Y-Mathiơ 18:4 - Klei Aê Diê Blŭ 2015

⁴ Hlei pô bi luă gŭ ñu pô msĕ si hđeh anei, ñu jing pô prŏng hĭn hlăm ƀuôn ala mtao adiê.”

Y-Mathiơ 18:4 Iomraidhean Croise

Y-Êsai 57:15

Kyuadah snei Pô Ti Dlông Hĭn, Pô dôk hlŏng lar, anăn Ñu jing Doh Jăk, lač: “Kâo dôk hlăm anôk ti dlông leh anăn doh jăk, leh anăn msĕ mơh mbĭt hŏng pô mâo ai tiê ênguôt kơ klei soh leh anăn thâo luă gŭ, čiăng lŏ bi hdĭp ai tiê phung luă gŭ, čiăng lŏ bi hdĭp ai tiê pô ênguôt kơ klei soh.

Y-Mathiơ 18:1

Hlăk anăn phung ƀĭng kna nao kơ Yêsu leh anăn lač, “Hlei pô jing prŏng hĭn hlăm ƀuôn ala mtao adiê?”

Y-Mathiơ 18:3

“Sĭt nik Kâo lač kơ diih, tơdah diih amâo bi mlih jing msĕ si hđeh điêt, diih amâo srăng mŭt hlăm ƀuôn ala mtao adiê ôh.

Y-Mathiơ 18:5

“Hlei pô jum sa čô hđeh msĕ snei hlăm anăn Kâo jing jum Kâo yơh;

Y-Markôs 10:43

Ƀiădah amâo djŏ snăn ôh ti krah diih, hlei pô čiăng jing prŏng hlăm phung diih, brei ñu jing dĭng buăl diih.

Y-Markôs 9:34

Ƀiădah digơ̆ dôk ñăt, kyuadah ktuê êlan digơ̆ bi mgăl hdơ̆ng digơ̆ hlei pô jing prŏng hĭn hlăm phung digơ̆.

Y-Luk 14:11

Kyuadah grăp čô hlei pô mpŭ kơ ñu pô, arăng srăng bi mtrŭn ñu; leh anăn hlei pô bi mtrŭn ñu pô, arăng srăng mpŭ kơ ñu.”

Y-Luk 9:48

leh anăn lač kơ diñu, “Hlei pô jum hđeh điêt anei hlăm anăn Kâo msĕ si jum Kâo mơh; leh anăn hlei pô jum Kâo msĕ si jum Pô tiŏ hriê Kâo leh, kyuadah hlei pô jing điêt hĭn hlăm phung diih jih jang, pô anăn yơh jing prŏng hĭn.”

Y-Yakơ 4:10

Luă gŭ bĕ diih pô ti anăp Khua Yang, leh anăn Ñu srăng bi mđĭ diih.

I Y-Pêtrôs 5:5

Msĕ mơh kơ diih jing phung hlăk ai, brei diih gưt kơ phung khua mduôn. Brei jih jang diih hơô klei luă gŭ êjai hdĭp hdơ̆ng diih, kyuadah “Aê Diê bi kdơ̆ng hŏng phung mgao, ƀiădah brei klei pap kơ phung luă gŭ.”