Y-Mathiơ 2:18 - Klei Aê Diê Blŭ 2015

¹⁸ “Arăng hmư̆ klei ur hlăm ƀuôn Rama, mâo klei ur krao leh anăn klei čŏk hia; H'Račel dôk čŏk hia kơ phung anak ñu. Ñu amâo tŭ ôh klei arăng čiăng bi juh ñu, kyuadah digơ̆ djiê leh jih.”

Y-Mathiơ 2:18 Iomraidhean Croise

Klei Mphŭn Dơ̆ng 37:30

Ñu wĭt kơ phung adei ñu leh anăn lač, “Êkei hlăk ai amâo lŏ ƀuh tinăn ôh, leh anăn ti kâo srăng nao?”

Klei Mphŭn Dơ̆ng 42:36

Y-Yakôp ama diñu lač, “Diih bi luč phung anak kâo. Y-Yôsep luč leh, Y-Simêôn luč leh, leh anăn ară anei diih čiăng mă Y-Benjamin. Jih klei dleh anei truh kơ kâo.”

Y-Yôp 14:10

Ƀiădah mnuih djiê, leh anăn arăng dơr ñu; mnuih tuč êwa, leh anăn amâo lŏ dôk ôh.

Y-Yêrêmi 31:15

Snei Yêhôwa lač: “Hlăm ƀuôn Rama arăng hmư̆ asăp klei čŏk hia ênguôt, H'Račel dôk hia kyua phung anak ñu; ñu amâo tŭ ôh klei arăng bi juh ñu kyuadah phung anak ñu amâo lŏ dôk hdĭp ôh.”

Y-Yêrêmi 4:31

Kyuadah kâo hmư̆ asăp ur msĕ si sa čô mniê dôk đih pui, klei ruă msĕ si sa čô mniê dôk kkiêng anak tal êlâo, asăp anak mniê ƀuôn Siôn dôk hia ƀhŏk ƀhưn, êjai yơr kngan ñu, “Knap mñai yơh kâo! Mngăt kâo djiê hwăt, ti anăp phung bi mdjiê mnuih.”

Y-Êsêkiêl 2:10

Ñu pŏk hră anăn ti anăp kâo; leh anăn hră anăn mâo klei čih ti nah dlông leh anăn ti nah gŭ, leh anăn arăng čih leh tinăn klei blŭ čŏk hia, klei kơŭ kyăm, leh anăn klei knap mñai.

Y-Mathiơ 2:17

Snăn bi sĭt leh klei khua pô hưn êlâo Y-Yêrêmi lač:

Y-Luk 8:52

Jih jang hia leh anăn čŏk ênguôt kơ mniê anăn. Ƀiădah Yêsu lač, “Đăm čŏk hia ôh, kyuadah gơ̆ amâo djiê ôh, ƀiădah gơ̆ pĭt.”

Klei Bi Êdah 8:13

Kâo dlăng leh anăn kâo hmư̆ sa drei tlang êjai ñu phiơr ti krah adiê ur kraih snei, “Knap mñai, knap mñai, knap mñai yơh kơ phung dôk ti lăn ala tơdah hmư̆ asăp ki mkăn tlâo čô dĭng buăl jăk srăng ayŭ!”