Y-Mathiơ 19:7 - Klei Aê Diê Blŭ 2015

⁷ Phung Pharisi lač kơ Ñu, “Snăn si ngă Y-Môis mtă brei arăng ngă hră lui mô̆ leh anăn lui gơ̆?”

Y-Mathiơ 19:7 Iomraidhean Croise

Y-Êsai 50:1

Snei Yêhôwa lač: “Ti hră klei bi lui ung mô̆ amĭ diih, hŏng hră anăn Kâo lui ñu leh? Amâodah kơ hlei pô hlăm phung Kâo đuôm nư Kâo čhĭ diih leh? Nĕ anei, kyua klei wê ih yơh arăng čhĭ leh diih, leh anăn kyua klei diih gao klei bhiăn arăng lui leh amĭ diih.

Y-Yêrêmi 3:8

Gơ̆ ƀuh kyua jih jang klei knhông Israel amâo sĭt suôr ngă, Kâo suôt ñu hŏng sa pŏk hră bi lui; ƀiădah adei mniê amâo sĭt suôr ñu, Yuđa, amâo huĭ ôh, ƀiădah wăt gơ̆ mơh nao ngă klei knhông.

Y-Malaki 2:16

“Kyuadah Kâo bi êmut kơ klei bi lui ung mô̆,” Yêhôwa Aê Diê Israel lač, “Leh anăn pô guôm čhiăm ao gơ̆ hŏng klei ƀai,” Yêhôwa kơ phung kahan lač. Kyuanăn răng bĕ kơ diih pô leh anăn đăm jing ôh pô amâo dôk sĭt suôr.

Y-Mathiơ 1:19

Ung gơ̆ Y-Yôsep jing sa čô êkei kpă ênô, amâo čiăng bi hêñ gơ̆ ôh, snăn ñu mĭn čiăng bi lui hŏng klei hgăm.

Y-Mathiơ 19:6

Snăn diñu amâo lŏ jing dua ôh, ƀiădah knŏng sa kđeh. Snăn đăm brei mnuih bi ktlah ôh ya mnơ̆ng Aê Diê bi mguôp leh mbĭt.”

Y-Mathiơ 19:8

Ñu lŏ wĭt lač kơ digơ̆, “Kyuadah ai tiê diih khăng, snăn Y-Môis tŭ brei diih lui mô̆ diih, ƀiădah mơ̆ng mphŭn amâo djŏ snăn ôh.

Y-Mathiơ 5:31

“Phung đưm lač leh mơh, ‘Hlei pô lui mô̆ ñu, brei ñu čih kơ gơ̆ sa pŏk hră lui.’

Y-Markôs 10:4

Diñu lač, “Y-Môis brei arăng čih hră klei bi lui leh anăn lui mô̆ ñu.”