Y-Mathiơ 20:21 - Klei Aê Diê Blŭ 2015

²¹ Yêsu lač kơ gơ̆, “Ya ih čiăng?” Mniê anăn lač kơ Ñu, “Brei dua čô anak êkei kâo dưi dôk gŭ sa čô tĭng hnuă, sa čô tĭng điâo Ih hlăm ƀuôn ala mtao Ih.”

Y-Mathiơ 20:21 Iomraidhean Croise

I Bruă Mtao 2:19

Snăn H'Batsêba nao kơ Mtao Salômôn čiăng blŭ kơ ñu kyua klei Y-Adônija. Mtao kgŭ čiăng bi tuôm hŏng gơ̆, leh anăn kkui kkuh ti anăp gơ̆; leh anăn ñu dôk gŭ ti jhưng mtao ñu, leh anăn brei arăng ba mdhô̆ dôk kơ amĭ mtao. Leh anăn gơ̆ dôk gŭ tĭng hnuă ñu.

I Bruă Mtao 3:5

Ti ƀuôn Gabaôn Yêhôwa bi êdah Ñu pô kơ Y-Salômôn hlăm klei êpei êjai mlam; leh anăn Aê Diê lač, “Akâo bĕ ya Kâo srăng brei kơ ih.”

H'Êsther 5:3

Mtao lač kơ ñu, “Ya klei truh, Ơ Mtao Mniê H'Êsther? Ya klei ih čiăng akâo? Kâo srăng brei kơ ih, wăt tơl sa mkrah ƀuôn ala mtao kâo.”

Klei Mmuñ Hđăp 110:1

Yêhôwa blŭ kơ Khua Yang kâo: “Dôk gŭ bĕ tĭng hnuă Kâo, tơl Kâo brei phung roh Ih jing mdhô̆ Ih trông jơ̆ng.”

Klei Mmuñ Hđăp 45:9

Mâo anak mniê phung mtao hlăm phung mniê ih mpŭ mtao mniê dôk tĭng hnuă ih, mprăp leh hŏng mah mơ̆ng Ôphir.

Y-Yêrêmi 45:5

Bi ih, ih tuôm duah klei prŏng kơ ih pô mơ̆? Đăm duah klei anăn ôh; kyuadah nĕ anei, Kâo dôk bi truh klei jhat kơ jih jang mnuih, Yêhôwa lač, ƀiădah Kâo srăng pioh ih hdĭp hlăm jih anôk ih nao.’ ”

Y-Mathiơ 18:1

Hlăk anăn phung ƀĭng kna nao kơ Yêsu leh anăn lač, “Hlei pô jing prŏng hĭn hlăm ƀuôn ala mtao adiê?”

Y-Mathiơ 19:28

Yêsu lač kơ digơ̆, “Sĭt nik Kâo lač kơ diih, hlăm ênuk lŏ bi mrâo, tơdah Anak Mnuih srăng dôk gŭ ti jhưng mtao guh kơang Ñu, diih phung tui hlue leh Kâo srăng dôk gŭ msĕ mơh ti pluh dua boh jhưng mtao, phat kđi pluh dua găp djuê phung Israel.

Y-Mathiơ 20:22

Ƀiădah Yêsu lŏ wĭt lač, “Diih amâo thâo săng ôh ya klei diih akâo. Dưi mơ̆ diih mnăm atŏ Kâo srăng mnăm?” Digơ̆ lŏ wĭt lač, “Hmei dưi mơh.”

Y-Mathiơ 20:32

Yêsu dôk hĕ, iêô diñu leh anăn lač, “Ya klei diih čiăng Kâo ngă brei kơ diih lĕ?”

Y-Markôs 10:51

Yêsu lač kơ gơ̆, “Ya klei ih čiăng Kâo ngă brei kơ ih lĕ?” Mnuih bum ală lač kơ Yêsu, “Ơ Nai, brei kâo dưi ƀuh mngač.”

Y-Markôs 16:19

Leh Khua Yang Yêsu blŭ kơ diñu, arăng pŭ ba Ñu phă adiê, leh anăn Ñu dôk gŭ tĭng hnuă kơ Aê Diê.

Y-Markôs 6:22

Kyuadah tơdah anak mniê H'Hêrôdias mŭt kdŏ, gơ̆ bi mơak kơ Hêrôt leh anăn kơ phung ñu jak. Mtao lač kơ mniê anăn, “Akâo bĕ kơ kâo ya mnơ̆ng ih čiăng leh anăn kâo srăng brei.”

Y-Luk 18:41

“Ya klei ih čiăng Kâo ngă brei kơ ih lĕ?” Gơ̆ lač, “Ơ Khua Yang, brei kâo dưi ƀuh mngač.”

Y-Luk 19:11

Êjai diñu dôk hmư̆ klei anăn, Yêsu lŏ blŭ sa klei bi hriêng, kyuadah Ñu dôk giăm ƀuôn Yêrusalem, leh anăn kyuadah diñu mĭn ƀuôn ala mtao Aê Diê srăng truh djăl.

Y-Luk 22:24

Mâo klei bi mgăl mơh hdơ̆ng phung ƀĭng kna hlei hlăm phung diñu arăng srăng yap prŏng hĭn.

Y-Yôhan 15:7

Tơdah diih dôk hlăm Kâo, leh anăn klei Kâo blŭ dôk hlăm diih, akâo bĕ ya klei diih čiăng, leh anăn arăng srăng ngă brei kơ diih.

Bruă Phung Khua Ƀĭng Kna 1:6

Snăn tơdah phung khua ƀĭng kna bi kƀĭn mbĭt hŏng Yêsu, digơ̆ êmuh kơ Ñu, “Ơ Khua Yang, djŏ mơ̆ ară anei Ih srăng lŏ mdơ̆ng ƀuôn ala mtao Israel?”

Hră Y-Pôl Mơĭt kơ Phung Rôm 12:10

Brei diih bi khăp hdơ̆ng diih msĕ si ayŏng adei; brei diih hdơr mpŭ hdơ̆ng diih.

Hră Y-Pôl Mơĭt kơ Phung Rôm 8:34

Hlei pô srăng phat kđi bi kmhal diñu? Krist Yêsu jing Pô djiê leh, wăt kbiă lŏ hdĭp leh mơh, Pô dôk tĭng hnuă kơ Aê Diê leh anăn đru wah lač brei kơ phung drei.

Kôlôs 3:1

Snăn tơdah diih kbiă lŏ hdĭp leh mbĭt hŏng Krist, duah bĕ mnơ̆ng hlăm adiê ti anôk Krist dôk gŭ leh tĭng hnuă kơ Aê Diê.