Y-Mathiơ 19:10 - Klei Aê Diê Blŭ 2015

¹⁰ Phung ƀĭng kna lač kơ Ñu, “Tơdah mâo klei snăn sa čô êkei hŏng mô̆ ñu, jăk hĭn ñu amâo dôk mô̆ ôh.”

Y-Mathiơ 19:10 Iomraidhean Croise

Klei Mphŭn Dơ̆ng 2:18

Khua Yang Aê Diê lač, “Amâo jăk ôh êkei anăn dôk hjăn; Kâo srăng mjing brei kơ ñu sa čô pô đru năng kơ ñu.”

Klei Bi Hriêng 18:22

Hlei pô duah mâo mô̆ mâo leh klei jăk, leh anăn mă tŭ klei pap mơ̆ng Yêhôwa.

Klei Bi Hriêng 21:19

Jăk hĭn dôk hlăm anôk êhiŏ êyăng kơ dôk mbĭt hŏng sa čô mô̆ kreh bi mneh msao leh anăn ră ăl.

Klei Bi Hriêng 21:9

Jăk hĭn dôk ti dlông kiêng čuôr găp, kơ dôk hlăm sang mbĭt hŏng sa čô mô̆ kreh bi mneh msao.

Y-Mathiơ 19:11

Ƀiădah Ñu lač kơ digơ̆, “Amâo djŏ jih jang mnuih ôh dưi tŭ klei anei, ƀiădah knŏng kơ phung arăng brei leh klei anăn.

Y-Mathiơ 19:9

Leh anăn Kâo lač kơ diih, hlei pô lui mô̆ ñu tơdah gơ̆ amâo tuôm tlĕ piu ôh leh anăn lŏ dôk mniê mkăn, ñu tlĕ piu yơh.”

I Kôrantô 7:8

Kâo lač kơ phung ka bi dôk ung mô̆ ôh leh anăn kơ phung mniê djiê ung, jing jăk kơ diñu ăt dôk hliê msĕ si kâo.

I Y-Timôthê 4:3

Phung anăn ghă arăng dôk ung mô̆, leh anăn mtă kăm ƀơ̆ng đa đa mnơ̆ng ƀơ̆ng huă, mnơ̆ng anăn Aê Diê hrih leh čiăng kơ phung đăo leh anăn thâo săng leh klei sĭt nik ƀơ̆ng hŏng klei hdơr knga.