22 Yêsu lač kơ gơ̆, “Kâo amâo lač kơ ih kjuh blư̆ ôh, ƀiădah kjuh pluh blư̆ kjuh.
Tơdah arăng rŭ ênua kjuh blư̆ kơ Y-Kain, sĭt nik arăng srăng rŭ ênua kơ Y-Lamek kjuh pluh kjuh blư̆.”
Brei pô ƀai lui hĕ êlan ñu pô, leh anăn brei mnuih wê lui klei ñu mĭn. Brei ñu lŏ wĭt kơ Yêhôwa čiăng Gơ̆ srăng pap kơ ñu, kơ Aê Diê drei kyuadah Gơ̆ srăng pap brei êbeh dlai.
Ñu srăng lŏ pap kơ hmei, Ñu srăng juă klei wê hmei ti gŭ jơ̆ng Ñu, leh anăn dlăm hĕ jih jang klei soh hmei hlăm anôk êlam êa ksĭ.
Snăn ƀuôn ala mtao adiê dưi bi hmô hŏng sa čô mtao čiăng tĭng nư phung dĭng buăl ñu đuôm kơ ñu.
Leh anăn tơdah diih dôk dơ̆ng wah lač, tơdah diih mâo klei hŏng arăng, pap brei bĕ, čiăng kơ Ama diih, Pô dôk hlăm adiê, dưi pap brei klei soh diih msĕ mơh.”
Đăm brei klei jhat dưi hŏng ih ôh, ƀiădah brei klei jăk ih ngă dưi hŏng klei jhat.
Tơdah diih ăl, đăm ngă soh ôh. Đăm đuôm ai ăl tơl yang hruê lĕ ôh.
Bi luč hĕ mơ̆ng diih jih klei phĭ, klei ăl, klei ngêñ, klei ngă rŭng răng, klei mčeh luar, mbĭt hŏng jih klei ƀai.
Bi tŭ hdơ̆ng diih, leh anăn tơdah sa čô mâo klei hŏng mnuih mkăn, bi pap brei hdơ̆ng diih. Msĕ si Khua Yang pap brei kơ diih leh, brei diih pap brei msĕ mơh.
Snăn hlăm jih jang anôk kâo čiăng kơ phung êkei wah lač, yơr kngan doh jăk amâo mâo klei ăl amâodah klei bi mneh msao ôh.