Y-Mathiơ 21:14 - Klei Aê Diê Blŭ 2015

¹⁴ Phung bum ală leh anăn phung đŏng dlơt jơ̆ng hriê kơ Ñu hlăm Sang Kkuh Mpŭ, leh anăn Ñu bi hlao digơ̆.

Y-Mathiơ 21:14 Iomraidhean Croise

Y-Êsai 35:5

Hlăk anăn ală phung bum srăng ƀuh mngač, leh anăn knga phung kngăl srăng thâo hmư̆.

Y-Mathiơ 21:15

Ƀiădah tơdah phung knơ̆ng khua ngă yang leh anăn phung khua čih hră ƀuh klei yuôm bhăn Yêsu ngă, leh anăn hmư̆ phung hđeh ur kraih hlăm Sang Kkuh Mpŭ, “Hôsana kơ Anak Y-Đawit!” diñu ăl snăk.

Y-Mathiơ 4:23

Yêsu hiu tar ƀar čar Galilê bi hriăm hlăm sang bi kƀĭn leh anăn mtô klei mrâo mrang jăk kơ ƀuôn ala mtao, leh anăn bi hlao djăp mta klei ruă leh anăn klei djiu duam phung mnuih ƀuôn sang.

Y-Mathiơ 9:35

Yêsu hiu hlăm jih jang ƀuôn prŏng ƀuôn điêt, bi hriăm hlăm sang bi kƀĭn, leh anăn mtô klei mrâo mrang jăk kơ ƀuôn ala mtao, leh anăn bi hlao djăp mta klei ruă duam.

Bruă Phung Khua Ƀĭng Kna 10:38

si Aê Diê trôč leh êa ƀâo mngưi kơ Yêsu ƀuôn Nasaret hŏng Yang Mngăt Jăk leh anăn klei myang; si Ñu hiu ngă klei jăk leh anăn bi hlao jih jang mnuih yang jhat ktư̆ juă, kyuadah Aê Diê dôk mbĭt hŏng Ñu.