Y-Mathiơ 19:21 - Klei Aê Diê Blŭ 2015

²¹ Yêsu lač kơ gơ̆, “Tơdah ih čiăng jing jăk klă, nao bĕ, čhĭ hĕ ya mnơ̆ng ih mâo leh anăn brei kơ phung ƀun ƀin, leh anăn ih srăng mâo ngăn yuôm hlăm adiê. Leh anăn hriê bĕ, tui hlue Kâo.”

Y-Mathiơ 19:21 Iomraidhean Croise

Klei Mphŭn Dơ̆ng 17:1

Tơdah Y-Abram mâo dua păn pluh dua păn thŭn, Khua Yang bi êdah kơ Y-Abram, lač kơ ñu, “Kâo jing Aê Diê Pô Mâo Jih Klei Myang. Êbat bĕ ti anăp Kâo leh anăn brei ih jing pô amâo mâo klei arăng dưi ƀuah ôh.

Klei Mphŭn Dơ̆ng 6:9

Nĕ anei phung anak čô Y-Nôê. Y-Nôê jing mnuih kpă ênô, amâo mâo klei năng ƀuah ôh hlăm ênuk ñu. Y-Nôê êbat mbĭt hŏng Aê Diê.

Y-Yôp 1:1

Mâo sa čô êkei hlăm čar Us, anăn ñu Y-Yôp; êkei anăn amâo mâo klei arăng dưi ƀuah ôh leh anăn kpă ênô, sa čô huĭ mpŭ kơ Aê Diê, leh anăn weh đuĕ mơ̆ng klei jhat.

Klei Mmuñ Hđăp 37:37

Ksiêm bĕ kơ mnuih jăk leh anăn dlăng kơ mnuih kpă, kyuadah anak čô sa čô mnuih êđăp ênang srăng dôk nanao.

Y-Mathiơ 16:24

Leh anăn Yêsu hưn kơ phung ƀĭng kna Ñu, “Tơdah sa čô čiăng tui hlue Kâo, brei ñu hngah hĕ klei ñu pô čiăng, klam kyâo bi kal ñu pô, leh anăn tui hlue Kâo.

Y-Mathiơ 19:20

Êkei hlăk ai anăn lač kơ Ñu, “Kâo gưt leh jih jang klei bhiăn anăn; ya klei ka djăp?”

Y-Mathiơ 19:22

Tơdah êkei hlăk ai hmư̆ klei blŭ anăn, ñu đuĕ bŏ hŏng klei ênguôt kyuadah ñu mâo lu dŏ ngăn.

Y-Mathiơ 19:28

Yêsu lač kơ digơ̆, “Sĭt nik Kâo lač kơ diih, hlăm ênuk lŏ bi mrâo, tơdah Anak Mnuih srăng dôk gŭ ti jhưng mtao guh kơang Ñu, diih phung tui hlue leh Kâo srăng dôk gŭ msĕ mơh ti pluh dua boh jhưng mtao, phat kđi pluh dua găp djuê phung Israel.

Y-Mathiơ 4:19

Ñu lač kơ digơ̆, “Tui hlue Kâo bĕ, leh anăn Kâo srăng mjing diih mnuih trah mnuih.”

Y-Mathiơ 5:48

Snăn yơh brei diih jing jăk klă msĕ si Ama diih hlăm adiê jing jăk klă.”

Y-Mathiơ 8:22

Ƀiădah Yêsu lač kơ ñu, “Tui hlue Kâo bĕ, leh anăn lui phung djiê dơr mă mnuih djiê diñu pô.”

Y-Mathiơ 9:9

Êjai Yêsu đuĕ mơ̆ng anăn, Ñu ƀuh sa čô êkei anăn gơ̆ Y-Mathiơ dôk gŭ ti adŭ rĭng jia. Yêsu lač kơ gơ̆, “Tui hlue Kâo.” Gơ̆ kgŭ leh anăn tui hlue Ñu.

Y-Markôs 10:21

Yêsu dlăng kơ gơ̆ hŏng klei khăp, leh anăn lač, “Ih kƀah sa klei: nao bĕ, čhĭ hĕ ya mnơ̆ng ih mâo leh anăn brei kơ phung ƀun ƀin, leh anăn ih srăng mâo ngăn yuôm hlăm adiê. Leh anăn hriê bĕ, tui hlue Kâo.”

