Y-Mathiơ 18:7 - Klei Aê Diê Blŭ 2015

⁷ Knap mñai yơh kơ lăn ala kyua mâo lu klei bi msoh. Kyuadah bhiăn mâo klei bi msoh, ƀiădah knap mñai yơh kơ hlei pô brei klei bi msoh truh.

Y-Mathiơ 18:7 Iomraidhean Croise

Klei Mphŭn Dơ̆ng 13:7

Mâo klei bi msao hdơ̆ng phung mgăt êmô biăp Y-Abram leh anăn phung mgăt êmô biăp Y-Lot. Hlăk anăn phung Kanaan leh anăn phung Pêrisit ăt dôk hlăm čar.

II Y-Samuel 12:14

Ƀiădah kyuadah hŏng klei ih ngă anei ih mưč leh kơ Yêhôwa, anak arăng kkiêng kơ ih srăng djiê.”

Y-Mathiơ 16:23

Ƀiădah Yêsu wir dlăng leh anăn lač kơ Y-Pêtrôs, “Kdŭn đuĕ mơ̆ng Kâo, Ơ Satan! Ih jing pô bi têč hnêč Kâo, kyuadah klei mĭn ih amâo kbiă hriê mơ̆ng Aê Diê ôh, ƀiădah kbiă hriê mơ̆ng mnuih.”

Y-Mathiơ 26:24

Anak Mnuih srăng djiê tui si Klei Aê Diê Blŭ čih leh djŏ kơ Ñu, ƀiădah knap mñai yơh kơ pô lhiăr kơ Anak Mnuih! Jăk hĭn arăng amâo tuôm kkiêng kơ gơ̆ ôh.”

Y-Markôs 13:7

Leh anăn tơdah diih hmư̆ ênai klei bi blah giăm leh anăn hmư̆ hing kơ klei bi blah kbưi, đăm rŭng răng ôh. Klei anăn srăng truh, ƀiădah ka truh hruê knhal tuč ôh.

Y-Luk 17:1

Yêsu lač kơ phung ƀĭng kna Ñu, “Klei bi têč hnêč srăng truh sĭt, ƀiădah knap mñai yơh kơ pô bi truh klei têč hnêč anăn!

Y-Yôhan 17:12

Êjai Kâo dôk mbĭt hŏng diñu, Kâo răng kriê diñu hlăm anăn Ih, anăn Ih brei leh kơ Kâo. Kâo kiă kriê diñu leh, leh anăn amâo mâo sa čô hlăm phung diñu luč ôh, knŏng anak kơ klei luč, čiăng bi sĭt Klei Aê Diê Blŭ čih leh.

Bruă Phung Khua Ƀĭng Kna 1:16

“Ơ phung ayŏng adei, bi sĭt leh Klei Aê Diê Blŭ čih, klei anăn Yang Mngăt Jăk hưn êlâo leh hŏng ƀăng êgei Y-Đawit, djŏ kơ Y-Yuđas pô atăt êlan kơ phung mă čăp Yêsu.

I Kôrantô 11:19

kyuadah sĭt yơh mâo phung mdê mdê ti krah diih, čiăng kơ arăng dưi thâo kral hlei hlăm phung diih jing sĭt.

I Y-Timôthê 6:1

Brei jih jang dôk ti gŭ knông jing hlŭn yap phung khua diñu năng kơ jih klei mpŭ, čiăng kơ arăng amâo dlao wač ôh kơ anăn Aê Diê leh anăn kơ klei mtô klei đăo.

Y-Tit 2:5

dôk djŏ hnơ̆ng, dôk ênuah, thâo mă bruă hlăm sang, êmhač, thâo đup gưt kơ ung diñu, čiăng đăm arăng mưč kơ klei Aê Diê blŭ ôh.

Y-Tit 2:8

klei blŭ bi djŏ arăng amâo dưi ƀuah ôh, čiăng kơ pô roh srăng hêñ, amâo mâo sa mta klei dưi blŭ jhat kơ drei ôh.

Y-Yut 1:4

Kyuadah mâo đa đa phung mnuih mŭt leh hlăm phung diih hŏng klei hgăm, phung anăn arăng čuăn leh mơ̆ng sui kơ klei bi kmhal. Diñu jing phung amâo thâo mpŭ kơ Aê Diê ôh, phung bi mbliư̆ klei pap Aê Diê drei brei jing klei dưi ngă soh, leh anăn hngah kơ Khua drei mâo knŏng sa čô, jing Khua Yang Yêsu Krist.

I Y-Samuel 2:17

Snăn klei soh phung hlăk ai anăn jing prŏng snăk ti anăp ală Yêhôwa; kyuadah phung êkei anăn ngă klei amâo uêñ kơ mnơ̆ng myơr kơ Yêhôwa.