Y-Mathiơ 2:23 - Klei Aê Diê Blŭ 2015

²³ Leh truh tinăn ñu dôk hlăm sa boh ƀuôn arăng pia ƀuôn Nasaret, čiăng bi sĭt klei phung khua pô hưn êlâo lač, “Arăng srăng pia Ñu mnuih ƀuôn Nasaret.”

Y-Mathiơ 2:23 Iomraidhean Croise

Klei Yap 6:13

Anei klei bhiăn kơ mnuih Nasirê, tơdah bi ruê̆ leh hruê kơ klei pioh brei ñu pô: arăng srăng atăt ba ñu kơ ƀăng bhă sang čhiăm klei bi kƀĭn,

Y-Mathiơ 1:22

Jih jang klei anăn truh čiăng bi sĭt klei Khua Yang blŭ leh hŏng ƀăng êgei khua pô hưn êlâo:

Y-Mathiơ 21:11

Phung lu lŏ wĭt lač, “Pô anei jing Yêsu, khua pô hưn êlâo mơ̆ng ƀuôn Nasaret čar Galilê.”

Y-Mathiơ 26:71

Êjai ñu đuĕ nao kơ ƀăng jang, sa čô dĭng buăl mniê mkăn ƀuh ñu, leh anăn lač kơ phung dôk giăm tinăn, “Êkei anei dôk leh mbĭt hŏng Yêsu ƀuôn Nasaret.”

Y-Markôs 1:24

leh anăn gơ̆ ur snei, “Ơ Yêsu ƀuôn Nasaret, ya klei Ih mâo hŏng hmei? Ih hriê bi rai hmei hĕ? Kâo thâo leh hlei Ih jing, Pô Doh Jăk mơ̆ng Aê Diê.”

Y-Markôs 1:9

Hlăk anăn Yêsu hriê mơ̆ng ƀuôn Nasaret čar Galilê, leh anăn Y-Yôhan ngă ƀaptem kơ Ñu hlăm êa krông Yurdan.

Y-Luk 1:26

Năm mlan êdei, Aê Diê tiŏ nao dĭng buăl jăk Ñu Gabriel kơ sa boh ƀuôn hlăm čar Galilê bi anăn ƀuôn Nasaret,

Y-Luk 18:37

Diñu lač kơ gơ̆, “Yêsu ƀuôn Nasaret găn tinei.”

Y-Luk 2:39

Leh diñu ngă jih tui si klei bhiăn Khua Yang, diñu lŏ wĭt kơ čar Galilê kơ ƀuôn diñu pô, ƀuôn Nasaret.

Y-Yôhan 18:5

Diñu lŏ wĭt lač kơ Gơ̆, “Yêsu ƀuôn Nasaret.” Yêsu lač kơ diñu, “Kâo gơ̆ yơh.” Y-Yuđas, pô lhiăr kơ Gơ̆, dôk mbĭt hŏng diñu.

Y-Yôhan 18:7

Yêsu lŏ êmuh kơ diñu, “Hlei diih duah?” Diñu lač, “Yêsu ƀuôn Nasaret.”

Y-Yôhan 19:19

Aê Pilat čih ti sa pŏk mdhă leh anăn dưm ti dlông kyâo bi kal. Hră anăn čih snei, “Yêsu Ƀuôn Nasaret, Mtao Phung Yuđa.”

Bruă Phung Khua Ƀĭng Kna 2:22

Ơ phung Israel, hmư̆ bĕ klei blŭ anei: Yêsu ƀuôn Nasaret, Pô Aê Diê hưn bi sĭt leh klei Ñu jing ti anăp diih hŏng bruă myang, klei yuôm bhăn, leh anăn klei bi knăl yuôm Aê Diê yua Ñu ngă ti krah diih, msĕ si diih pô thâo leh —

Bruă Phung Khua Ƀĭng Kna 24:5

Kyuadah hmei ƀuh êkei anei jing klei ruă tưp, sa čô bi rŭng jih jang phung Yuđa tar ƀar lăn ala, sa čô khua kơ phung Nasaret.

Phung Khua Phat Kđi 13:5

kyuadah nĕ anei, ih srăng ba tian leh anăn kkiêng kơ sa čô anak êkei. Amâo dưi brei mta dhŏng kuêh boh kŏ ñu ôh, kyuadah anak anăn srăng jing sa čô Nasirê kơ Aê Diê mơ̆ng hruê ih kkiêng kơ ñu; leh anăn ñu srăng dơ̆ng bi mtlaih phung Israel mơ̆ng kngan phung Philistin.”

I Y-Samuel 1:11

Ñu blŭ klei ƀuăn leh anăn lač, “Ơ Yêhôwa kơ phung kahan, tơdah sĭt nik Ih srăng dlăng kơ klei knap mñai dĭng buăl mniê Ih leh anăn hdơr kơ kâo, leh anăn amâo wơr bĭt ôh dĭng buăl mniê Ih, ƀiădah srăng brei kơ dĭng buăl mniê Ih sa čô anak êkei, snăn kâo srăng brei gơ̆ kơ Yêhôwa jih jang hruê gơ̆ dôk hdĭp, leh anăn arăng amâo srăng kuêh ƀŭk gơ̆ ôh.”