Y-Mathiơ 2:4 - Klei Aê Diê Blŭ 2015

⁴ Ñu bi kƀĭn jih jang phung knơ̆ng khua ngă yang wăt phung khua čih hră leh anăn êmuh kơ digơ̆ ti anôk arăng kkiêng kơ Krist.

Y-Mathiơ 2:4 Iomraidhean Croise

II Klei Yăl Dliê 34:13

jing khua kơ phung kkung mnơ̆ng ktrŏ leh anăn atăt gai jih jang phung mă bruă djăp mta; leh anăn đa đa phung Lêwi jing phung čih hră, phung khua, leh anăn phung kiă ƀăng jang.

II Klei Yăl Dliê 34:15

Y-Hilkia lač kơ Y-Saphan khua čih hră, “Kâo ƀuh leh hdruôm hră klei bhiăn hlăm sang yang Yêhôwa;” leh anăn Y-Hilkia brei hdruôm hră anăn kơ Y-Saphan.

II Klei Yăl Dliê 36:14

Jih jang phung knơ̆ng khua ngă yang leh anăn phung ƀuôn sang msĕ mơh amâo dôk sĭt suôr ôh, tui hlue jih klei jhat Yêhôwa bi êmut phung găp djuê mkăn ngă leh; leh anăn diñu bi čhŏ sang yang Yêhôwa, sang yang Yêhôwa brei arăng mpŭ hlăm ƀuôn Yêrusalem.

Y-Êsra 10:5

Snăn Y-Êsra kgŭ leh anăn brei phung knơ̆ng khua ngă yang, phung Lêwi, leh anăn jih jang phung Israel kat asei kơ diñu srăng ngă tui si klei lač leh. Snăn diñu kat asei yơh.

Y-Êsra 7:6

Y-Êsra anei hriê mơ̆ng čar Ƀaƀilôn. Ñu jing sa čô khua čih hră knhâo hlăm klei bhiăn Y-Môis Yêhôwa Aê Diê phung Israel brei leh; leh anăn mtao brei kơ ñu jih mnơ̆ng ñu akâo, kyuadah kngan Yêhôwa Aê Diê ñu dôk ti ñu.

Y-Nêhêmi 12:7

Y-Salu, Y-Amôk, Y-Hilkia, Y-Jêdaya. Anăn jing phung khua kơ phung khua ngă yang leh anăn kơ phung ayŏng adei diñu hlăm ênuk Y-Jêsua.

Klei Mmuñ Hđăp 2:2

Phung mtao lăn ala kgŭ, leh anăn phung khua bi trông čhai, čiăng bi kdơ̆ng hŏng Yêhôwa leh anăn hŏng pô ñu trôč leh êa ƀâo mngưi.

Y-Yêrêmi 8:8

Si diih dưi lač, “Hmei jing thâo mĭn, leh anăn klei bhiăn Yêhôwa dôk mbĭt hŏng hmei?” Ƀiădah nĕ anei, phung khua čih hră čih klei luar.

Y-Malaki 2:7

Kyuadah jing djŏ kơ kƀuê sa čô khua ngă yang srăng pioh klei thâo mĭn, leh anăn arăng srăng duah klei bi hriăm mơ̆ng ƀăng êgei ñu, kyuadah ñu yơh jing pô Yêhôwa kơ phung kahan tiŏ hriê hưn.

Y-Mathiơ 13:52

Leh anăn Yêsu lač kơ digơ̆, “Snăn grăp čô khua čih hră arăng bi hriăm leh pioh kơ ƀuôn ala mtao adiê jing msĕ si sa čô khua sang bi kbiă mnơ̆ng mrâo wăt mnơ̆ng hđăp mơ̆ng adŭ ngăn drăp ñu.”

Y-Mathiơ 2:3

Tơdah mtao Hêrôt hmư̆ klei anăn, ñu leh anăn jih jang ƀuôn Yêrusalem mâo klei rŭng răng.

Y-Mathiơ 2:5

Digơ̆ lač kơ ñu, “Ti ƀuôn Betlêhem hlăm čar Yuđa, kyuadah khua pô hưn êlâo čih leh snei:

Y-Mathiơ 21:15

Ƀiădah tơdah phung knơ̆ng khua ngă yang leh anăn phung khua čih hră ƀuh klei yuôm bhăn Yêsu ngă, leh anăn hmư̆ phung hđeh ur kraih hlăm Sang Kkuh Mpŭ, “Hôsana kơ Anak Y-Đawit!” diñu ăl snăk.

