Y-Mathiơ 2:2 - Klei Aê Diê Blŭ 2015

² “Ti anôk mtao Yuđa mrâo kkiêng? Kyuadah hmei ƀuh leh mtŭ Ñu ti ngŏ, leh anăn hmei hriê čiăng kkuh mpŭ kơ Ñu.”

Y-Mathiơ 2:2 Iomraidhean Croise

Klei Mmuñ Hđăp 2:6

“Kâo mdơ̆ng leh Mtao Kâo ti dlông Siôn, čư̆ doh jăk Kâo.”

Klei Mmuñ Hđăp 45:11

Mtao srăng khăp kơ klei siam ih. Kyuadah ñu jing khua ih, buôn kkuh bĕ kơ ñu.

Y-Êsai 60:3

Phung găp djuê mnuih srăng hriê kơ klei mngač ih, leh anăn phung mtao kơ klei kmlăi klei ih mtrang aguah ưm.

Y-Yêrêmi 23:5

“Nĕ anei, hruê srăng truh,” Yêhôwa lač, “Tơdah Kâo srăng bi čăt kơ Y-Đawit sa ƀĕ Adhan Kpă, leh anăn Gơ̆ srăng jing mtao kiă kriê leh anăn ngă hŏng klei thâo mĭn, leh anăn srăng ngă klei kpă ênô leh anăn klei djŏ hlăm čar.

Y-Yêrêmi 30:9

Ƀiădah diñu srăng mă bruă kơ Yêhôwa Aê Diê diñu leh anăn Y-Đawit mtao diñu, pô Kâo srăng bi kbiă kơ diñu.’

Y-Sakari 9:9

Hơ̆k kdơ̆k êdi bĕ, Ơ Anak Mniê Ƀuôn Siôn! Ur driâo bĕ, Ơ anak mniê ƀuôn Yêrusalem! Nĕ anei, mtao ih hriê kơ ih, Ñu kpă ênô leh anăn mâo klei bi mtlaih, luă gŭ đĭ sa drei aseh dliê, sa drei êđai aseh dliê.

Klei Yap 24:17

Kâo ƀuh ñu, ƀiădah amâo djŏ ară anei ôh; kâo dlăng kơ ñu, ƀiădah amâo djŏ giăm ôh. Sa asăr mtŭ srăng ƀlĕ mơ̆ng phung Yakôp, leh anăn sa ƀĕ giê mtao srăng kbiă mơ̆ng phung Israel. Ñu srăng bi mčah adhei čar Môap, leh anăn bi êbuh jih jang phung anak êkei Y-Set.

Y-Mathiơ 2:3

Tơdah mtao Hêrôt hmư̆ klei anăn, ñu leh anăn jih jang ƀuôn Yêrusalem mâo klei rŭng răng.

Y-Mathiơ 21:5

“Hưn bĕ kơ anak mniê ƀuôn Siôn, Nĕ anei, mtao ih hriê kơ ih, hŏng klei luă gŭ đĭ aseh dliê, đĭ êđai aseh dliê, êđai sa drei ana.”

Y-Mathiơ 27:11

Yêsu dôk ti anăp khua čar; leh anăn khua čar êmuh kơ Ñu, “Djŏ mơ̆ ih jing Mtao phung Yuđa?” Yêsu lač kơ gơ̆, “Djŏ si ih lač leh.”

Y-Luk 19:38

Diñu lač, “Aê Diê hơêč hmưi kơ Mtao hriê hlăm anăn Khua Yang! Brei mâo klei êđăp ênang hlăm adiê leh anăn klei guh kơang kơ Pô Ti Dlông Hĭn!”

Y-Luk 2:11

kyuadah hruê anei hlăm ƀuôn Y-Đawit arăng kkiêng leh kơ diih sa čô Pô Bi Mtlaih, jing Krist Khua Yang.

Y-Luk 23:3

Aê Pilat êmuh kơ Yêsu, “Ih jing Mtao phung Yuđa mơ̆?” Yêsu lŏ wĭt lač kơ ñu, “Ih yơh lač leh klei anăn.”

Y-Luk 23:38

Msĕ mơh mâo sa klei čih ti dlông boh kŏ Ñu arăng čih snei: “Anei jing Mtao Phung Yuđa.”

Y-Yôhan 1:49

Y-Natanel lŏ wĭt lač kơ Yêsu, “Ơ Nai, Ih jing Anak Aê Diê! Ih jing Mtao phung Israel!”

Y-Yôhan 12:13

Snăn diñu mă adhan ana guôl leh anăn nao drông Yêsu, êjai ur lač, “Hôsana!, mpŭ mni kơ Pô hriê hlăm anăn Khua Yang, jing Mtao phung Israel!”

Y-Yôhan 18:37

Aê Pilat lač kơ Yêsu, “Snăn ih jing mtao hĕ?” Yêsu lŏ wĭt lač, “Ih lač djŏ leh Kâo jing sa čô mtao. Kyua klei anăn arăng kkiêng leh kơ Kâo, leh anăn kyua klei anăn Kâo hriê leh hlăm lăn ala, čiăng hưn klei sĭt nik. Grăp čô hlei pô kbiă mơ̆ng klei sĭt nik hmư̆ asăp Kâo.”

Y-Yôhan 19:19

Aê Pilat čih ti sa pŏk mdhă leh anăn dưm ti dlông kyâo bi kal. Hră anăn čih snei, “Yêsu Ƀuôn Nasaret, Mtao Phung Yuđa.”

Y-Yôhan 20:28

Y-Thômas lŏ wĭt lač kơ Ñu, “Ơ Khua Yang kâo leh anăn Aê Diê kâo!”

Y-Yôhan 5:23

čiăng kơ jih jang srăng mpŭ kơ Anak, msĕ si diñu mpŭ kơ Ama. Hlei pô amâo mpŭ kơ Anak, kăn mpŭ rei kơ Ama, Pô tiŏ hriê Gơ̆.

Y-Yôhan 9:38

Gơ̆ lač, “Ơ Khua Yang, kâo đăo yơh.” Leh anăn gơ̆ buôn kkuh ti anăp Yêsu.

Hêbrơ 1:6

Leh anăn tơdah Ñu brei Anak kkiêng tal êlâo mŭt hlăm lăn ala, Ñu lač, “Brei jih jang phung dĭng buăl jăk Aê Diê kkuh mpŭ kơ Gơ̆.”

Klei Bi Êdah 22:16

“Kâo gơ̆, Yêsu, tiŏ nao leh dĭng buăl jăk Kâo kơ ih djă ba klei hưn anei kơ Phung Sang Aê Diê. Kâo jing kƀiêng leh anăn čô Y-Đawit, mtŭ tŭr mngač aguah.”