Y-Mathiơ 20:23 - Klei Aê Diê Blŭ 2015

²³ Yêsu lač kơ digơ̆, “Diih srăng mnăm atŏ Kâo, ƀiădah klei dưi dôk gŭ tĭng hnuă amâodah tĭng điâo Kâo, Kâo amâo mâo ôh klei dưi brei klei anăn, ƀiădah klei anăn pioh kơ phung Ama Kâo mkra brei leh.”

Y-Mathiơ 20:23 Iomraidhean Croise

Y-Mathiơ 13:11

Ñu lŏ wĭt lač kơ digơ̆, “Diih mă tŭ leh klei thâo săng klei hgăm kơ ƀuôn ala mtao adiê, ƀiădah diñu amâo mâo ôh.

Y-Mathiơ 20:24

Tơdah phung pluh čô ƀĭng kna mkăn hmư̆ klei anăn, diñu ăl kơ phung dua čô ayŏng adei anăn.

Y-Mathiơ 25:34

Leh anăn Mtao srăng lač kơ phung tĭng hnuă Ñu, ‘Hriê bĕ, Ơ phung Ama Kâo hơêč hmưi leh, brei diih mă tŭ ƀuôn ala mtao mkra leh kơ diih mơ̆ng mphŭn hrih lăn ala.

Y-Markôs 10:40

Ƀiădah klei dôk gŭ tĭng hnuă Kâo amâodah tĭng điâo Kâo amâo djŏ ôh Kâo mâo klei dưi brei. Klei anăn pioh kơ hlei pô Aê Diê mkra leh.”

Bruă Phung Khua Ƀĭng Kna 12:2

Ñu bi mdjiê Y-Yakơ ayŏng Y-Yôhan hŏng đao gưm.

Hră Y-Pôl Mơĭt kơ Phung Rôm 8:17

Leh anăn tơdah drei jing phung anak, drei jing mơh phung dưn ngăn, phung dưn ngăn Aê Diê, leh anăn phung dưn ngăn mbĭt hŏng Krist, sĭt nik tơdah drei tŭ klei knap mñai mbĭt hŏng Ñu, drei srăng dưi mâo klei guh kơang mbĭt hŏng Ñu msĕ mơh.

I Kôrantô 2:9

Ƀiădah tui si Klei Aê Diê Blŭ čih leh, “Ya klei ală amâo tuôm ƀuh ôh, kăn knga tuôm hmư̆ rei, kăn ai tiê mnuih thâo săng rei, Jing klei Aê Diê mkra leh kơ phung khăp kơ Ñu,”

II Kôrantô 1:7

Klei hmei čang hmăng kơ diih amâo mgei ôh; kyuadah hmei thâo êjai diih tŭ klei knap mñai mbĭt hŏng hmei, diih srăng mâo msĕ mơh klei bi juh mbĭt hŏng hmei.

Kôlôs 1:24

Ară anei kâo hơ̆k mơak hlăm klei knap mñai kâo tŭ kyua diih, leh anăn hlăm asei mlei kâo, kâo bi ênŭm ya klei knap mñai ăt kƀah hlăm klei knap mñai Krist tŭ leh kyua asei mlei Ñu, jing Phung Sang Aê Diê.

Hêbrơ 11:16

Ƀiădah diñu čiăng mâo sa boh čar jăk hĭn, jing čar hlăm adiê. Kyuanăn Aê Diê amâo hêñ ôh arăng pia Gơ̆ jing Aê Diê diñu, kyuadah Aê Diê mkra leh kơ diñu sa boh ƀuôn prŏng.

Klei Bi Êdah 1:9

Kâo gơ̆ Y-Yôhan, ayŏng diih leh anăn pô tŭ mbĭt hŏng diih hlăm Yêsu klei knap mñai, ƀuôn ala mtao leh anăn klei gĭr. Kâo dôk ti plao êa arăng pia Patmôs kyua klei Aê Diê blŭ leh anăn klei Yêsu hưn.