Y-Mathiơ 19:6 - Klei Aê Diê Blŭ 2015

⁶ Snăn diñu amâo lŏ jing dua ôh, ƀiădah knŏng sa kđeh. Snăn đăm brei mnuih bi ktlah ôh ya mnơ̆ng Aê Diê bi mguôp leh mbĭt.”

Y-Mathiơ 19:6 Iomraidhean Croise

Klei Bi Hriêng 2:17

pô lui ung ñu mâo mơ̆ng ênuk ñu hlăk ai, leh anăn wơr bĭt klei bi mguôp hŏng Aê Diê ñu.

Y-Malaki 2:14

Diih lač, “Si ngă ñu amâo tŭ?” Kyuadah Yêhôwa jing Pô hưn bi sĭt kơ klei bi mguôp ih hŏng mô̆ ih mơ̆ng ih hlăk ai, hŏng gơ̆ ih amâo dôk sĭt suôr ôh, wăt tơdah gơ̆ jing pô dôk mbĭt hŏng ih leh anăn jing mô̆ ih hŏng klei bi mguôp.

Y-Malaki 2:16

“Kyuadah Kâo bi êmut kơ klei bi lui ung mô̆,” Yêhôwa Aê Diê Israel lač, “Leh anăn pô guôm čhiăm ao gơ̆ hŏng klei ƀai,” Yêhôwa kơ phung kahan lač. Kyuanăn răng bĕ kơ diih pô leh anăn đăm jing ôh pô amâo dôk sĭt suôr.

Y-Mathiơ 19:5

leh anăn lač, ‘Kyua klei anei êkei srăng lui amĭ ama ñu leh anăn bi mguôp hŏng mô̆ ñu, leh anăn dua čô diñu srăng jing sa kđeh?’

Y-Mathiơ 19:7

Phung Pharisi lač kơ Ñu, “Snăn si ngă Y-Môis mtă brei arăng ngă hră lui mô̆ leh anăn lui gơ̆?”

Y-Markôs 10:9

Snăn hlei pô Aê Diê bi mguôp leh mbĭt, đăm brei mnuih bi ktlah ôh.”

Hră Y-Pôl Mơĭt kơ Phung Rôm 7:2

Snăn tui si klei bhiăn, mniê đuôm hŏng ung ñu êjai gơ̆ dôk hdĭp; ƀiădah tơdah ung ñu djiê, ñu tlaih leh mơ̆ng klei bhiăn bi đuôm ñu hŏng ung.

Êphêsô 5:28

Msĕ snăn mơh, brei phung êkei mâo mô̆ khăp kơ mô̆ diñu msĕ si kơ asei mlei diñu pô. Hlei pô khăp kơ mô̆ ñu, khăp kơ ñu pô.

Hêbrơ 13:4

Brei jih jang mnuih mpŭ kơ klei bi dôk ung mô̆, đăm bi čhŏ jhưng pĭt diih ôh, kyuadah Aê Diê srăng phat kđi phung knhông leh anăn phung tlĕ piu.