Y-Mathiơ 21:19 - Klei Aê Diê Blŭ 2015

¹⁹ Ñu ƀuh sa ƀĕ ana boh hra ti djiêô êlan. Ñu nao kơ gơ̆, ƀiădah ƀuh knŏng hla. Ñu lač kơ gơ̆, “Mơ̆ng anei kơ anăp ih amâo srăng lŏ mboh ôh!” Bhiâo riâo rit ana boh hra krô mtam.

Y-Mathiơ 21:19 Iomraidhean Croise

Y-Êsai 5:2

Ñu klei lăn, mă hĕ boh tâo, leh anăn pla ana boh kriăk ƀâo jăk hĭn. Ñu mdơ̆ng sa boh sang tum ti krah gơ̆, leh anăn klei ƀăng djiêt boh. Ñu čang hmăng kơ gơ̆ srăng mâo boh jăk, ƀiădah mâo knŏng boh jhat.

Y-Yêrêmi 8:13

Tơdah Kâo čiăng bi kƀĭn phung ƀuôn sang Kâo, Yêhôwa lač, amâo srăng mâo ôh boh kriăk ƀâo ti phŭn gơ̆, kăn mâo boh hra rei ti ana gơ̆; wăt hla srăng krô hĕ. Ya mnơ̆ng Kâo brei leh kơ diñu, Kâo srăng sua mă mơ̆ng diñu.’ ”

Y-Mathiơ 21:20

Tơdah phung ƀĭng kna ƀuh klei anăn digơ̆ bi kngăr leh anăn lač, “Si ngă ana boh hra anei krô hĕ bhiâo hin lĕ?”

Y-Markôs 11:14

Yêsu lač kơ ana boh hra anăn, “Amâo lŏ mâo pô srăng lŏ ƀơ̆ng boh ih ôh!” Leh anăn phung ƀĭng kna Ñu hmư̆ klei anăn.

Y-Markôs 11:20

Aguah ưm, êjai diñu găn tinăn, diñu ƀuh ana boh hra anăn krô leh tơl truh ti agha gơ̆.

Y-Luk 3:9

Ară anei jông Aê Diê dưm leh ti agha kyâo; jih jang kyâo amâo mâo boh jăk ôh Aê Diê srăng druôm hĕ leh anăn hwiê hlăm pui.”

Y-Yôhan 15:2

Grăp adhan hlăm Kâo amâo mboh ôh, Ñu mă khăt hĕ, leh anăn grăp adhan mboh, Ñu lŏ mkra khăt, čiăng kơ gơ̆ dưi mboh lu hĭn.

Y-Yôhan 15:6

Tơdah sa čô mnuih amâo dôk hlăm Kâo ôh, Aê Diê hwiê ñu ti tač msĕ si arăng hwiê sa ƀĕ adhan, leh anăn ñu krô. Arăng bi kƀĭn adhan anăn leh anăn hwiê hlăm pui brei pui ƀơ̆ng jih.

II Y-Timôthê 3:5

ngă klei mpŭ knŏng ti êngao ƀiădah hngah klei myang mơ̆ng klei kkuh mpŭ anăn. Brei ih đuĕ mơ̆ng phung anăn.

Y-Tit 1:16

Diñu hưn kơ diñu thâo kral Aê Diê, ƀiădah diñu hngah Aê Diê hŏng bruă diñu ngă. Diñu jing phung arăng bi êmut, phung amâo gưt asăp ôh, leh anăn amâo dưi ngă sa mta bruă jăk ôh.

Y-Yut 1:12

Diñu jing mnơ̆ng čhŏ mrŏ hlăm klei diih huă mnăm klei khăp, êjai diñu jhŏng ƀơ̆ng mnăm hrăm mbĭt, leh anăn mĭn knŏng kơ diñu pô. Diñu jing knam amâo mâo êa ôh angĭn kpuh mđung; jing ana kyâo amâo mâo boh êjai yan hjan, djiê dua blư̆, kbuč agha leh.

Klei Bi Êdah 22:11

Brei pô ngă klei wê, ăt ngă klei wê; leh anăn pô čhŏ, brei ñu ăt jing čhŏ; pô jing kpă, brei ñu ăt ngă klei kpă; leh anăn pô jing doh jăk, brei ñu ăt jing doh jăk.”