kâo mtă leh anăn răng ngă tui klei bhiăn Kâo.

Y-Ôsê 1:7

Ƀiădah Kâo srăng pap kơ sang Yuđa, leh anăn Kâo srăng bi mtlaih diñu amâo djŏ hŏng hna, kăn djŏ hŏng đao gưm, hŏng klei bi blah, hŏng aseh, leh anăn hŏng phung kahan đĭ aseh rei. Ƀiădah hŏng Yêhôwa Aê Diê diñu.”

Y-Mika 5:2

Ƀiădah ih, Ơ ƀuôn Betlêhem Êphrata, wăt tơdah ih jing ƀuôn điêt ti krah phung găp djuê čar Yuđa, mơ̆ng ih srăng kbiă hriê kơ Kâo sa čô srăng jing khua gai gĭt hlăm phung Israel, Pô mâo phŭn mơ̆ng ênuk đưm, mơ̆ng ênuk hlŏng lar.

Klei Yap 24:19

Sa čô mơ̆ng phung Yakôp srăng kiă kriê leh anăn srăng bi rai hlei pô tlaih leh mơ̆ng ƀuôn prŏng.”

Y-Mathiơ 11:29

Brei diih đua knông Kâo leh anăn hriăm mơ̆ng Kâo, kyuadah Kâo jing ênang leh anăn mâo ai tiê luă gŭ; leh anăn mngăt diih srăng mdei.

Y-Mathiơ 2:2

“Ti anôk mtao Yuđa mrâo kkiêng? Kyuadah hmei ƀuh leh mtŭ Ñu ti ngŏ, leh anăn hmei hriê čiăng kkuh mpŭ kơ Ñu.”

Y-Mathiơ 2:6

‘Leh anăn ih, Ơ ƀuôn Betlêhem hlăm čar Yuđa, Sĭt nik amâo jing điêt hĭn ôh đơ phung ƀuôn prŏng hlăm čar Yuđa; kyuadah sa čô khua kiă kriê srăng kbiă hriê mơ̆ng ih, Ñu srăng jing mgăt biăp kơ phung ƀuôn sang Kâo Israel.’ ”

Y-Mathiơ 21:6

Phung ƀĭng kna đuĕ nao leh anăn ngă tui si klei Yêsu mtă leh kơ diñu.

Y-Luk 24:27

Leh anăn Ñu mblang kơ phung anăn jih jang klei čih leh djŏ kơ Ñu dơ̆ng mơ̆ng hdruôm hră Y-Môis truh kơ hdruôm hră jih jang phung khua pô hưn êlâo.

Y-Yôhan 1:49

Y-Natanel lŏ wĭt lač kơ Yêsu, “Ơ Nai, Ih jing Anak Aê Diê! Ih jing Mtao phung Israel!”

II Kôrantô 10:1

Kâo gơ̆ Y-Pôl kwưh kơ diih hŏng klei êdu êun leh anăn klei jăk Krist — kâo gơ̆ pô êdu êun tơdah kâo dôk mbĭt hŏng diih, ƀiădah khăng tơdah kâo êkŭt mơ̆ng diih.

Klei Mtô Mñă Klei Bhiăn 17:16

Knŏng ñu amâo dưi bi mâo lu aseh kơ ñu pô ôh, amâodah atăt ba phung ƀuôn sang lŏ wĭt kơ čar Êjip čiăng bi mâo lu aseh, kyuadah Yêhôwa lač leh kơ ih, ‘Diih amâo srăng lŏ wĭt ôh ti êlan anăn.’

Phung Khua Phat Kđi 12:14

Ñu mâo pă pluh anak êkei, leh anăn tlâo pluh čô čô êkei. Diñu đĭ kjuh pluh drei aseh dliê. Ñu phat kđi phung Israel êjai sa păn thŭn.

Phung Khua Phat Kđi 5:10

Ơ phung đĭ aseh dliê kô̆, Ơ phung dôk gŭ ti añuê siam, leh anăn phung êbat ktuê êlan, mmuñ bĕ!