Y-Mathiơ 20:34 - Klei Aê Diê Blŭ 2015

³⁴ Hŏng klei pap Yêsu ruêh ală diñu, snăn ală diñu ƀuh mngač mtam, leh anăn diñu tui hlue Yêsu.

Y-Mathiơ 20:34 Iomraidhean Croise

Klei Mmuñ Hđăp 119:67

Êlâo kơ kâo mâo klei knap kâo wơr êlan leh, ƀiădah ară anei kâo tui hlue klei Ih blŭ.

Klei Mmuñ Hđăp 119:71

Klei kâo tŭ leh klei knap mñai jing klei jăk kơ kâo, čiăng kơ kâo dưi hriăm klei bhiăn Ih.

Klei Mmuñ Hđăp 145:8

Yêhôwa jing Pô thâo pap leh anăn Pô jăk; amâo djăl ăl ôh, leh anăn bŏ hŏng klei khăp.

Y-Mathiơ 14:14

Êjai Yêsu kbiă đĭ nao kơ hang, Ñu ƀuh lu lĭn mnuih. Ñu mâo klei pap kơ digơ̆ leh anăn bi hlao phung digơ̆ ruă duam.

Y-Mathiơ 15:32

Yêsu iêô phung ƀĭng kna Ñu hriê kơ Ñu leh anăn lač, “Kâo mâo klei pap kơ phung lu, kyuadah digơ̆ dôk leh mbĭt hŏng Kâo tlâo hruê, leh anăn amâo mâo mnơ̆ng ƀơ̆ng huă ôh. Kâo amâo čiăng brei digơ̆ wĭt tian êpa ôh, huĭdah digơ̆ djiê hwăt ktuê êlan.”

Y-Mathiơ 20:33

Diñu lač kơ Yêsu, “Ơ Khua Yang, brei ală hmei dưi ƀuh mngač.”

Y-Mathiơ 21:1

Tơdah Yêsu leh anăn phung ƀĭng kna Ñu giăm truh kơ ƀuôn Yêrusalem, truh ti ƀuôn Betphajê ti Čư̆ Ôliwơ, Yêsu tiŏ nao dua čô ƀĭng kna,

Y-Mathiơ 8:15

Yêsu ruêh ti kngan gơ̆, leh anăn gơ̆ hlao êngoh. Gơ̆ kgŭ leh anăn mă bruă đru Ñu.

Y-Mathiơ 9:29

Leh anăn Ñu ruêh ală digơ̆, lač, “Brei klei anăn truh tui si klei diih đăo.”

Y-Mathiơ 9:36

Tơdah Ñu ƀuh phung lu, Yêsu mâo klei pap kơ digơ̆, kyuadah digơ̆ jing knap mñai leh anăn klah đuĕ mdê mdê msĕ si biăp amâo mâo mgăt ôh.

Y-Markôs 7:33

Yêsu atăt pô anăn kbiă mơ̆ng phung lu nao kơ anôk hjăn, leh anăn Ñu čŭt kđiêng Ñu hlăm dua ƀăng knga gơ̆. Ñu kčuh êa bah tak ti êlah gơ̆;

Y-Luk 18:43

Gơ̆ lŏ ƀuh mngač mtam leh anăn tui hlue Yêsu bi mni kơ Aê Diê. Tơdah jih jang phung ƀuôn sang ƀuh klei anăn, diñu mpŭ mni kơ Aê Diê.

Y-Luk 22:51

Ƀiădah Yêsu lač, “Lui bĕ! Đăm lŏ koh ôh!” Yêsu ruêh knga mnuih anăn leh anăn bi hlao gơ̆.

Y-Luk 7:13

Tơdah Khua Yang ƀuh mniê anăn, Ñu mâo klei pap leh anăn lač kơ gơ̆, “Đăm hia ôh.”

Bruă Phung Khua Ƀĭng Kna 26:18

čiăng mblang ală diñu, brei diñu đuĕ mơ̆ng klei mmăt wir phă kơ klei mngač, leh anăn mơ̆ng klei myang Satan wir phă klei myang Aê Diê, čiăng kơ diñu dưi mă tŭ klei pap brei kơ klei soh leh anăn dưn ngăn mbĭt hŏng phung jing doh jăk leh hŏng klei đăo kơ Kâo.’ ”

Hêbrơ 2:17

Kyuanăn yuôm Ñu mâo klei jing msĕ si phung ayŏng adei Ñu hlăm jih jang klei, čiăng kơ Ñu dưi jing sa čô khua ngă yang prŏng thâo pap leh anăn sĭt suôr hlăm bruă Ñu mă kơ Aê Diê, čiăng ngă klei bi doh klei soh phung ƀuôn sang.

I Y-Pêtrôs 3:8

Ti knhal tuč, brei jih jang diih mâo klei mĭn bi mguôp, thâo bi săng bi pap, bi khăp hdơ̆ng ayŏng adei, mâo ai tiê jăk leh anăn klei mĭn luă gŭ.