Y-Mathiơ 2:9 - Klei Aê Diê Blŭ 2015

^9-10 Leh hmư̆ klei mtao Hêrôt lač, digơ̆ đuĕ nao; leh anăn nĕ anei, mtŭ digơ̆ ƀuh hlăm čar ngŏ anăn nao êlâo ti anăp digơ̆. Tơdah digơ̆ ƀuh mtŭ anăn, digơ̆ hơ̆k mơak snăk. Mtŭ anăn nao êlâo kơ digơ̆ tơl truh leh anăn mjưh hĕ ti dlông anôk hđeh điêt anăn dôk.

Y-Mathiơ 2:9 Iomraidhean Croise

Klei Mmuñ Hđăp 25:12

Hlei mnuih huĭ mpŭ kơ Yêhôwa? Yêhôwa srăng bi hriăm ñu thâo êlan ñu srăng ruah.

Klei Bi Hriêng 8:17

Kâo khăp kơ phung khăp kơ kâo, leh anăn phung hur har duah kâo srăng ƀuh kâo.

Y-Mathiơ 2:2

“Ti anôk mtao Yuđa mrâo kkiêng? Kyuadah hmei ƀuh leh mtŭ Ñu ti ngŏ, leh anăn hmei hriê čiăng kkuh mpŭ kơ Ñu.”

Y-Mathiơ 2:8

Ñu tiŏ nao digơ̆ kơ ƀuôn Betlêhem, lač, “Nao bĕ duah bi nik hđeh điêt anăn, tơdah diih ƀuh Ñu leh, hưn brei kâo thâo, čiăng kơ kâo msĕ mơh dưi nao kkuh mpŭ kơ Ñu.”

II Y-Pêtrôs 1:19

Snăn hmei thâo klei phung khua pô hưn êlâo blŭ mâo klei jing sĭt hĭn. Jăk snăk tơdah diih răng kơ klei anăn msĕ si kơ pui kđen mtrang hlăm anôk mmăt, tơl aguah mngač truh leh anăn mtŭ tŭr ƀlĕ mtrang hlăm ai tiê diih.