Y-Mathiơ 2:20 - Klei Aê Diê Blŭ 2015

²⁰ “Kgŭ bĕ, mă hđeh điêt leh anăn amĭ Gơ̆, leh anăn wĭt kơ čar Israel, kyuadah phung čiăng bi mdjiê hđeh điêt anăn djiê leh.”

Y-Mathiơ 2:20 Iomraidhean Croise

I Bruă Mtao 11:21

Ƀiădah tơdah Y-Hadat hmư̆ hlăm čar Êjip Y-Đawit djiê đuĕ nao dôk leh mbĭt hŏng phung aê gơ̆, leh anăn Y-Jôap khua kơ phung kahan djiê leh, Y-Hadat lač kơ Pharaôn, “Brei kâo đuĕ nao kơ čar kâo pô.”

I Bruă Mtao 11:40

Snăn Y-Salômôn duah bi mdjiê Y-Jêrôbôam; ƀiădah Y-Jêrôbôam kgŭ leh anăn đuĕ kơ čar Êjip kơ Y-Sisak mtao čar Êjip, leh anăn dôk hlăm čar Êjip tơl Y-Salômôn djiê.

Klei Kbiă 4:19

Yêhôwa lač kơ Y-Môis hlăm čar Madian, “Lŏ wĭt bĕ kơ čar Êjip; kyuadah jih jang mnuih čiăng ngă kơ ih djiê leh.”

Y-Mathiơ 2:13

Leh phung knhâo đuĕ wĭt, nĕ anei mâo sa čô dĭng buăl jăk Khua Yang bi êdah hlăm klei êpei kơ Y-Yôsep leh anăn lač, “Kgŭ bĕ ih, mă hđeh điêt leh anăn amĭ Gơ̆, đuĕ kơ čar Êjip, leh anăn dôk tinăn tơl kâo srăng lŏ hưn kơ ih; kyuadah mtao Hêrôt dơ̆ng duah hđeh điêt čiăng bi mdjiê hĕ Gơ̆.”

Y-Mathiơ 2:19

Leh mtao Hêrôt djiê, sa čô dĭng buăl jăk Khua Yang bi êdah hlăm klei êpei kơ Y-Yôsep ti čar Êjip, lač,

Y-Mathiơ 2:21

Y-Yôsep kgŭ, mă hđeh điêt leh anăn amĭ Gơ̆, leh anăn lŏ wĭt kơ čar Israel.