Y-Mathiơ 21:22 - Klei Aê Diê Blŭ 2015

²² Ya klei diih akâo êjai wah lač, diih srăng mă tŭ jih tơdah diih mâo klei đăo.”

Y-Mathiơ 21:22 Iomraidhean Croise

Y-Mathiơ 18:19

Kâo lŏ lač kơ diih, tơdah dua čô hlăm phung diih ti lăn ala sa ai akâo ya mnơ̆ng diih čiăng, Ama Kâo hlăm adiê srăng ngă brei kơ diñu.

Y-Mathiơ 7:11

Snăn tơdah diih jing phung jhat thâo brei mnơ̆ng jăk kơ phung anak diih, ƀai hĭn Ama diih hlăm adiê srăng brei mnơ̆ng jăk kơ hlei pô akâo kơ Ñu.

Y-Mathiơ 7:7

“Akâo bĕ, leh anăn arăng srăng brei kơ diih; duah bĕ, leh anăn diih srăng ƀuh; khŏk bĕ, leh anăn arăng srăng pŏk brei kơ diih.

Y-Markôs 11:24

Kyuanăn Kâo lač kơ diih, Ya klei diih akâo êjai wah lač, đăo hĕ kơ diih mă tŭ leh klei anăn, leh anăn diih srăng mâo.

Y-Yôhan 14:13

Ya klei diih akâo hlăm anăn Kâo, Kâo srăng ngă klei anăn, čiăng kơ Ama dưi mâo klei guh kơang hlăm Anak.

Y-Yôhan 15:7

Tơdah diih dôk hlăm Kâo, leh anăn klei Kâo blŭ dôk hlăm diih, akâo bĕ ya klei diih čiăng, leh anăn arăng srăng ngă brei kơ diih.

Y-Yôhan 16:24

Truh kơ ară anei diih ka akâo ôh sa klei hlăm anăn Kâo. Akâo bĕ, leh anăn diih srăng mă tŭ, čiăng kơ klei hơ̆k mơak diih srăng jing klă ênŭm.”

Y-Yakơ 5:16

Kyua anăn bi hưn bĕ klei soh hdơ̆ng diih, leh anăn đru wah lač hdơ̆ng diih, čiăng kơ diih dưi hlao. Klei sa čô mnuih kpă wah lač mâo klei myang leh anăn klei dưi.

I Y-Yôhan 3:22

leh anăn drei mă tŭ mơ̆ng Ñu ya klei drei akâo, kyuadah drei gưt kơ klei Ñu mtă, leh anăn ngă klei bi mơak kơ Ñu.