Y-Mathiơ 2:22 - Klei Aê Diê Blŭ 2015

²² Ƀiădah tơdah ñu hmư̆ kơ Y-Arkêlôs kiă kriê čar Yuđa čuê ama ñu mtao Hêrôt, Y-Yôsep huĭ wĭt tinăn; leh anăn kyuadah Aê Diê lŏ hưn kơ ñu hlăm klei êpei, snăn ñu đuĕ nao kơ čar Galilê.

Y-Mathiơ 2:22 Iomraidhean Croise

Klei Mmuñ Hđăp 121:8

Yêhôwa srăng kiă kriê klei ih kbiă leh anăn klei ih wĭt, mơ̆ng ară anei hlŏng lar.

Klei Mmuñ Hđăp 48:14

Kyuadah Aê Diê anei jing Aê Diê drei nanao hlŏng lar, Ñu srăng jing Pô atăt gai hmei hlŏng lar.

Klei Mmuñ Hđăp 73:24

Ih atăt kâo hŏng klei Ih kčĕ, leh anăn êdei Ih srăng jum kâo hlăm klei guh kơang.

Y-Êsai 30:21

Tơdah diih srăng weh tĭng hnuă amâodah tĭng điâo, knga diih srăng hmư̆ ti tluôn diih asăp lač, “Nĕ anei êlan, êbat tinei.”

Y-Mathiơ 1:20

Ƀiădah êjai ñu mĭn snăn, nĕ anei mâo sa čô dĭng buăl jăk Khua Yang bi êdah kơ ñu hlăm klei êpei, lač, “Ơ Y-Yôsep, anak čô Y-Đawit, đăm huĭ ôh mă H'Mari jing mô̆ ih, kyuadah gơ̆ ba tian kơ anak anăn hŏng Yang Mngăt Jăk.

Y-Mathiơ 2:1

Leh H'Mari kkiêng kơ Yêsu ti ƀuôn Betlêhem hlăm čar Yuđa ênuk mtao Hêrôt, nĕ anei mâo phung knhâo mơ̆ng čar Ngŏ truh ti ƀuôn Yêrusalem leh anăn êmuh,

Y-Mathiơ 2:19

Leh mtao Hêrôt djiê, sa čô dĭng buăl jăk Khua Yang bi êdah hlăm klei êpei kơ Y-Yôsep ti čar Êjip, lač,

Y-Mathiơ 2:21

Y-Yôsep kgŭ, mă hđeh điêt leh anăn amĭ Gơ̆, leh anăn lŏ wĭt kơ čar Israel.

Y-Mathiơ 3:13

Hlăk anăn Yêsu kbiă mơ̆ng čar Galilê nao kơ Y-Yôhan ti êa krông Yurdan, čiăng kơ Y-Yôhan ngă ƀaptem kơ Ñu.

Y-Luk 2:39

Leh diñu ngă jih tui si klei bhiăn Khua Yang, diñu lŏ wĭt kơ čar Galilê kơ ƀuôn diñu pô, ƀuôn Nasaret.

Y-Yôhan 7:52

Phung Pharisi lŏ wĭt lač, “Ih msĕ mơ̆ jing sa čô mnuih mơ̆ng čar Galilê? Ksiêm bĕ Klei Aê Diê Blŭ leh anăn ih srăng thâo amâo mâo ôh sa čô khua pô hưn êlâo kbiă hriê mơ̆ng čar Galilê.” [

I Y-Samuel 16:2

Y-Samuel lač, “Si kâo dưi nao lĕ? Tơdah Y-Sôl hmư̆ klei anăn ñu srăng bi mdjiê kâo.” Yêhôwa lač, “Đoh ba mbĭt hŏng ih sa drei êmô ana ra, leh anăn lač, ‘Kâo hriê čiăng ngă yang kơ Yêhôwa.’