Y-Mathiơ 2:6 - Klei Aê Diê Blŭ 2015

⁶ ‘Leh anăn ih, Ơ ƀuôn Betlêhem hlăm čar Yuđa, Sĭt nik amâo jing điêt hĭn ôh đơ phung ƀuôn prŏng hlăm čar Yuđa; kyuadah sa čô khua kiă kriê srăng kbiă hriê mơ̆ng ih, Ñu srăng jing mgăt biăp kơ phung ƀuôn sang Kâo Israel.’ ”

Y-Mathiơ 2:6 Iomraidhean Croise

Klei Mphŭn Dơ̆ng 49:10

Giê mtao amâo srăng đuĕ mơ̆ng Y-Yuđa ôh, kăn giê knuăk kiă kriê đuĕ rei mơ̆ng ti krah jơ̆ng ñu, tơl Pô jing năng kơ dŏ anăn truh; leh anăn kơ Ñu yơh phung ƀuôn sang srăng gưt asăp.

II Y-Samuel 5:2

Mphŭn dô tơdah Y-Sôl jing mtao kơ drei, jing ih yơh atăt kbiă leh anăn ba wĭt phung Israel; leh anăn Yêhôwa lač leh kơ ih, ‘Ih srăng jing mgăt biăp kơ phung ƀuôn sang Kâo Israel, leh anăn ih srăng jing khua kơ phung Israel.’ ”

I Klei Yăl Dliê 2:51

Y-Salma ama kơ Y-Betlêhem, leh anăn Y-Harep ama kơ Y-Bet-Gader.

I Klei Yăl Dliê 5:2

wăt tơdah Y-Yuđa jing ktang ti krah phung ayŏng adei ñu leh anăn mâo sa čô khua kiă kriê kbiă hriê mơ̆ng ñu, ƀiădah klei jing ayŏng khua djŏ kơ Y-Yôsep),

Y-Êsra 2:21

Djuê Betlêhem mâo sa êtuh dua pluh tlâo čô.

Y-Êsai 40:11

Ñu srăng čiêm jih jang biăp Ñu msĕ si sa čô mgăt biăp; Ñu srăng kmiêk êđai biăp hlăm păl Ñu, pŭ digơ̆ ti đah da Ñu, leh anăn Ñu srăng atăt hŏng klei čung biăp ana bi mam êđai.

Y-Mika 5:2

Ƀiădah ih, Ơ ƀuôn Betlêhem Êphrata, wăt tơdah ih jing ƀuôn điêt ti krah phung găp djuê čar Yuđa, mơ̆ng ih srăng kbiă hriê kơ Kâo sa čô srăng jing khua gai gĭt hlăm phung Israel, Pô mâo phŭn mơ̆ng ênuk đưm, mơ̆ng ênuk hlŏng lar.

Klei Yap 24:19

Sa čô mơ̆ng phung Yakôp srăng kiă kriê leh anăn srăng bi rai hlei pô tlaih leh mơ̆ng ƀuôn prŏng.”

Y-Mathiơ 2:1

Leh H'Mari kkiêng kơ Yêsu ti ƀuôn Betlêhem hlăm čar Yuđa ênuk mtao Hêrôt, nĕ anei mâo phung knhâo mơ̆ng čar Ngŏ truh ti ƀuôn Yêrusalem leh anăn êmuh,

Y-Mathiơ 28:18

Yêsu nao giăm diñu leh anăn lač, “Jih jang klei dưi hlăm adiê leh anăn ti lăn ala arăng jao leh kơ Kâo.

Y-Yôhan 21:16

Yêsu lŏ lač kơ ñu tal dua, “Ơ Y-Simôn anak Y-Yônas, ih khăp kơ Kâo mơ̆?” Y-Pêtrôs lač kơ Gơ̆, “Ơ Khua Yang, Ih thâo leh kâo khăp kơ Ih.” Yêsu lač kơ ñu, “Čiêm bĕ phung biăp Kâo.”

Y-Yôhan 7:42

Amâo djŏ hĕ Klei Aê Diê Blŭ lač leh kơ Yang Krist jing anak čô Y-Đawit, leh anăn kbiă hriê mơ̆ng ƀuôn Betlêhem, ƀuôn Y-Đawit dôk leh?”

Êphêsô 1:22

Ñu dưm leh jih jang mnơ̆ng ti gŭ jơ̆ng Krist leh anăn brei Gơ̆ jing akŏ kơ jih jang mnơ̆ng kơ Phung Sang Aê Diê.

Kôlôs 1:18

Ñu jing boh kŏ kơ asei mlei, čiăng lač Phung Sang Aê Diê. Ñu jing klei mphŭn dơ̆ng, Pô kkiêng êlâo hĭn mơ̆ng phung djiê, čiăng kơ Ñu dưi jing khua hlăm jih jang mnơ̆ng.

Hêbrơ 7:14

Kyuadah sĭt nik Khua Yang drei kbiă hriê mơ̆ng găp djuê Yuđa, kơ găp djuê anăn Y-Môis amâo tuôm blŭ ôh kơ bruă khua ngă yang.

Klei Bi Êdah 11:15

Leh anăn dĭng buăl jăk tal kjuh ayŭ ki ñu, leh anăn mâo hlăm adiê lu asăp kraih lač, “Ƀuôn ala mtao lăn ala jing leh ƀuôn ala mtao Khua Yang drei leh anăn Krist Ñu, leh anăn Ñu srăng kiă kriê hlăm jih jang ênuk.”

Klei Bi Êdah 2:27

Ñu srăng kiă kriê digơ̆ hŏng giê msei, msĕ si arăng bi mčah gŏ ngă hŏng lŭ, msĕ si Kâo pô mă tŭ leh klei dưi mơ̆ng Ama Kâo;

Klei Bi Êdah 7:17

Kyuadah Êđai Biăp dôk ti krah jhưng mtao srăng jing mgăt diñu, leh anăn Ñu srăng atăt diñu kơ akŏ êa hdĭp; leh anăn Aê Diê srăng sut jih êa ală mơ̆ng ală diñu.”