Y-Mathiơ 21:11 - Klei Aê Diê Blŭ 2015

¹¹ Phung lu lŏ wĭt lač, “Pô anei jing Yêsu, khua pô hưn êlâo mơ̆ng ƀuôn Nasaret čar Galilê.”

Y-Mathiơ 21:11 Iomraidhean Croise

Y-Mathiơ 2:23

Leh truh tinăn ñu dôk hlăm sa boh ƀuôn arăng pia ƀuôn Nasaret, čiăng bi sĭt klei phung khua pô hưn êlâo lač, “Arăng srăng pia Ñu mnuih ƀuôn Nasaret.”

Y-Mathiơ 21:10

Tơdah Ñu mŭt hlăm ƀuôn Yêrusalem, jih jang mnuih hlăm ƀuôn kdjăt leh anăn lač, “Hlei pô anei?”

Y-Mathiơ 21:26

Ƀiădah tơdah drei lač, ‘Mơ̆ng mnuih,’ drei huĭ kơ phung lu, kyuadah jih jang mnuih đăo kơ Y-Yôhan jing sa čô khua pô hưn êlâo.”

Y-Mathiơ 21:46

Diñu duah klei čiăng mă čăp Yêsu, ƀiădah diñu huĭ kơ phung lu, kyuadah digơ̆ đăo kơ Yêsu jing sa čô khua pô hưn êlâo.

Y-Markôs 6:15

Ƀiădah phung mkăn lač, “Ñu jing Y-Êli yơh.” Leh anăn phung mkăn lač, “Ñu jing sa čô khua pô hưn êlâo msĕ si sa čô khua pô hưn êlâo ênuk đưm.”

Y-Luk 13:33

Wăt tơdah snăn Kâo ăt srăng êbat nao hruê anei, mgi, leh anăn aguah dih; kyuadah amâo dưi ôh sa čô khua pô hưn êlâo djiê kbưi mơ̆ng ƀuôn Yêrusalem.’

Y-Luk 24:19

Yêsu lač kơ diñu, “Ya klei anăn?” Diñu lač kơ Yêsu, “Klei truh leh kơ Yêsu ƀuôn Nasaret; Gơ̆ jing sa čô khua pô hưn êlâo myang snăk hlăm bruă ngă leh anăn hlăm klei blŭ ti anăp Aê Diê leh anăn ti anăp jih jang phung ƀuôn sang.

Y-Luk 7:16

Jih jang mnuih huĭ sơăi, leh anăn diñu mpŭ mni kơ Aê Diê, lač, “Sa čô khua pô hưn êlâo prŏng truh leh ti krah drei,” leh anăn “Aê Diê hriê čhưn leh hŏng phung ƀuôn sang Ñu.”

Y-Luk 7:39

Êkei Pharisi pô jak Yêsu ƀuh klei anăn, ñu mĭn snei, “Tơdah êkei anei jing sa čô khua pô hưn êlâo, ñu thâo kral leh hlei mniê pô ruêh ñu anei leh anăn si gơ̆ jing, kyuadah gơ̆ jing sa čô mniê soh.”

Y-Yôhan 1:21

Leh anăn digơ̆ êmuh ñu, “Snăn si ngă, ih jing Y-Êli mơ̆?” Ñu lač, “Kâo amâo jing Y-Êli ôh.” Digơ̆ lŏ êmuh, “Ih jing khua pô hưn êlâo mơ̆?” Ñu lŏ wĭt lač, “Hơăi.”

Y-Yôhan 1:25

digơ̆ êmuh kơ Y-Yôhan, “Tơdah ih amâo jing Yang Krist ôh, kăn djŏ Y-Êli, kăn djŏ khua pô hưn êlâo rei, snăn si ih dưi ngă ƀaptem lĕ?”

Y-Yôhan 4:19

Mniê anăn lač kơ Ñu, “Khua ơi, kâo mĭn ih jing sa čô khua pô hưn êlâo.

Y-Yôhan 6:14

Tơdah phung ƀuôn sang ƀuh klei bi knăl yuôm bhăn Yêsu ngă leh, digơ̆ lač, “Sĭt nik anei jing khua pô hưn êlâo Pô brei hriê kơ lăn ala!”

Y-Yôhan 7:40

Tơdah hmư̆ klei blŭ anei, đa đa hlăm phung ƀuôn sang lač, “Sĭt nik ñu anei yơh jing khua pô hưn êlâo.”

Y-Yôhan 9:17

Snăn diñu lŏ êmuh kơ êkei bum ală, “Bi ih, si ih lač kơ ñu jing, kyuadah ñu bi mblang leh ală ih?” Gơ̆ lač, “Ñu jing sa čô khua pô hưn êlâo.”

Bruă Phung Khua Ƀĭng Kna 7:37

Y-Môis anei yơh blŭ leh kơ phung Israel snei, ‘Aê Diê srăng bi kbiă mơ̆ng phung ayŏng adei diih sa čô khua pô hưn êlâo msĕ si kâo.’