Y-Mathiơ 19:9 - Klei Aê Diê Blŭ 2015

⁹ Leh anăn Kâo lač kơ diih, hlei pô lui mô̆ ñu tơdah gơ̆ amâo tuôm tlĕ piu ôh leh anăn lŏ dôk mniê mkăn, ñu tlĕ piu yơh.”

Y-Mathiơ 19:9 Iomraidhean Croise

Klei Mphŭn Dơ̆ng 20:3

Ƀiădah êjai mlam Aê Diê bi êdah hlăm klei êpei kơ Y-Abimêlek, leh anăn lač kơ ñu, “Nĕ anei, ih srăng djiê kyua mniê ih mă leh, kyuadah gơ̆ jing mô̆ arăng.”

II Klei Yăl Dliê 21:11

Êbeh kơ anăn ñu ngă anôk dlông hlăm čar kngư Yuđa, leh anăn atăt phung dôk hlăm ƀuôn Yêrusalem kơ klei amâo dôk sĭt suôr, leh anăn brei phung Yuđa klah đuĕ mơ̆ng êlan Aê Diê.

Y-Yêrêmi 3:1

“Tơdah sa čô êkei lui mô̆ ñu, leh anăn gơ̆ đuĕ mơ̆ng ñu leh anăn jing mô̆ kơ êkei mkăn, si ngă, ñu srăng lŏ wĭt dôk mniê anăn mơ̆? Amâo djŏ hĕ čar anăn jing čhŏ êdimima kyua klei anăn? Ƀiădah ih ngă knhông leh hŏng lu phung ih khăp; leh anăn ih srăng lŏ wĭt kơ kâo mơ̆?” Yêhôwa lač.

Y-Yêrêmi 3:8

Gơ̆ ƀuh kyua jih jang klei knhông Israel amâo sĭt suôr ngă, Kâo suôt ñu hŏng sa pŏk hră bi lui; ƀiădah adei mniê amâo sĭt suôr ñu, Yuđa, amâo huĭ ôh, ƀiădah wăt gơ̆ mơh nao ngă klei knhông.

Y-Êsêkiêl 16:15

‘Ƀiădah ih knang kơ klei siam ih, leh anăn ngă klei knhông kyua klei hing ang ih, leh anăn ih jao ih pô ngă knhông hŏng jih jang phung găn giăm ih.

Y-Êsêkiêl 16:29

Ih bi lar msĕ mơh klei knhông ih hŏng čar Kanaan hlŏng kơ čar Kaldê thâo mblei mnia; leh anăn wăt hŏng phung anei kăn ih hrăp rei.’

Y-Êsêkiêl 16:8

Tơdah Kâo lŏ găn giăm ih leh anăn dlăng kơ ih, nĕ anei ih truh kơ thŭn thâo bi khăp leh; leh anăn Kâo guôm ih hŏng kdrŭn ao kâo leh anăn guôm klei lưng mlŭn ih. Sĭt nik Kâo ƀuăn bi mguôp leh anăn bi kuôl hŏng ih,’ Yêhôwa Aê Diê lač, ‘leh anăn ih jing dŏ Kâo leh.’

Y-Mathiơ 19:10

Phung ƀĭng kna lač kơ Ñu, “Tơdah mâo klei snăn sa čô êkei hŏng mô̆ ñu, jăk hĭn ñu amâo dôk mô̆ ôh.”

Y-Mathiơ 19:8

Ñu lŏ wĭt lač kơ digơ̆, “Kyuadah ai tiê diih khăng, snăn Y-Môis tŭ brei diih lui mô̆ diih, ƀiădah mơ̆ng mphŭn amâo djŏ snăn ôh.

Y-Mathiơ 5:32

Ƀiădah Kâo lač kơ diih, grăp čô hlei pô lui mô̆ ñu amâo djŏ kyua mô̆ ñu jing knhông ôh, ñu mjing gơ̆ sa čô mniê tlĕ piu; leh anăn hlei pô mă dôk sa čô mniê arăng lui leh jing mnuih tlĕ piu msĕ mơh.”

Y-Luk 16:18

Hlei pô lui mô̆ ñu leh anăn dôk mô̆ mkăn ngă klei tlĕ piu yơh; leh anăn hlei pô dôk sa čô mniê ung ñu lui leh ngă klei tlĕ piu mơh.”

I Kôrantô 5:1

Arăng hưn mâo klei knhông ti krah phung diih. Klei knhông msĕ snăn arăng amâo tuôm ƀuh ôh wăt ti krah phung tue: sa čô êkei dôk hŏng mô̆ hjŭng ama ñu.

I Kôrantô 7:39

Sa čô mniê bi đuôm hŏng ung ñu jih hruê gơ̆ dôk hdĭp. Tơdah ung ñu djiê, ñu êngiê dưi lŏ dôk ung tui si ñu čiăng, ƀiădah knŏng hŏng pô đăo kơ Khua Yang.

I Kôrantô 7:4

Mô̆ amâo jing khua kơ asei mlei ñu pô ôh, ƀiădah ung ñu jing khua. Msĕ mơh ung amâo jing khua kơ asei mlei ñu pô ôh, ƀiădah mô̆ ñu jing khua.