Y-Mathiơ 21:23

Êjai Yêsu mŭt hlăm Sang Kkuh Mpŭ, phung knơ̆ng khua ngă yang leh anăn phung khua mduôn hriê lač kơ Ñu êjai Ñu dôk mtô, “Hŏng ya klei dưi Ih ngă klei anei? Leh anăn hlei pô brei kơ Ih klei dưi anăn?”

Y-Mathiơ 26:3

Hlăk anăn phung knơ̆ng khua ngă yang leh anăn phung khua mduôn hlăm phung ƀuôn sang bi kƀĭn hlăm sang khua ngă yang prŏng Y-Kaip,

Y-Mathiơ 26:47

Êjai Ñu ăt dôk blŭ, Y-Yuđas, sa čô hlăm phung pluh dua čô, hriê mbĭt hŏng phung lu djă đao gưm leh anăn giê mơ̆ng phung knơ̆ng khua ngă yang leh anăn phung khua mduôn hlăm phung ƀuôn sang.

Y-Mathiơ 27:1

Tơdah truh aguah jih jang phung knơ̆ng khua ngă yang leh anăn phung khua mduôn hlăm phung ƀuôn sang bi trông čhai ngă kơ Yêsu čiăng bi mdjiê Gơ̆.

Y-Mathiơ 7:29

kyuadah Ñu mtô kơ digơ̆ hŏng klei kơhưm, amâo djŏ msĕ si phung khua čih hră digơ̆ ôh.

Y-Markôs 8:31

Yêsu dơ̆ng mtô kơ diñu klei Anak Mnuih srăng tŭ lu klei knap mñai, leh anăn phung khua mduôn, phung knơ̆ng khua ngă yang, leh anăn phung khua čih hră srăng hngah kơ Ñu leh anăn bi mdjiê Ñu, leh anăn tlâo hruê êdei Ñu srăng kbiă lŏ hdĭp.

Y-Luk 20:19

Phung knơ̆ng khua ngă yang leh anăn phung khua čih hră duah klei dưi mă čăp Yêsu ti mông anăn mtam, kyuadah diñu thâo săng leh Yêsu blŭ klei bi hriêng anăn djŏ kơ diñu; ƀiădah diñu huĭ kơ phung ƀuôn sang;.

Y-Luk 23:10

Phung knơ̆ng khua ngă yang leh anăn phung khua čih hră dôk giăm kčŭt kơ Yêsu ktang snăk.

Y-Yôhan 18:3

Snăn Y-Yuđas atăt sa phung kahan Rôm mbĭt hŏng đa đa phung kahan kiă mơ̆ng phung knơ̆ng khua ngă yang leh anăn phung Pharisi, nao tinăn djă pui kđen, pui kƀong, leh anăn mnơ̆ng bi blah.

Y-Yôhan 3:10

Yêsu lŏ wĭt lač kơ ñu, “Ih jing nai prŏng kơ phung Israel, ƀiădah ih amâo thâo săng ôh klei anei!

Y-Yôhan 7:32

Phung Pharisi hmư̆ phung lu blŭ mhač djŏ kơ Gơ̆. Snăn diñu leh anăn phung knơ̆ng khua ngă yang tiŏ nao phung khua kahan mă čăp Gơ̆.

Y-Yôhan 8:3

Phung khua čih hră leh anăn phung Pharisi atăt ba sa čô mniê arăng mâo mă êjai gơ̆ tlĕ piu, dưm gơ̆ ti krah phung lu,

Bruă Phung Khua Ƀĭng Kna 23:9

Snăn mâo klei hao hao prŏng; leh anăn mâo đa đa phung khua čih hră hlăm phung Pharisi kgŭ leh anăn bi mgăl, “Hmei amâo ƀuh ôh sa mta klei soh hlăm mnuih anei. Năng ai yang amâodah dĭng buăl jăk blŭ leh kơ ñu he?”

Bruă Phung Khua Ƀĭng Kna 4:5

Aguah mgi phung khua diñu, phung khua mduôn, leh anăn phung khua čih hră bi kƀĭn ti ƀuôn Yêrusalem,

Bruă Phung Khua Ƀĭng Kna 6:12

Diñu mčhur phung ƀuôn sang, phung khua mduôn, leh anăn phung khua čih hră. Diñu hriê mă čăp Y-Êtiên leh anăn atăt ba gơ̆ ti anăp phung khua phat kđi.