Y-Mathiơ 18:3 - Klei Aê Diê Blŭ 2015

³ “Sĭt nik Kâo lač kơ diih, tơdah diih amâo bi mlih jing msĕ si hđeh điêt, diih amâo srăng mŭt hlăm ƀuôn ala mtao adiê ôh.

Y-Mathiơ 18:3 Iomraidhean Croise

Klei Mmuñ Hđăp 131:2

Ƀiădah kâo dôk ñăt leh anăn êđăp ênang; msĕ si sa čô hđeh lui mam dôk êđăp ênang êjai amĭ ñu pŭ, snăn mơh mngăt kâo dôk êđăp ênang; msĕ si sa čô hđeh lui mam.

Y-Êsai 6:10

Brei ih bi khăng hĕ ai tiê phung ƀuôn sang anei; bi ktrŏ hĕ ƀăng knga diñu, leh anăn bi pĭt hĕ ală diñu, huĭdah diñu ƀuh hŏng ală diñu, hmư̆ hŏng knga diñu, leh anăn ai tiê diñu thâo săng, leh anăn diñu lŏ wĭt leh anăn lŏ mâo klei bi hlao.”

Y-Mathiơ 13:15

Kyuadah ai tiê phung ƀuôn sang anei jing khăng leh, leh anăn knga diñu kngăl leh, diñu pĭt leh ală diñu, kyuadah tơdah diñu ƀuh hŏng ală diñu, hmư̆ hŏng knga diñu, thâo săng hlăm ai tiê diñu, leh anăn wĭt kơ Kâo čiăng kơ Kâo bi hlao diñu.’

Y-Mathiơ 18:2

Yêsu iêô sa čô hđeh điêt, mdơ̆ng gơ̆ ti krah diñu, leh anăn lač,

Y-Mathiơ 18:4

Hlei pô bi luă gŭ ñu pô msĕ si hđeh anei, ñu jing pô prŏng hĭn hlăm ƀuôn ala mtao adiê.”

Y-Mathiơ 19:14

Ƀiădah Yêsu lač, “Brei phung hđeh hriê kơ Kâo, đăm ghă digơ̆ ôh; kyuadah ƀuôn ala mtao adiê pioh kơ phung msĕ si digơ̆.”

Y-Mathiơ 19:23

Yêsu lač kơ phung ƀĭng kna Ñu, “Sĭt nik Kâo lač kơ diih, jing dleh snăk kơ sa čô mdrŏng mŭt hlăm ƀuôn ala mtao adiê.

Y-Mathiơ 5:18

Kyuadah sĭt nik Kâo lač kơ diih, tơl adiê leh anăn lăn ala êgao tuč, amâo srăng luč sa boh hră amâodah sa klei điêt hĭn hlăm klei bhiăn ôh, tơl jih jang klei anăn srăng bi sĭt.

Y-Mathiơ 5:20

Kyuadah Kâo lač kơ diih, tơdah klei kpă ênô diih amâo jing kdlưn hĭn kơ klei kpă ênô phung khua čih hră leh anăn phung Pharisi, diih amâo srăng mŭt hlăm ƀuôn ala mtao adiê ôh.”

Y-Mathiơ 6:16

“Tơdah diih kăm ƀơ̆ng huă, đăm bi êdah ôh ƀô̆ mta ênguôt, msĕ si phung ai ngăm; kyuadah diñu bi êdah ƀô̆ mta ênguôt čiăng kơ mnuih thâo kơ diñu kăm ƀơ̆ng huă. Sĭt nik Kâo lač kơ diih, diñu mâo leh klei mưn kơ diñu.

Y-Mathiơ 6:2

Snăn tơdah ih brei mnơ̆ng pap kơ arăng, đăm ayŭ ki ti anăp ih ôh msĕ si phung ai ngăm ngă hlăm sang bi kƀĭn leh anăn ti êlan dơ̆ng, čiăng kơ mnuih mpŭ mni kơ diñu. Sĭt nik Kâo lač kơ diih, phung anăn mâo leh klei mưn kơ diñu.

