Y-Mathiơ 21:43 - Klei Aê Diê Blŭ 2015

⁴³ Kyuanăn Kâo hưn kơ diih, arăng srăng sua mă hĕ ƀuôn ala mtao Aê Diê mơ̆ng diih leh anăn srăng brei kơ sa găp djuê srăng brei boh djŏ. [

Y-Mathiơ 21:43 Iomraidhean Croise

Klei Kbiă 19:6

bi diih srăng jing kơ Kâo sa boh ƀuôn ala mtao phung khua ngă yang leh anăn sa phung găp djuê doh jăk. Snăn jing klei brei ih blŭ kơ phung anak Israel.’ ”

Y-Êsai 26:2

Pŏk bĕ ƀăng jang čiăng kơ phung găp djuê kpă ênô, djă pioh klei đăo dưi mŭt.

Y-Êsai 28:2

Nĕ anei, Khua Yang mâo sa čô myang leh anăn ktang, msĕ si angĭn êbŭ mâo pliêr, msĕ si angĭn bi rai, msĕ si angĭn êbŭ êa ktang dlai hang, ñu srăng dlăm digơ̆ ktang ti lăn.

Y-Mathiơ 12:28

Ƀiădah tơdah Kâo suôt phung yang jhat hŏng Yang Mngăt Jăk Aê Diê, snăn ƀuôn ala mtao Aê Diê truh leh kơ diih.

Y-Mathiơ 21:41

Phung knơ̆ng khua ngă yang leh anăn phung Pharisi lŏ wĭt lač kơ Yêsu, “Ñu srăng bi rai phung ƀai anăn hŏng klei djiê knap mñai, leh anăn brei phung mkăn mưn đang boh kriăk ƀâo ñu, phung srăng brei boh kơ ñu djŏ yan.”

Y-Mathiơ 21:42

Yêsu lač kơ diñu, “Diih amâo tuôm dlăng hĕ Klei Aê Diê Blŭ čih leh snei: ‘Boh tâo phung ngă sang hngah leh, jing hĕ leh boh tâo phŭn ti kiêng. Klei anăn Khua Yang ngă leh, leh anăn jing klei yuôm bhăn ti anăp ală drei’?

Y-Mathiơ 21:44

Hlei pô srăng lĕ ti dlông boh tâo anăn srăng mčah, ƀiădah tơdah boh tâo anăn lĕ ti dlông arăng, boh tâo anăn srăng bi ƀhĭ ñu.]”

Y-Yôhan 3:3

Yêsu lŏ wĭt lač kơ ñu, “Kâo lač kơ ih klei sĭt nik, tơdah sa čô amâo mâo klei lŏ bi kkiêng mrâo, ñu amâo dưi ƀuh ƀuôn ala mtao Aê Diê ôh.”

Y-Yôhan 3:5

Yêsu lŏ wĭt lač, “Kâo lač kơ ih klei sĭt nik, tơdah sa čô mnuih amâo mâo klei kkiêng hŏng êa leh anăn hŏng Mngăt Myang, ñu amâo dưi mŭt hlăm ƀuôn ala mtao Aê Diê ôh.

I Kôrantô 13:2

Tơdah kâo mâo klei dưi hưn êlâo, leh anăn thâo jih klei hgăm leh anăn mâo jih klei thâo săng, leh anăn tơdah kâo mâo jih klei đăo tơl dưi bi klưh čư̆, ƀiădah amâo mâo klei khăp ôh, kâo jing hơăi mang.

I Y-Pêtrôs 2:9

Ƀiădah diih jing sa phung găp djuê Aê Diê ruah leh, phung khua ngă yang kơ mtao, sa phung găp djuê doh jăk, phung ƀuôn sang Aê Diê pô, čiăng kơ diih dưi hưn bruă yuôm bhăn Pô iêô leh diih kbiă mơ̆ng klei mmăt truh kơ klei mngač yuôm bhăn Ñu.