Y-Markôs 2:14

Êjai Yêsu găn tinăn Ñu ƀuh Y-Lêwi anak Y-Alphê dôk gŭ hlăm adŭ rĭng jia, leh anăn Ñu lač kơ Y-Lêwi, “Tui hlue Kâo.” Snăn Y-Lêwi kgŭ leh anăn tui hlue Ñu.

Y-Markôs 8:34

Yêsu iêô phung lu mbĭt hŏng phung ƀĭng kna Ñu leh anăn lač kơ digơ̆, “Tơdah sa čô čiăng tui hlue Kâo, brei ñu hngah hĕ klei ñu pô čiăng, klam kyâo bi kal ñu, leh anăn tui hlue Kâo.

Y-Luk 12:33

Čhĭ bĕ ngăn dŏ diih, leh anăn brei mnơ̆ng pap. Bi mâo hĕ kơ diih pô kdŭng prăk amâo thâo sô, ngăn yuôm hlăm adiê amâo thâo jih ôh. Tinăn pô knĕ amâo dưi truh, leh anăn muôr amâo dưi bi rai ôh.

Y-Luk 14:33

Snăn mơh hlei pô hlăm phung diih amâo hngah ôh kơ jih jang mnơ̆ng ñu mâo, ñu amâo dưi jing ƀĭng kna Kâo ôh.”

Y-Luk 16:9

Leh anăn Kâo lač kơ diih, brei diih yua ngăn dŏ lăn ala čiăng mâo mah jiăng, čiăng kơ tơdah mnơ̆ng anăn jih, diñu srăng jum diih hlăm sang dôk hlŏng lar.

Y-Luk 18:22

Tơdah Yêsu hmư̆ klei anăn, Ñu lač kơ gơ̆, “Ih ăt kƀah sa klei. Čhĭ bĕ jih jang mnơ̆ng ih mâo leh anăn bi mbha kơ phung ƀun ƀin, leh anăn ih srăng mâo ngăn yuôm hlăm adiê. Leh anăn hriê bĕ, tui hlue Kâo.”

Y-Luk 5:27

Leh klei anăn Yêsu kbiă leh anăn ƀuh sa čô rĭng jia, anăn gơ̆ Y-Lêwi, dôk gŭ ti adŭ rĭng jia. Yêsu lač kơ gơ̆, “Tui hlue Kâo.”

Y-Luk 6:40

Sa čô ƀĭng kna amâo jing prŏng hĭn kơ nai mtô ñu ôh, ƀiădah grăp čô hriăm leh ênŭm srăng jing msĕ si khua pô mtô ñu.

Y-Luk 9:23

Leh anăn Yêsu lač kơ jih jang, “Tơdah sa čô čiăng tui hlue Kâo, brei ñu hngah hĕ kơ ñu pô, klam kyâo bi kal ñu grăp hruê, leh anăn tui hlue Kâo.

Y-Yôhan 10:27

Phung biăp Kâo hmư̆ asăp Kâo, Kâo thâo kral digơ̆, leh anăn digơ̆ tui hlue Kâo.

Y-Yôhan 12:26

Tơdah sa čô mă bruă kơ Kâo, brei ñu tui hlue Kâo. Ti anôk Kâo dôk, dĭng buăl Kâo srăng dôk tinăn msĕ mơh. Hlei pô mă bruă kơ Kâo, Ama Kâo srăng mpŭ kơ ñu.”

Bruă Phung Khua Ƀĭng Kna 2:45

Diñu čhĭ lăn hma leh anăn ngăn drăp diñu, leh anăn bi mbha dŏ anăn kơ jih jang tui si grăp čô kƀah.

Hêbrơ 10:34

Kyuadah diih mâo leh klei thâo pap kơ phung mnă, leh anăn diih tŭ leh hŏng klei hơ̆k mơak klei arăng plah mă ngăn dŏ diih, kyuadah diih thâo leh diih pô mâo ngăn dŏ jăk hĭn leh anăn dôk hlŏng lar.