Y-Mathiơ 6:5

“Tơdah diih wah lač, đăm jing msĕ si phung ai ngăm ôh; kyuadah diñu khăp wah lač dôk dơ̆ng hlăm sang bi kƀĭn leh anăn ti kiêng êlan čiăng kơ mnuih ƀuh. Sĭt nik Kâo lač kơ diih, diñu mâo leh klei mưn kơ diñu.

Y-Markôs 4:12

čiăng kơ diñu dlăng ƀiădah amâo ƀuh ôh, leh anăn čiăng kơ diñu hmư̆ ƀiădah amâo thâo săng ôh, kyuadah tơdah diñu ƀuh leh anăn thâo săng diñu dưi kmhal leh anăn mâo hĕ klei pap brei.”

Y-Luk 13:24

Ñu lač kơ digơ̆, “Brei diih gĭr mŭt ti ƀăng bhă kniă; kyuadah Kâo lač kơ diih, lu mnuih duah čiăng mŭt, ƀiădah amâo dưi ôh.

Y-Luk 22:32

Ƀiădah Kâo wah lač leh kơ ih, čiăng kơ klei ih đăo amâo awăt ôh. Leh anăn tơdah ih lŏ wĭt kơ Kâo, brei ih bi kjăp phung ayŏng adei ih.”

Y-Yôhan 1:51

Leh anăn Yêsu lač kơ gơ̆, “Kâo lač kơ diih klei sĭt nik, diih srăng ƀuh adiê pŏk mdah, leh anăn phung dĭng buăl jăk Aê Diê đĭ leh anăn trŭn ti Anak Mnuih.”

Y-Yôhan 3:3

Yêsu lŏ wĭt lač kơ ñu, “Kâo lač kơ ih klei sĭt nik, tơdah sa čô amâo mâo klei lŏ bi kkiêng mrâo, ñu amâo dưi ƀuh ƀuôn ala mtao Aê Diê ôh.”

Y-Yôhan 3:5

Yêsu lŏ wĭt lač, “Kâo lač kơ ih klei sĭt nik, tơdah sa čô mnuih amâo mâo klei kkiêng hŏng êa leh anăn hŏng Mngăt Myang, ñu amâo dưi mŭt hlăm ƀuôn ala mtao Aê Diê ôh.

Bruă Phung Khua Ƀĭng Kna 14:22

lŏ bi ktang phung ƀĭng kna, mđĭ ai digơ̆ brei dôk kjăp hlăm klei đăo, leh anăn hưn kơ digơ̆ hŏng klei tŭ lu klei knap mñai kơh srăng mŭt hlăm ƀuôn ala mtao Aê Diê.

Bruă Phung Khua Ƀĭng Kna 28:27

Kyuadah klei mĭn phung ƀuôn sang anei êmưt thâo săng; diñu kăt hĕ ƀăng knga diñu, diñu bi pĭt hĕ ală diñu, bi tơdah ală diñu dưi ƀuh, knga diñu dưi hmư̆, leh anăn klei mĭn diñu dưi thâo săng, leh anăn diñu dưi wir lŏ wĭt kơ kâo, kâo dưi bi hlao diñu.” ’

Bruă Phung Khua Ƀĭng Kna 3:19

Kyuanăn kmhal bĕ kơ klei soh diih leh anăn lŏ wĭt kơ Aê Diê, čiăng kơ Ñu pap brei klei soh diih,

I Kôrantô 14:20

Ơ phung ayŏng adei, đăm lŏ mĭn msĕ si phung hđeh ôh. Brei diih jing msĕ si hđeh hlăm klei thâo ngă jhat, ƀiădah hlăm klei thâo săng brei diih jing mnuih khua leh.

I Y-Pêtrôs 2:2

Msĕ si phung hđeh mrâo kkiêng, brei diih mhao kơ êa ksâo doh kơ ai mĭn, čiăng kơ hŏng mnơ̆ng anăn diih dưi hriê kơ prŏng hlăm klei bi mtlaih,

II Y-Pêtrôs 1:11

Snăn yơh Aê Diê srăng brei diih mŭt ênưih pưih hlăm ƀuôn ala mtao hlŏng lar Yêsu Krist, Khua Yang leh anăn Pô Bi Mtlaih drei.