Y-Mathiơ 19:23 - Klei Aê Diê Blŭ 2015

²³ Yêsu lač kơ phung ƀĭng kna Ñu, “Sĭt nik Kâo lač kơ diih, jing dleh snăk kơ sa čô mdrŏng mŭt hlăm ƀuôn ala mtao adiê.

Y-Mathiơ 19:23 Iomraidhean Croise

Klei Bi Hriêng 11:28

Hlei pô knang kơ klei mdrŏng ñu pô srăng lĕ, ƀiădah phung kpă ênô srăng đĭ kyar msĕ si hla kyâo mtah.

Y-Mathiơ 13:22

Bi kơ mjeh rah ti anôk êruê, jing pô hmư̆ klei blŭ, ƀiădah klei uêñ hnĭng kơ lăn ala leh anăn klei mplư kbiă mơ̆ng klei čiăng klei mdrŏng sah ktư̆ hĕ klei blŭ, leh anăn ñu amâo mboh ôh.

Y-Mathiơ 18:3

“Sĭt nik Kâo lač kơ diih, tơdah diih amâo bi mlih jing msĕ si hđeh điêt, diih amâo srăng mŭt hlăm ƀuôn ala mtao adiê ôh.

Y-Mathiơ 19:22

Tơdah êkei hlăk ai hmư̆ klei blŭ anăn, ñu đuĕ bŏ hŏng klei ênguôt kyuadah ñu mâo lu dŏ ngăn.

Y-Mathiơ 21:31

Hlei pô hlăm phung dua čô anăn ngă klei ama ñu čiăng?” Diñu lŏ wĭt lač, “Pô êlâo anăn.” Yêsu lač kơ diñu, “Sĭt nik Kâo lač kơ diih, phung rĭng jia leh anăn phung mniê knhông mŭt hlăm ƀuôn ala mtao Aê Diê êlâo kơ diih.

Y-Mathiơ 5:20

Kyuadah Kâo lač kơ diih, tơdah klei kpă ênô diih amâo jing kdlưn hĭn kơ klei kpă ênô phung khua čih hră leh anăn phung Pharisi, diih amâo srăng mŭt hlăm ƀuôn ala mtao adiê ôh.”

Y-Markôs 10:23

Yêsu dlăng jŭm dar leh anăn lač kơ phung ƀĭng kna Ñu, “Dleh snăk kơ phung mdrŏng mŭt hlăm ƀuôn ala mtao Aê Diê!”

Y-Luk 18:24

Yêsu ƀuh gơ̆ ênguôt leh anăn lač, “Dleh snăk kơ phung mdrŏng mŭt hlăm ƀuôn ala mtao Aê Diê!

Y-Yôhan 3:3

Yêsu lŏ wĭt lač kơ ñu, “Kâo lač kơ ih klei sĭt nik, tơdah sa čô amâo mâo klei lŏ bi kkiêng mrâo, ñu amâo dưi ƀuh ƀuôn ala mtao Aê Diê ôh.”

Y-Yôhan 3:5

Yêsu lŏ wĭt lač, “Kâo lač kơ ih klei sĭt nik, tơdah sa čô mnuih amâo mâo klei kkiêng hŏng êa leh anăn hŏng Mngăt Myang, ñu amâo dưi mŭt hlăm ƀuôn ala mtao Aê Diê ôh.

Bruă Phung Khua Ƀĭng Kna 14:22

lŏ bi ktang phung ƀĭng kna, mđĭ ai digơ̆ brei dôk kjăp hlăm klei đăo, leh anăn hưn kơ digơ̆ hŏng klei tŭ lu klei knap mñai kơh srăng mŭt hlăm ƀuôn ala mtao Aê Diê.

I Kôrantô 1:26

Ơ phung ayŏng adei, ksiêm bĕ klei Aê Diê iêô diih. Amâo mâo lu ôh diih jing phung thâo mĭn tui si kđeh, amâo mâo lu ôh mâo klei dưi, amâo mâo lu ôh jing phung arăng mpŭ;

Y-Yakơ 2:6

Ƀiădah diih mưč leh kơ pô ƀun ƀin. Amâo djŏ hĕ phung mdrŏng ktư̆ juă diih leh anăn đoh ba diih kơ sang phat kđi?